年初一新春花車巡遊2016，路線圖最佳觀賞位置話你知！

「國泰新春國際匯演之夜」新春花車巡遊將於農曆初一(2月8日)晚上舉行，今年主題為「環球樂園‧新春派對」！是次巡遊由旅發局斥資3,300萬元舉辦，聲稱為歷來最大型！

當晚將會有13部花車同22個國際及本地團體作出表演，打頭陣o既國泰花車更會派出空姐、機師等沿途同觀眾玩自拍！

匯演將於當晚8時正式展開，而當日大概傍晚6時開始，就會有巡遊前街頭派對！包括以星球大戰o既白兵同黑武士、日本SANRIO家族o既HELLO KITTY、布甸狗同3層樓高賀年版巨型史諾比同大家拜年。巡遊路線沿途亦設有10個定點音樂地帶，由本地年輕音樂人為大家即場獻唱。

文化中心廣場外o既觀眾席入場券已售罄，不過大家仍然可以於活動當晚o係巡遊路線兩旁免費欣賞！

即刻睇睇路線圖同最佳觀賞位置：

2016國泰航空新春國際匯演之夜

日期︰2016年2月8日 (年初一)
時間：晚上8:00至9:45 (無綫電視翡翠台現場直播)
–       持觀眾席入場券觀眾可於晚上7:00就坐
–       下午6:00起，巡遊路線一帶將舉行暖身活動，率先送上流行樂團、舞蹈團的街頭表演及互動遊戲等巡遊

路線：
九龍尖沙咀
–       巡遊隊伍由香港文化中心廣場出發（只限持入場券觀眾進場）。
–       沿廣東道、海防道、彌敦道及梳士巴利道前行，以香港喜來登酒店外為終點。

網址：http://www.discoverhongkong.com/tc/see-do/events-festivals/highlight-events/chinese-new-year-celebrations.jsp

交通：

往尖沙咀香港文化中心：
–       港鐵尖東站L6出口；或
–       在中環或灣仔乘天星小輪至尖沙咀，抵達天星碼頭後右轉即達。

往巡遊地點：
–       港鐵尖沙咀站A、C、D及E出口；或
–       港鐵尖東站J、K、L1、L3、L5及L6出口。

備註：巡遊匯演舉行的前後兩小時將實施封路措施，請留意香港媒體刊登的政府公告。