考考你！
桌球＋足球＝桌上足球 (Pool Soccer / Football Pool)
咁足球＋飛鏢 又等於乜野？
答案係…… 英國新遊戲：Foot Darts！
Foot Darts以魔術貼球同7米高吹氣魔術貼鏢靶組成，考你眼界同腳法！十分新穎！
原來Foot Darts係Foot Sports UK o既英國首個室內足球主題樂園o既活動之一，樂園將會o係黎緊暑假15/7(英國時間)開幕，直至到22/8(英國時間)。
除左Foot Darts之外，仲有10幾種用腳玩o既遊戲，包括Football Pool、Foot Bowling、Football Tennis等等。票價為每項活動3英鎊。
鐘意踢波o既朋友仔就岩哂喇！不過可惜暫時得英國短期有得玩～
唔知遲d香港會唔會都有得玩呢？
Foot Sports UK Indoor Football Theme Park
Date：15/7-22/8/2016
Opening Hour：9am-9pm（Mon-Sat）, 10am-5pm(Sun)
Venue：Bluewater Shopping Centre, UK
Ticket Price：
Single Activity Token = £3
5 Activity Wristband = £15
10 Activity Wristband = £25
Website：http://www.footsportsuk.co.uk/
近幾年黎電影同戲院不斷加入新元素，務求令觀眾有更好體驗。繼3D、4D電影之後，近期熱爆o既VR(Virtual Reality)「虛擬實境」都被用黎睇電影！
最近一支黎自荷蘭o既創業團隊利用Gear VR於荷蘭阿姆斯特丹開左一間戲院，名為 VR Cinema，係全球首間VR戲院。該團隊表示，除左阿姆斯特丹，將來仲會o係柏林、倫敦、巴塞隆那及巴黎等地開設同樣的o既VR戲院。
唔知幾時會開到黎香港，又或者香港都會有人開呢～～ 大家拭目以待啦～！
據知除左採用 VR新技術之外，VR Cinema同傳統戲院o既操作營運仲有好多唔同地方，例如：
想像唔到係點？即刻去片：
票價計番港紙都係百幾蚊左右，仲平過o係香港睇套4D電影。
如果歐遊去開荷蘭阿姆斯特丹，你又會唔會買飛去VR戲院睇番場戲？
The VR Cinema
網頁：https://thevrcinema.com/
為慶祝笨豬跳成立，AJ Hackett澳門旅遊塔於每年12月份都會舉行瘋狂笨豬跳。一黎可以回饋客戶同當地社區支持，亦會慶祝作為亞洲排名第一o既冒險活動中心及同世界最高o既笨豬跳！參加者會以服裝扮演演出，做一d另類o既體驗(笨豬跳或空中漫步) ，贏取現金同獎品，一齊狂歡！
第五屆 “瘋狂笨豬跳”派對將會o係2015年12月5日舉辦。今年將會以”功夫”作為主題，屆時可以着上你精心設計o既”功夫”服飾。大會仲邀請左香港明星鄭欣宜Joyce Cheng 作為嘉賓。
一齊扮鬼扮馬癲番下聽落好似幾吸引，但係，最吸引o既相信都係活動o既優惠！！！
笨豬跳只需優惠價 $888! (原價 $3,788)
包括笨豬跳活動、澳門觀光塔入場門票、限量版“瘋狂笨豬跳”T-shirt，禮品包，電子證書、AJ Hackett會員證、高清錄像、GoPro影片及相片
瘋狂笨豬跳活動時間：上午10時至下午4時
營業時間：上午10時至晚上12時
瘋狂笨豬跳優惠價：
笨豬跳：$ 888 / 位（原價 $ 3,788/ 位）（全包）
空中漫步：$ 233/ 位或 $ 1,000/ 5位
活動當日下午4時至夜晚12時價格：
笨豬跳：$ 2,888 / 位（原價 $ 3,788/ 位）（全包）
空中漫步：$ 588/ 位
除此之外，今次活動仲設有多個獎項，包括：“最佳服裝獎”、“最佳演出獎”(男子/女子組第一名，第二名，第三名)、“最上鏡跳躍者獎”、30份瘋狂笨豬跳禮品包。
11月30日就截止報名喇！
詳情同登記：http://www.ajhackett.com/macau/crazy-jump-day-2015/
Facebook Page：https://www.facebook.com/ajhackettmacautower/
對面海o既澳門新濠影匯今日正式開幕！究竟有乜野新搞作？
當中最曯目o既一定係 全球最高8字摩天輪 同 4D效果「蝙蝠俠夜神飛馳」！
「影匯之星」係全球唯一同最高o既8字形摩天輪，高懸130米、聳立o係兩座酒店大樓之間，每個買飛o既人可以o係摩天輪逗留15分鐘，當中總共分17個以復古科幻為主題o既觀景廂，每個可以容納多達10個人，從高空欣賞澳門景色。
營運時間：12:00-20:00（週一至週五）
11:00-21:00（週六至週日及公衆假期）
票價：成人 港幣$100, 小童* 港幣$80, 澳門居民、長者* 港幣$85
*優惠門票適用者需於購票時及進場前出示其有效身份證明文件：澳門居民、60歲或以上長者、12歲或以下
網址：http://www.studiocity-macau.com/tc/entertainment/detail/golden-reel
好特別啊！<3 仲同香港個摩天輪差唔多價錢！
「蝙蝠俠夜神飛馳」係全球首個以DC漫畫超級英雄蝙蝠俠為主題o既4D多媒體飛行體驗，類似環球影城Spiderman機動遊戲，玩家坐埋一齊，對住3D螢光幕，全個過程同蝙蝠俠追捕小丑同毒藤女，座位會郁來郁去，加上4D效果有水同花香滲出！
營運時間：12:00-20:00（週一至週五）
11:00-21:00（週六至週日及公衆假期）
票價：成人 港幣$150, 小童* 港幣$120, 澳門居民、長者* 港幣$125
*優惠門票適用者需於購票時及進場前出示其有效身份證明文件：澳門居民、60歲或以上長者、12歲或以下
需身高1.2米或以上方可進場
網址：http://www.studiocity-macau.com/tc/entertainment/detail/batman-dark-flight
Batman迷必定唔可以錯過啊！:D
地點：新濠影滙 Studio City Macau
網址：http://www.studiocity-macau.com/tc/
Facebook：https://www.facebook.com/studiocitymacau
滑索(Zipline)呢個刺激但又帶d冷門o既玩意，識玩o既你可能都o係香港玩過。嫌香港o既滑索未夠激未夠chur未夠驚險？！
一齊黎睇睇江西o既代表！飛越3座101咁高，時速80都未算，仲要，有特別o既煞停方法！！！睇下你又夠唔夠膽玩？！！！
「武功山高空滑索由江西省武功山實業有限公司投資建設，總投資叁百萬元，於2013年6月7日順利通過江西省質量技術監督局檢測，並獲得了合格證。
武功山高空滑索建在老君採藥和福星岩之間，全長190米，高差28米，最高離地距離280米，利用自身重力滑行，全程滑行時間約25秒。滑索運動充滿了速度感和刺激性，讓乘坐的您體會到凌空飛渡，高度驚險的新奇感受，恍如自己成了踏雲而飛的散花仙女，從天而降的天兵天將，是遊客來武功山“體驗自然，展示自我”的理想去處，武功山高空滑索熱忱期待您的光臨。票價25元/人，團購（10人以上）20元/人。」
Shopping Mall除左展覽啊彈床啊迷宮啊鬼屋啊之類仲有乜野玩？！黎睇睇馬來西亞o既代表啦！
馬來西亞o既District 21係個好玩又刺激o既休閒玩點，佢就位於最新o既購物廣場-IOI City Mall Putrajaya內！District 21提供一個適合一家大小參與o既場所，另外，部分o既刺激極限運動仲係非常適合你同朋友仔一齊參加添。培養感情之餘，又可增加默契，哈哈！
究竟係乜東東，一齊黎睇睇District 21 o既11個刺激考驗！
1. Power Station
Power Station係一個互動攀牆運動，提供7個唔同等級同難度o既攀牆。呢到提供非常完整o既安全設備，保證玩o既時候可以盡興得黎，亦能注意安全。呢項活動可以鍛煉你腳同肩膀o既肌肉，更重要o既係，由於部份關卡設有互動機關，需要靠你o既機智解決難題先至能夠繼續先進，爬到最高點！增加不少趣味性！
2. Roller Glider
Zipline你可能玩過，過山車你更加應該玩過，但係，Zipline加過山車化身o既Roller Glider呢？！不同於Zipline只向下滑，Roller Glider帶你沿住軌道左右飛翔，享受當中o既刺激同快感！
3. GoPedal
呢項活動大人小朋友都可以玩，佢提供100m o既路程俾你嘗試體驗Go Kart，測試你o既駕駛速度同技術！
4. Pump Track
Pump Track 有各種高低顛簸，不間斷o既車道。車手可以隨自己喜好選擇自行車、摩托車或者滑板o係上面騎跳。所有車手都要佩戴頭盔，護膝同護肘，以確保安全。
5. Low Ropes
Low Ropes 係天空步道o既縮小版本，專為小朋友而設(Oh.. 各位大朋友冇得玩添~) ，考驗你o既定力同膽量！
6. Launch Pad
Launch Pad係個特大彈床，適合任何年紀人士玩，放任大跳特跳又得，做運動又得！(不過呢個就，香港都有bor！)
7. 迷宮
呢個迷宮建於離地10米，所以特別刺激同好玩。另外，佢仲有另一個版本俾小朋友玩o既～睇張相就知不得了啦！
8. Free Fall
Free fall 俾你體驗另一種降落傘o既感覺。高就幾高喇！不過，從影片睇來，速度好似有d慢喎，而且時間都唔長～
9. Sky Trail
天空步道係迄今為止馬來西亞最大o既室內繩索極限運動。呢一項挑戰提供左23個唔同難度層俾你選擇，根據自己水平挑戰番。
10. Tubby Ride
呢項活動好似坐住水泡o既滑雪活動，剌激地從高處滑下感受速度！你可以選擇一個人玩或者兩個人一齊玩。
11. 旋轉木馬
呢個唔駛多介紹喇，小朋友最愛之一，哈哈！
睇落都好似幾吸引！去開馬來西亞o既朋友仔不妨去睇下～
地址：IOI City Mall, 62502 Kuala Lumpur, Malaysia
電話號碼：+60 3-8328 8888
網址：http://www.district21.com.my/
Facebook：https://www.facebook.com/district21park
[如果你未夠18歲，請你可以Click番上一頁喇~~]
香港o既3D Gallery已經玩過哂，玩到覺得冇乜特別？
除左各式各樣動漫卡通主題之外，3D館又有新搞作喇！不過今次係o係澳門～
澳門十六浦o既3D奇幻世界最近新推出情趣館！嘩！聽到個名都覺得把炮啊！
「情趣館是中港台澳首個以男女為主題的3D館，位於澳門十六浦度假村2樓，為澳門十六浦3D奇幻世界第二期分館，有超過50多個令人熱血沸騰和輕鬆搞笑的3D畫作給遊人合照，你可盡情與3D畫進行互動，按指示及3D畫內容而擺出誘人表情和動作，拍攝出你野性的另一面，參觀情趣館可令遊人暫時拋開情慾禁忌的包袱，和朋友一起開懷大笑地拍下美好的回憶。」
講多無謂，即刻睇睇有幾令人熱血沸騰又有幾輕鬆搞笑先……
地址: 澳門十六浦度假村 – 二樓及三樓
熱線: (853) 2895 1011
網址: http://www.pier16macau3dw.com/
開館時間: 星期一至日, 上午10時 – 晚上8時
*情趣館只歡迎18歲或以上人仕參觀
預計明年於美國俄亥俄州桑達斯基雲杉點遊樂場（Cedar Point）啟用的 Valravn 垂直過山車（dive coaster），最近終於釋出虛擬試玩影片，讓大家能感受一下號稱史上最強的垂直過山車到底有多震撼。
Valravn 成功吸引不少過山車愛好者關注，全因園方高調以「打破十項世界紀錄」作招徠，包括：
（一）世上最高垂直過山車（223 呎）
（二）世上最快垂直過山車（120 km/h）
（三）世上最長垂直過山車（3,415 呎）
（四）最多倒轉次數的垂直過山車（3 次）
（五）垂直下跌距離最長（214 呎）
（六）倒轉位置世上最高（165 呎）
（七）擁有最多組過山車（200 呎以上）的遊樂場（5 組）
（八）擁有最多機動遊戲的遊樂場（72 組）
（九）過山車車軌總長度最長的遊樂場（11.4 英哩）
（十）鋼製過山車車軌總長度最長的遊樂場（9.9 英哩）
事不宜遲，立即睇睇 Valravn 有幾恐怖！
Source: Cedar Point
過山車預計明年先啟用，不過其實Cedar Point已經開左好耐架喇！
各位玩家去開美國俄亥俄州都可以去瘋狂尖叫一番！睇到我都好想玩機動遊戲啊……
位於倫敦的奧運瞭望塔ArcelorMittal Orbit，以其扭麻花的獨特造型及無敵的東倫敦絕景，成為倫敦必去景點之一。不過下年開始，除咗上去觀景同埋High Tea之外，仲可以瀡滑梯！原來瞭望塔特登請來比利時建築大師Carsten Holler設計一條全長178米長的全球最長滑梯，從高處78米的地方滑下，以每秒6米的高速直接沖落，全程要用40秒！滑梯會有隧道，亦會有露天的地方，驚嚇度爆錶，收費不過5英磅，比起塔入場費10英磅還要平一半。預計將會係下年春季落成啟用，想玩的朋友，一定要預先預約呢！
落成後將成為全球最高最長的滑梯，可以邊滑邊望倫敦的景色。
在澳大利亞墨爾本，一家新的遊戲中心剛剛開張，這家遊戲中心名叫Zero Latency（零延遲），位於一個佔地4300平方英尺（400平方米）的倉庫之中。看起來也不是很大嘛，也許甚至比不上你經常去的電玩城。但這個遊戲中心讓雷鋒網不惜花費一個頁面進行報道的原因是這是世界上第一個開張的虛擬現實遊戲中心！
這個遊戲中心號稱能提供讓人忘記現實的虛擬現實體驗。在該遊戲中，玩家可以使用特製的虛擬現實槍瞄準和攻擊遊戲中的喪屍，另外，玩家還能在遊戲場景中基本上自由地走動。
據外媒介紹，這個虛擬現實遊戲中心中配置了129個PlayStation Eye攝像頭。
該遊戲中心一次可同時讓六位玩家一起遊戲，在遊戲進行時，每一位玩家都要背上一個裝有一台Alienware Alpha PC的揹包，裏面的計算機能夠幫助玩家佩戴的Oculus Rift DK2虛擬現實眼鏡構造真實感更強的虛擬現實環境。
據該遊戲中心的創始人Scott Vandonkelaar介紹，事實上早在Oculus Rift還在眾籌的時候他就有建立這樣一個遊戲中心的想法了；當然，這也可能是我們每一個人的想法。
在這個月初，該遊戲中心就已經在網上開始接受預約報名了，每人收費65美元，截止目前已經有數百人報名。
宣傳片：
正啊喂！唔知香港遲D會唔會都有得玩呢？！