山頂公園

山頂公園位於太平山山頂纜車站後面，沿凌霄閣旁o既柯士甸山道往上走就到。

山頂公園係百年前港督別墅o既「後花園」。山頂曾經係港督堅尼地o既度暑別墅，別墅現已不在，旁邊o既守衛室依然完好保留，白牆藍窗小屋採用古典主義建築風格，精巧雅致。

沿路o既柯士甸山道宜家係富豪聚居地，政府因此著手改善山頂花園同柯士甸山道遊樂場等休憩設施，草坪上o既涼亭更加建成維多利亞式建築。

公園地方開揚，西望薄扶林水塘、大嶼山及南丫風采發電站，西北面向藍巴勒海峽，東北遙望山頂無線電站，環境優美。山頂公園到處綠油油，又設有長桌椅，適合三五知己一齊黎享受陽光一齊野餐。

此場地全面禁煙。可帶寵物。