最新灣仔好去處,香港動漫海濱樂園!

May 1, 2016

香港首個以「自拍Selfie」為主題o既動漫海濱樂園4月尾於灣仔金紫荊廣場旁開幕喇!

最新灣仔好去處,香港動漫海濱樂園!

香港動漫海濱樂園,坐落於金紫荊廣場旁邊,以自拍為主題。樂園展出左30個本地原創動漫角色塑像,(包括老夫子、步驚雲、王小虎、丁丁企鵝及聾貓等),仲有多個充滿地道特色o既香港動漫場景。你可以隨時變身動漫中角色,與有趣角色「打麻將」,或者係坐上香港獨有o既叮叮電車,體驗港式「擦鞋」及「跳飛機」遊戲等,當然少不了同呢d動漫角色合照、「打卡」留念啦!

最新灣仔好去處,香港動漫海濱樂園!2 最新灣仔好去處,香港動漫海濱樂園!3 最新灣仔好去處,香港動漫海濱樂園!4

於維多利亞港前,同香港經典動漫角色玩自拍,動漫迷必定不能錯過!

香港動漫海濱樂園免費開放俾公眾同旅客參觀,項目初步為期三年,由2016-2019,大家有時間經過先去睇都唔遲。

最新灣仔好去處,香港動漫海濱樂園!5

想繼續探索香港動漫文化?仲可以前往同樣位於灣仔o既「動漫基地」參觀 。

「動漫基地」一個獨特o既「藝術社區」,提供不同類型設施,供漫畫家、動畫師、其他業內人士及公眾使用。「動漫基地」設有與動漫畫有關o既商店、餐飲設施、公眾休憩空間、活動及展覽空間,以及動漫資源中心「動漫沙龍」。「動漫基地」集藝術推廣、教育、研究、零售於一身。

最新灣仔好去處,香港動漫海濱樂園!6

香港動漫海濱樂園 (地址及開放時間等) 詳細資料>>http://goo.gl/jFtHz5

動漫基地 (地址及開放時間等) 詳細資料>>http://goo.gl/aoT4N6

此文章內有0個留言

    新增留言

    按 Like 緊貼最潮玩樂資訊