想喺油尖旺搵間人少少都book得o既 party room? 主打2-6人小型party room o既Secret Party，除左觀塘店有 2人Party Room，近日開左尖沙咀分店！新店唔單止位於商廈，仲超近港鐵站，交通方便。
全場超過20間各具特色o既主題房，2位起就可以獨立包房，靜靜地傾計影相又得、煲劇睇戲又得、打機玩boardgames都得，得左！
特色主題房包括Rose、Zoo、Flamingo、Classroom、Restaurant等等，岩哂閨蜜同情侶影靚相post上FB同IG呃Like。
經典梳化房，大梳化配4K高清電視，岩哂睇電視睇戲打機。
去party room最怕唔夠野玩；呢度可能係全港最多switch game o既party room，仲有最新PS4 Pro、過百盒boardgames、麻雀、骰盅等等。
無論係節日慶祝，休閒小聚，定係開P開bridal shower，最緊要係，人少少都可以book房玩，唔駛硬食多幾個人頭費。如有預約，Secret Party 24小時營業，玩通宵都無問題。
地址：尖沙咀加拿分道4號利嘉大廈3樓
Whatsapp/電話：6332 0645
Facebook：http://facebook.com/secretpartyhk
*歡迎Whatsapp或FB Inbox查詢
營業時間：24小時營業 (敬請預約)
價錢：$88起/位/3小時
![[有片] 高科技+歷史故事主題 密室逃脫！](https://topfunhk.wpenginepowered.com/wp-content/uploads/2016/06/高科技歷史故事主題-密室逃脫！.jpg)
密室逃脫遊戲*由幾年前全盛時期全港四五十間，到今時今日只係剩番10幾間……
(*真人密室逃脫遊戲於特定空間中通過裝修設計，營造逼真場景，然後賦予玩家不同任務同故事劇情，俾玩家於指定時間內，通過尋找線索、團隊合作、層層解謎，最終完成任務走出密室。)
TopFun今日黎到銅鑼灣o既呢間密室，一探佢能夠保持迄立不倒o既奧秘！
步上樓梯，望入門口，見到一間裝修好似書店Cafe咁o既鋪頭，原來呢間就係我地今日要到訪o既密室！個大堂又幾典雅特別喎！仲以為自己去錯左同幢大廈o既韓國書店，哈哈～
可能因為位於銅鑼灣旺區，即使當日係星期一中午，都不斷有客上黎玩，所以最好都係上網或者打電話過去book定先～
聽負責人講，呢間密室原來已經開業左超過3年，而且於全球各地都有分店，例如：澳洲、加拿大、台灣等等。
銅鑼灣全店有7間密室房，最特別o既地方，相信係遊戲主題都係以真實歷史故事改編而成，例如係盜取十二生肖銅首、出埃及記等等。密室並唔係行恐佈路線，大人細路都玩得。負責人更加表示，其實親子玩呢類遊戲，透過一齊解謎，更加可以睇到兩代人唔同o既諗法，增加雙方o既溝通同更互相了解。玩完之後，仲可以識多一個歷史故事添！
其中當日試玩左阿爾卡特拉斯，係講一個美國o既越獄計劃故事。整間密室目測大概200呎，裝修成監獄咁樣，雖然一人獲發一支電筒，但燈光唔算暗。
玩家一開始會分別被困o係3個囚房，要先各自搵線索，諗辦法離開自己間囚房，再一齊解題，逃出監獄。
雖然話各自被困，但係3個囚房裏面o既玩家都需要透過對方給予o既工具同線索，先可以成功出到去，講求大家o既溝通技巧同合作性。
另外房間裏面設有一部對講機，如果遇到咩問題，或者真係解唔到需要提示，都可以透過對講機同前臺店員聯絡，佢地會遙距咁提供指示，咁就無須出出入入阻礙遊戲進度。
由於呢間店o既密室語言有齊中英文，所以都吸引左唔少外國遊客黎玩。店員除左基本要記得哂每間房o既故事背景同機關之外，仲要操流利中英文，要求比較嚴格。
呢間店另外一個特別o既地方，係機關相對比較高科技，就咁搵鎖匙開箱果d關卡比較少，用其他特別儀器o既機關比較多，例如係鐳射槍、紅外線、自動門等等，令成個體驗比較豐富。
整體黎講密室關卡謎題合乎邏輯，難度適中，裝修都算有氣氛，見到其他玩家玩完個樣都幾開心，但係就稱不上好特別好驚喜。未玩過密室逃脫，或者鐘意呢類動腦筋遊戲o既朋友仔，都不妨可以試下～！至於密室逃脫迷，就緊係每一間都唔會錯過啦，哈哈～
＊＊＊P.S. 臨俾錢前向店員展示Like左呢個post，再Like埋佢地FB Page，仲會送番張$10優惠券俾你下次用添。＊＊＊
＞＞更多相片同價目表等相關資料：迷之密失 LosT HK (銅鑼灣店)
＞＞更多密室逃脫店鋪：全港密室逃脫玩點資料
繼上年年尾Crazy Cart飄移車之後，觀塘工廈最近又有一個新興潮流玩點(好去處)！
搵野玩，黎TopFun！即刻跟我地一齊去睇睇！
原來，Azzita平衡車體驗-維修中心最近o係觀塘開設左一個約5000呎o既電動平衡車試玩場，場地以水馬圍成軌道，並備有頭盔、護膝等，俾大家體驗試玩平衡車呢樣新興玩意！
對於大部份未接觸過未玩過平衡車o既玩家，可能有好多疑問，尤其係可能最關心o既：第一次玩究竟要幾耐先學識？會唔會好容易仆？
就等TopFun同你實地試玩直擊！
開始試玩之前，首先要戴好全款保護裝備，包括頭盔、護踭、護腕、護膝。跟住就可以揀平衡車試下玩。
Azzita有多款唔同大細款式o既平衡車，負責人建議第一次玩的話試10寸呔果款，因為果款屬充氣呔，避震能力較強，亦都較易控制。
試玩費用除左包括平衡車同保護裝備租用之外，仲包括數分鐘專人指導，等大家o係正式出軌道玩之前，先學識點樣上落同控制平衡車。
學習區：
相比起學踩單車、溜冰等等需要一段時間先平衡到，學平衡車只需要短短數分鐘。
首先踩上一邊重心腳，等企穩之後再迅速踩上另一隻腳，然後透過兩腳同身體攞平衡點，當車大致可以停o係度，就攞到平衡點。
開車時只要人微微向前傾，或者前腳掌用力，平衡車就會自動前駛。相反，如果腳踭用力，平衡車就會倒後行。
雖然最初都會有少少擔心跌，或者撞牆撞水馬，但係玩落就會發覺其實都係唔容易跌o既。
至於每兜一個圏要用幾耐時間，就好視乎你o既技術，最快可以20幾秒，慢o既亦都可以需要幾分鐘。
負責人表示，水馬軌道會定期改變，以增加新鮮感；10人以上甚至可以包場開Party，特別安排不同水馬軌道或遊戲。
總括黎講，平衡車試玩都不失為一個充滿新鮮感同有趣o既體驗！
Q & A：
Q1. 幾多歲先玩得？
A1. 負責人建議11歲或以上。
Q2. 需要/可以自備平衡車去玩嗎？
A2. 試玩費用已包括租用平衡車及保護裝備，玩家無需自備平衡車。另外，為確保安全，Azzita禁止自備平衡車於場內行駛。
Q3. 衣着規限？
A3. 上身基本上無特別規限，建議穿着較舒適鬆身衣物。鞋方面，不能穿着拖鞋、高踭鞋或Boots(底太厚影響用力感應)，學生皮鞋亦不甚適合；建議穿着運動鞋為佳。
Q4. 可唔可以walk-in？
A4. 可以walk-in，但由於軌道限每次最多同時12人一齊玩平衡車，以避免擠迫，所以最好都係先查詢預約，咁就唔會黎到先發現full左要等。
Q5. 平衡車時速？
A5. 一般平衡車最高時速可達10-15km/h，當車到達某個速度上限會有提示逐步減速，以確保安全。
Q6. 會爆炸嗎？
A6. 過往新聞報導上的平衡車爆炸事件，一般因為電池質量出現問題或欠缺保險絲，引致過熱危險。Azzita平衡車具備多項證書及合格安全認証，包括CE,FCC等國際認證；充電器用三腳帶保險絲插頭，電池則採用三星電池，相對安全。
Q7. 香港有咩地方可以玩平衡車？
A7. 電動飄移板 / 電動平衡車 (Hoverboard) 其實o係香港都出現左一段時間，不過由於法例上規限，基本上一般公眾地方都唔玩得，只有室內私人地方可玩。
>>Azzita電動平衡車體驗-維修中心營業時間及價目表等資料：http://goo.gl/izTxUy
香港首個以「自拍Selfie」為主題o既動漫海濱樂園4月尾於灣仔金紫荊廣場旁開幕喇！
香港動漫海濱樂園，坐落於金紫荊廣場旁邊，以自拍為主題。樂園展出左30個本地原創動漫角色塑像，(包括老夫子、步驚雲、王小虎、丁丁企鵝及聾貓等)，仲有多個充滿地道特色o既香港動漫場景。你可以隨時變身動漫中角色，與有趣角色「打麻將」，或者係坐上香港獨有o既叮叮電車，體驗港式「擦鞋」及「跳飛機」遊戲等，當然少不了同呢d動漫角色合照、「打卡」留念啦！
於維多利亞港前，同香港經典動漫角色玩自拍，動漫迷必定不能錯過！
香港動漫海濱樂園免費開放俾公眾同旅客參觀，項目初步為期三年，由2016-2019，大家有時間經過先去睇都唔遲。
想繼續探索香港動漫文化？仲可以前往同樣位於灣仔o既「動漫基地」參觀 。
「動漫基地」一個獨特o既「藝術社區」，提供不同類型設施，供漫畫家、動畫師、其他業內人士及公眾使用。「動漫基地」設有與動漫畫有關o既商店、餐飲設施、公眾休憩空間、活動及展覽空間，以及動漫資源中心「動漫沙龍」。「動漫基地」集藝術推廣、教育、研究、零售於一身。
香港動漫海濱樂園 (地址及開放時間等) 詳細資料＞＞http://goo.gl/jFtHz5
動漫基地 (地址及開放時間等) 詳細資料＞＞http://goo.gl/aoT4N6
![[有片] BALL ROOM刺激四人星戰，4Way Air Hockey你玩過未？！](https://topfunhk.wpenginepowered.com/wp-content/uploads/2015/12/刺激四人星戰，4Way-Air-Hockey你玩過未？！-10.jpg)
近期星戰回歸，o係香港相當之hit！
TopFun收到風，有個玩點(玩樂好去處)最近引入左樣好似星戰咁令人緊張刺激o既玩意，運送過程中仲出動埋吊臂起重車咁，勁誇張！
(Youtube片段截圖)
搵野玩，黎TopFun！就等我地帶你睇下有咩新奇玩意～！
情報指星戰發生o係一幢荔枝角工廈, 暗號係417。哦～原來，係荔枝角o既BALL ROOM。
BALL ROOM係2015年先開o既新玩點, 一個以美式工業為主題o既活動場所，亦係香港首間引入PoolSoccer桌上足球o既地方。創辦人話佢地o既宗旨就係致力帶d新野俾大家玩。開業未夠一年, 已經有觀塘同荔枝角2間店喇！
今日我地TopFun黎到荔枝角分店, 就即管睇下有咩新野玩!
首先試玩o既係主打──PoolSoccer桌上足球。 桌上足球源自法國，英文名原本叫Snookball。 黎到香港，BALL ROOM親自重新設計訂造波枱同波，經過多番嘗試同改良先成功架！唔係一般淘寶貨色。木波枱大概3米乘6米，鋪上厚氈；波就同平時足球差唔多大，不過感覺上重過足球少少。荔枝角分店o既波枱入波果陣仲有燈效同聲效!
開始之前負責人會講解下點玩，基本上係跟桌球玩法，不過以腳代cue，再融入埋足球o既界外球、傳波、傾戰略等等。初初仲以為桌上足球好似桌球咁主要得2個人有得玩，大家輪住咁玩。原來玩家主要分成2隊比賽，大家互相合作，諗下點樣set波、踢邊個波入邊個洞、點樣傳波。2個玩又得，十幾人一齊玩都得！
唔識打桌球又唔識踢波？創辦人之一Kase話，識玩，其實係玩個氣氛。就好似你睇獎門人咁，有時一大班人一齊玩，大把得意蝦碌野，贏輸唔緊要，最緊要係笑得開心！
一般黎講每局大概會玩15-30分鐘，視乎大家技術而定啦，哈哈～
玩PoolSoccer記得要着襪。不過如果冇o既話，BALL ROOM都會有襪賣o既。
跟住見到有個美國隊長咁樣樣o既野…… 咦！睇奧運好似見過類似o既野噃～
原來係桌上沙壺！
桌上沙壺據說係源自15世紀o既英國宮廷玩意。黎到香港，改良版本，沙壺枱都係訂造o既！香港暫時似乎冇乜地方有得玩。
玩法好簡單，每次2個人玩，每個人有4個鐵餅，大家輪流將鐵餅推到去美國隊長盾牌圈圈果個位。最後停o係圈裏面最近紅心o既鐵餅就贏喇～！
不過…… 太細力又去唔到圈圈; 太大力又跌落坑…… 都有d難度架。仲可以撞對手鐵餅落坑添。
呢個比較快就玩完，一局只係幾分鐘左右。
最後試玩4Way Air Hockey！！！遠道由美國買番黎，4個人對戰o既氣墊球！
小編其中一樣o係冒險樂園最鐘意玩o既野就係氣墊球喇！
普通2人對戰氣墊球機相信大家都玩過～
4個人玩4塊氣墊球o既4Way Air Hockey你又玩過未？！
一般氣墊球機玩法係鬥高分，呢部4Way Air Hockey則係淘汰際o既。
每次每個玩家要入一個金幣，每人有5條命，一局限時3分鐘，每俾人入一球就扣一條命。扣哂果個玩家就輸架喇，閘亦都會閂埋。最後留番o係度o既一個玩家，就係勝利者喇！哈哈哈哈！
點解話似星戰呢？除左因為玩起上黎好似星球大戰咁混亂之後，仲因為d氣墊球就好似星球咁飛黎飛去，撞黎撞去，大家o係攻擊敵方星球同時，又要守護自己星球。
4人對戰比起2人對戰更加緊張刺激，同埋更令人手忙腳亂。又會出現圍攻，或者以一敵三等等情況。雖然只係短短幾分鐘一局，但大家玩得夠癲的話都幾chur架，玩完都真係有d攰。
除左3樣主打之外, 場內仲有Boardgame, PS同飛鏢機。玩到攰，又可以坐下抖下。
更多BALL ROOM相片同價目表等相關資料, 可以睇番：BALL ROOM荔枝角分店
作為本地香港人，梗係好少會花錢住番香港o既酒店啦～
即使有土地問題，可能都只會平平地去下離島租下渡假屋或者露營車，玩番晚。
唔講唔知，原來香港酒店林林總總，但係講到特色，一定要介紹呢一間！
灣仔英迪格酒店 Hotel Indigo，洲際集團旗下一員。佢冇奢華o既外表，以一貫香港式衝天建築立於老建築群中。但係佢係如此咁懾人心魄，令人目瞪口呆，亦都勇奪多個建築大獎，全因為佢o既泳池！
Hotel Indigo建有一個高樓「懸空」透明玻璃底游泳池！泳池只供住客使用。十三點六米乘三點六米，末端一個長方形伸出酒店大樓外！玻璃池底，透明圍欄，35米高空，透視住鬧市景色。人向上望係無邊藍天同翠綠山頂，潛落水中卻見到皇后大道東車水馬龍，彷彿成個灣仔納入其中。o係灣仔呢個舊社區中，將新舊元素融合一齊！等你嘗試o係另一個角度俯視香港，感受另一種香港風情！
不過想體驗一下咁特別o既「空中游泳」一d都唔平，酒店房間一晚價格由HK$1500至$2500不等，有機會等紀念日同另一半豪一次吧！
港島英迪格 Hotel Indigo Hong Kong Island
地址：灣仔皇后大道東 246號
電話： 39263888
網址： http://www.hotelindigo.com/hongkong