農曆新年🧧除咗去親戚屋企拜年,當然仲要搵地方同老友聚舊啦。TopFun為你精選左5間新年必去 Party Room,5間各有特色,滿足大家唔同需要 😙
麻雀博大精深,每年到呢個時候,各位精英係時候要出動喇 🏃🏻♂🏃🏻♀
呢間Party Room嘅獨立房間只要2位起就可以預約,三五知己輕鬆約!
而且兩間分店都好近地鐵站出口,方便就腳,話咁易就可以高手雲集,係四方城中一決高下🀄
佢哋除咗24小時營業,仲推出12小時PLAN,包房玩全日玩埋Poker、魚蝦蟹同大細呢啲經典都仲得 🐟🦐🦀
網站:http://SecretPartyHK.com
WhatsApp:63320645
遊戲機就好似自己另一半咁,新年都唔可以放低呀🎮
呢間Party Room有齊打機迷最愛 ❤ Switch、PS4呢啲當然唔使講,最特別係佢哋嘅 VR 設備~
係呢到可以玩到VR絕地求生喪屍遊戲,VR賽車同VR蛋椅,好似入左去做Walking Dead同Fast and Furious主角咁呀 🧟♂🏎
2000呎咁大空間,就唔使怕打機個陣撞手肘啦 😛
網站:https://www.facebook.com/Player-One-2116317421781701/
WhatsApp:63896778
狗狗幾時都話,係人類最好嘅朋友,新年當然要同佢哋普天同慶 🐶
呢間Party Room提供室內狗公園,亦有大平台進行戶外活動,啱晒活潑好動嘅狗狗一齊玩 ☺
依家佢哋仲推出咗動物賀年照片拍攝活動,有賀年裝飾道具提供,影狗狗可愛一面 📸
網站:http://www.fiveby5.hk/
WhatsApp:65110550
一班人新年想坐埋講下舊年點過,未來呢年又點好咁,BBQ就最好不過喇,可以邊燒邊笑 😋
呢間Party Room有一個大型平台,裝咗簷篷,落雨都唔使怕 😎
自己帶食物嚟燒無問題,或者想懶一啲,可以揀佢哋嘅套餐:海鮮BBQ套餐 / 靚扒BBQ套餐 / 普通BBQ套餐,服務周到 👍🏻
網站:https://chill-grill-party-room.business.site/
WhatsApp:64206889
新年當然要影新相轉下Profile Pic啦,係呢到搞Party一舉兩得 🖖🏻
呢間Party Room嘅裝潢同設備,一個字靚、潮、型,打卡CheckPoints閃燈滑梯、吊椅、霓虹燈,唔使同人爭 📷
而年輕人最常玩嘅美式桌球、迷你氣墊球、飛鏢、Beer Pong同Slap Cup,係呢已經有齊晒 🎱🎯
仲可以用呢到既木箱鼓同木結他,係Party Room到一齊 Chill 住過年 🎼
網站:https://www.hyphen-party-event.com/
WhatsApp:69965051
查看更多玩點資料︰http://top-fun.com.hk
仲有一個月多D就聖誕節喇!又係時候約定朋友book定場開Party見面!
講到開聖誕Party,有乜野好去處?咁就緊係唔少得近年香港大熱嘅Party Room啦 😆
TopFun為你精選左5間2019聖誕除夕倒數必去Party Room 😉 唔同區、唔同特點、適合唔同人數,任君選擇 😎
你以為去Party Room一定要一大班朋友…?
觀塘同尖沙咀都設有分店嘅Secret Party,最特別嘅地方就係2位起就可以包房 😯
地點超近地鐵站超級方便,雖然人少少就可以包房,但係一般Smart TV、Boardgames、PS4、Switch、麻雀、 Poker Set等設施都有齊哂! 😀
2間分店都有多間唔同特色同大細嘅房間,適合2-40人,有休閒簡單setting,亦有有打卡位setting 嘅Party Room。
聖誕喺尖沙咀玩完再出尖東睇燈飾都諗得過!
WhatsApp:63320645
一碌到呢間Party Room,絕對係俾佢個無敵海景吸引住!180度維港海景!不得了!
呢間Party Room同時設有戶外同戶內空間,戶外可以一邊睇住靚景BBQ,戶內可以唱K玩Boardgames 😉
一個收費包括BBQ食品任食同無酒精飲品任飲,場地設施任用!最少10位可以落Booking,但包場就25位人頭費起。
網站:https://www.facebook.com/MPlace.SheungWan/
WhatsApp:68925808/60860800/65541981
有時去到Cafe或者Party Room,見到D Boardgames都無乜幾多款識玩,成班玩黎玩去都係UNO、Pictionary咁樣……
Nakama呢間Party House特別之處就係佢有專人(Game Leaders)全程教玩超過50款桌上/卡牌遊戲!
相信總有一款啱你心水!有人帶玩Game又特別好氣氛! 😛
當然,如果想玩遊戲機、麻雀果D設施都係有嘅。 😉
網站:https://www.nakamapartyhouse.com/
WhatsApp:9588 7012(荔枝角) / 9631 8917(油麻地) / 6494 9620(旺角)
如果人夠多,想玩下D特色設施,Tent Party就設有大人細路都啱玩嘅Bling Bling波波池!
室內露營加星空幻燈主題,仲有LED玫瑰花海燈,方便打卡。另外,仲可以加錢玩VR雙人椅!
睇落都幾吸引~ 😀
網站:https://www.facebook.com/tentpartyhk/
WhatsApp:52020805
如果想開番個復古懷舊Party,可以考慮下火炭嘅Fill 田充空間。
成間Party Room嘅裝修擺設都相當復古味濃,相當精緻。連打機用嘅椅子,都係黎自舊式上海理髮店,相當有特色。
除左Boardgames、PS4、Switch、麻雀,仲有桌球、氣墊球、鏢機玩! 😀
如果大家都住沙田大埔火炭果邊,近近地都唔錯。 😉
WhatsApp:98539227
年宵市場聽日就開市喇!往年只係行開屋企附近個花市?其實全港有多達15個年宵市場,即刻睇睇佢地o既地點、開放時間、攤位數目同點去,行番個大運啦!
農曆年宵市場地點和日期
2017年農曆年宵市場定於2017年1月22日至1月28日舉行,為期七天,於農曆年初一(即1月28日)清晨結束;地點如下:
港島區
(攤位數目: 483)
交通:銅鑼灣站E出口
離島
(攤位數目: 27)
交通:東涌站B出口
九龍區
(攤位數目: 184)
交通:旺角東站D出口 / 太子站A出口
(攤位數目: 115)
交通:長沙灣站B出口
(攤位數目: 137)
交通:樂富站A出口
(攤位數目: 129)
交通:觀塘站D4出口
新界區
(攤位數目: 119)
交通:葵芳站E出口
(攤位數目: 182)
交通:荃灣站A出口 / 荃灣西站A2出口
(攤位數目: 92)
交通:屯門站B出口
(攤位數目: 174)
交通:朗屏站F出口
(攤位數目: 94)
交通:上水站A4出口
(攤位數目: 76)
交通:太和 / 大埔墟站,步行至大埔中心或轉乘K12巴士
(攤位數目: 96)
交通:沙田站,可步行至禾輋邨
(攤位數目: 26)
交通:乘巴士或小巴至西貢市中心
(攤位數目: 92)
交通:寶琳站B2出口
一於share俾朋友仔,約埋佢地一齊行花市迎雞年啦!
5月份天氣溫暖,唔少香港人放假都會選擇去郊區行下山,既低消費,又可以親親大自然,放鬆一下~!
行山遠足雖然係一個健康且減壓o既活動,但每年都有發生遠足人士失蹤事件,所以遠足安全絕對不能忽視。
為左協助搜救隊伍搜尋遠足失蹤者,香港通訊業聯會(CAHK)特別義務推出「50222遠足短訊留蹤」服務。遠足人士只要將郊野公園遠足徑上標距柱o既編號,以短訊發送至50222,資料就會被保密儲存三日。期間如果遠足人士不幸發生意外,搜救隊伍就可以參考佢事前留下o既標距柱編號,協助搜尋失蹤者,增加搜救機會同速度。
做法:
1. 遠足人士在郊野公園遠足徑遠足時,路經標距柱,會見到每條標距柱均有獨立的編號,如麥理浩徑第一個標距柱編號為M001。
2. 將標距柱上的編號(如M001),以手機短訊傳送至50222。
3. 短訊留蹤服務中心會隨即回覆確認短訊。 [如: 短訊已收到。請小心遠足安全!]
4. 途經每一個標距柱,遠足人士均可重覆以上動作,讓系統可更準確掌握你的遠足路線。
5. 資料會被加密儲存在服務中心3天。如期間沒有意外求助報告,3天後資料會自動刪除
6. 期間如遠足人士遇到意外失去聯絡,親友報案後,有關方面出動搜救。
7. 在搜索隊伍要求下,服務中心會將遠足人士早前提供的標距柱位置資料,傳送搜救隊伍以協助搜救失蹤者。
常見問題:
Q. 是否任何流動電話服務均可使用50222遠足短訊留蹤服務?
A. 所有使用香港五大流動網絡服務供應商,包括中國移動香港、CSL(1010、one2free、新世界傳動網) 、PCCW mobile、數碼通、3HK的流動電話服務均可使用。
Hint: 流動電話預付卡用戶須確保親友知悉電話號碼,在報案時能提供正確的流動電話號碼,搜救隊伍才能應用短訊留蹤系統協助搜救。
Q. 使用服務要預先登記嗎?要不要收費?
A. 無須登記,所發留蹤短訊將不另收費。
Hint: 在接近邊境地方遠足的人士留意,發短訊前請檢查是否已進入內地網絡,如是短訊則會作漫遊收費。遠足人士可考慮返回本地流動網絡覆蓋時再發短訊留蹤,又或採用網絡服務供應商的各種漫遊優惠。
Q. 能否透過智能電話或設備提供的短訊應用發放50222短訊?
A. 暫時來說,50222遠足短訊留蹤服務只適用於香港五大流動網絡服務供應商所提供的短訊服務,一些智能電話或設備所提供的短訊應用軟件,以及透過網絡軟件所發放的文字訊息均不適用(如Skype)。
Hint: CAHK正研發50222短訊應用軟件供智能電話或設備使用,並將於服務的第二階段推出。
Q. 短訊內容要包括什麼?
A. 只需上載標距柱編號(如M001)即可,不用任何內文,簡易快捷。若短訊載有其他內文,系統會發出短訊回覆至該遠足人士的手機,告知正確的格式。
Hint: 系統只會提供符合正確格式的標距柱編號資料,及有關訊息之發放時間予搜救隊伍參考。
Q. 什麼人會看到我的短訊留蹤資料?
A. 資料會直接送到香港通訊業聯會(CAHK)的短訊留蹤中心自動加密記錄,保留三天然後刪除。如三天內接報要求協助,服務中心會檢查資料庫,如有相關資料便會直接電郵給負責搜救單位。
Hint: 失蹤者家人也不能索取短訊留蹤資料。當有遠足人士失蹤時,搜救隊伍會按既定程序搜救,並視乎需要才會索取短訊留蹤資料協助尋人。
Q. 假如我打錯標距柱編號,或忘記發放短訊,或同一短訊發送沿途多支標距柱編號,會有問題嗎?
A. 無論是打錯或忘記發放標距柱編號,遠足人士只要再發放一個最新及正確之編號留蹤即可。
如打錯標距柱編號格式或同一短訊內發放多支標距柱編號,系統則會發出短訊通知該遠足人士重新發送正確格式之標距柱編號留蹤。
Hint: 是項服務鼓勵遠足人士行經每個標距柱,均以短訊留蹤,以構成一條完整的路線圖,方便搜救單位準確釐定搜救範圍。
Q. 我找不到標距柱,可否輸入沿途上的其它標記資料?
A. 此服務暫時只接受郊野公園遠足徑上的標距柱編號。
Q. 我收不到確認短訊?
A. 確認短訊會即時發放,如遠足人士未能收到確認短訊,請重試發放留蹤短訊,或稍後到網絡接收良好的地方再試。
50222 遠足短訊留蹤服務
電郵: smsenquiry@cahk.hk
電話: 2863 9903
網址: http://www.cahk.hk/50222SMS/50222_SMS_Chi.htm
即刻share俾各位行山友啦~!(y)
九龍灣德福二期o既機舖虛擬遊界Virtual Zone最近貼出告示,宣佈月底即將租約期滿,機舖鐵定經營至2016年5月31日止。作為九龍東朋友仔中學時期熱門地,虛擬遊界Virtual Zone機鋪機種甚為齊全。對於執笠結業消息,不少街機迷都大嘆可惜!
(圖片來源: http://forum7.hkgolden.com/view.aspx?type=GM&message=6363533)
呢個帶俾唔少人無數歡樂o既地方,只能成為大家另一集體回憶。
唔駛專登去日本,香港都有得玩喇!Disney Tsum Tsum街機遊戲登陸香港!
除左o係大螢幕玩之外,同有雙人對戰模式之外,仲可以抽埋實體Tsum Tsum吊飾,超可愛啊~!
扭蛋吊飾款式:
仲有Tsum Tsum E-Pass:
暫時九龍新界以下6間機鋪都有得玩Tsum Tsum街機:
Virtual Zone
地址:九龍灣德福廣場第二期6樓611-2號鋪
營業時間:星期日至星期四9a.m.~1a.m.;星期五、六 9:a.m.~2:a.m.
Hollywood Gamezone
地址:九龍鑽石山龍蟠街三號荷里活廣場3樓383店
營業時間:星期日至一 8am-2am
Gamezone
地址:九龍旺角亞皆老街65號旺角中心1期地庫A店
營業時間:星期日至一 10am-2am
Venus Games Centre
地址:九龍彌敦道557-559號永旺行地下及地庫
營業時間:星期日至一 8am-2am
X Land
地址:荃灣眾安街68號荃灣千色匯4樓4B店
營業時間:星期日至一 9am-2am
Power City Amusement Centre (TSW)
地址:天水圍嘉湖銀座第1期地下號G69-71店
Konami Asia Facebook:https://www.facebook.com/konami.asia.game/posts/858258177618360
近日途經長沙灣元洲邨,見到公園裏面冇啦啦有成堆人o係度舉機影相。
一睇,原來元洲邨公園裏面o既杜鵑花隧道開花喇!
呢條約30米長o既簕杜鵑花隧道,每逢3至4月,漸次綻放,構成浪漫動人景致,吸引唔少人專登停步影下靚相,甚至係專誠搭車過黎一睹如此萬紫千紅。目前正值開花初期,據知遲d應該會開得仲靚,至最美麗時期,仲會有滿地花瓣配合整個景致!
當日仲遇到model專登黎擺post影相~
無論係親子去公園玩賞花影靚相、三五知己閒逛、抑或係情侶o係花廊中拖手漫步,都寫意非常,能夠令人心曠神怡。
除左簕杜鵑花隧道之後,附近亦種有其他花種,以及香港常見o既洋紫荊花。
元洲邨杜鵑花隧道
開花時期:3月-4月
地點:長沙灣元洲邨公園 (長沙灣港鐵站C2出口)
一年一度年宵琴日開鑼喇!!TopFun第一時間就衝左去全港最大o既維園年宵同大家睇下有咩得意野買!
即刻去片!
雖然天氣好凍,有時仲落毛毛雨,但各個攤檔o既朋友仔都好熱血sell得好落力!玩得好開心!
仲有唔少靚仔靚女sales添~
自家設計猴子公仔
Poly同學仔設計o既 乜都JOY 同 香港加油丸
一拳超人帽 (帶上頭仲可以表演變身!)
自家設計公仔同Tote Bags
潮語咕o臣 (做咩啫你~~~)
City同學仔設計o既一pair猴子公仔
ThisWay 自家組合包 (分別可以當毛毯同咕o臣用)
唔L係掛
菠蘿油暖手咕o臣 (塊牛油可以撕出黎)
砰砰砰~~~ 花占餅!仲有 可分拆孖條
繽紛樂攬枕 同 出奇蛋咕o臣
仲有懷舊版同特別版出奇蛋 (佢地話出面買唔到架喇)
5款唔同表情馬騮仔公仔,仲有蕉皮包住添!
圓眼比卡超咕o臣
大大隻得意比卡照俾你合照
燒野家 章魚小丸子公仔 同 豆沙包暖手咕o臣
仲有更多更多不能盡錄!!
係咪睇到好想即刻去行呢?!即刻約埋朋友仔去啦~!
更多:
2016全港年宵市場一覽:http://goo.gl/sle3By
行維園前行,銅鑼灣區有咩玩?:http://goo.gl/ypuxY7
9大商場卡通人物陪你過新年!:http://goo.gl/9vlbTv
年宵市場仲有幾日就開市喇!往年只係行開屋企附近個花市?其實全港有多達15個年宵市場,即刻睇睇佢地o既地點、開放時間、攤位數目同點去,行番個大運啦!
農曆年宵市場地點和日期
2016年農曆年宵市場定於2016年2月2日至2月8日舉行,為期七天,於農曆年初一(即2月8日)清晨結束;地點如下:
港島區
(攤位數目: 483)
交通:銅鑼灣站E出口
離島
(攤位數目: 40)
交通:東涌站A出口
九龍區
(攤位數目: 184)
交通:旺角東站D出口 / 太子站A出口
(攤位數目: 115)
交通:長沙灣站B出口
(攤位數目: 137)
交通:樂富站A出口
(攤位數目: 127)
交通:觀塘站D4出口
新界區
(攤位數目: 119)
交通:葵芳站E出口
(攤位數目: 182)
交通:荃灣站A出口 / 荃灣西站A2出口
(攤位數目: 92)
交通:屯門站B出口
(攤位數目: 174)
交通:朗屏站F出口
(攤位數目: 94)
交通:上水站A4出口
(攤位數目: 76)
交通:太和 / 大埔墟站,步行至大埔中心或轉乘K12巴士
(攤位數目: 96)
交通:沙田站,可步行至禾輋邨
(攤位數目: 26)
交通:乘巴士或小巴至西貢市中心
(攤位數目: 92)
交通:寶琳站B2出口
一於share俾朋友仔,約埋佢地一齊行花市迎猴年啦!
更多:
[有片] 直擊2016猴年維園年宵有咩買!:http://goo.gl/IgbiYE
又一城AMC戲院今年一月初結業,令唔少人都有d失落。不過,消息指今年又會有3間新戲院!戲迷有福了。
MCL院線於今日發佈會中舉行新品牌GRAND揭幕儀式!表示希望達到「區區有戲院」。
除左又一城裝修緊o既重頭新戲院FESTIVAL GRAND之外,今年內仲會有兩間新戲院:MCL海怡同MCL GREEN CODE投入服務,佢地分別位於目前冇戲院o既鴨脷洲及粉嶺。
位於鴨脷洲海怡東商場o既新戲院將於今年3月開幕、九龍塘又一城o既新戲院則計劃於今年第二季開幕,當中影廳數目會增至8個,而粉嶺逸峯廣場新戲院將於今年第三季開幕。除上映電影之外,MCL院線亦考慮放映其他節目,例如歌劇、芭蕾舞、體育賽事、日韓和本地演唱會等。
毛記電視《第一屆十大勁曲金曲分獎典禮》聽晚就係喇!想睇?其實唔難。即刻睇睇7大睇毛記電視勁曲金曲分獎典禮方法啦!
如果閣下早前成功撲到一飛難求o既毛記分獎典禮飛,真係恭喜哂,你聽晚可以入伊館睇Live喇~~~嗚~~好滾動~
由於毛記電視成功爭取到真直播,聽晚o係now香港台(now TV 100台)、now 觀星台(now TV 102台)同now隨身睇應用程式都可以睇到分獎典禮直播!所以仲衍生出以下睇分獎典禮o既方法:
有裝now o既朋友仔,或者有朋友仔有裝now o既朋友仔,機會黎喇!即刻可以宴請親朋戚友一齊黎屋企睇分獎典禮,有哂見面理由,相信大家都會立即應約出席!
平時有去下K房都知K房平時有波睇。有波睇,即係有now啦!所以一班fds去K房睇直播都係唔錯o既方法。仲可以齊齊拎住支咪一齊大合唱得獎金曲添!入唔到現場一齊嗌都可以自己一班人圍內high爆啊!
>> 即睇全港K房資料
大家屋企都唔方面宴客,咁又可以考慮下去近年大熱o既Party房。唔講唔知,原來唔少Party房都有mon有screen,甚至係有裝now架(為左方面客人睇波)!Party房夠哂私人空間,仲可以成班fds順便開番個Party!
>> 即睇全港Party房資料
除左圍內book番間Party房一齊睇之外,亦有Party房免費開放或收取廉價入場費俾大家一齊睇分獎典禮,例如:屯門Free Maker、觀塘BALL ROOM。
以為世界盃中港大戰先有遍地開花轉播出現?少年你太年輕了。睇毛記電視分獎典禮呢件咁與眾同樂o既事,吸引左唔少組織舉行公共空間一齊睇直播/轉播。TopFun暫時所知o既包括沙田大會堂、中環半山、美孚橋底、西環同…澳門。荃灣據說本來都有,不過cancel左。
詳情可以睇番各個Facebook Event:
沙田大會堂 >>【真・轉播】齊齊睇毛記勁曲金曲分獎典禮
中環半山 >> 真 · 公共空間睇毛記電視分獎典禮轉播
美孚橋底 >> 毛記十大勁曲金曲分獎典禮- 美孚橋底直播
西環 >> 【強行轉播‧西環最正】毛記電視十大勁曲金曲分獎典禮
澳門 >> 《愛瞞》隔岸強行轉播「毛記電視第一屆十大勁曲金曲分獎典禮」
如果各位玩家知道有咩其他公共空間都有一齊睇分獎典禮活動的話,可以留言話俾TopFun知。
香港人生活繁忙,唔少朋友仔當晚可能仍然要番工番學,或者OT到夜深。好在,要睇分獎典禮都唔係冇辦法,可以下載now隨身睇應用程式免費睇,iOS /Android App都得。
>> iOS now隨身睇
習慣獨留家中,屋企又冇裝now?其實,仲可以用電腦上now睇網頁版!不過到時就唔知會唔會同時太多人一齊上出現lag機情況喇。
>> 網址: http://nowplayer.now.com
即刻開心share話俾朋友知你聽晚點睇毛記電視分獎典禮啦~!吱吱~
毛記電視《第一屆十大勁曲金曲分獎典禮》
日期:2016年1月11日 (星期一)
時間:20:00-23:00
地點:伊利沙伯體育館表演場
網址:http://www.tvmost.com.hk/TenBig/
2015年最後一日,唔少人都會寫番篇回顧文。搵野玩,黎TopFun!TopFun要寫回顧文,梗係要寫番篇同玩有關架啦!:D
近年黎,香港越黎越多新野玩!就等我地回顧下2015年十大新玩點類型啦!
Crazy Cart係美國一間公司發明o既電動玩具飄移車,近年紅爆美國。最近有年輕人將佢引入香港,賣車之餘仲開左個試車場,等大家可以體驗下飄移快感!
鐳射槍戰其實並唔係新野,據說o係好多年前都曾經興過,傳統一般會跟war game玩法,只不過變左用鐳射槍。2015年鐳射槍戰再度興起,主要係因為改變左地方(引入市區,例如銅鑼灣、旺角等地方)、改變左包裝(變得更新潮科幻)同收費模式,令到成件事更容易玩到同更好玩!
即睇:鐳射槍戰玩點資料及玩評
電動飄移板(Hoverboard)靠電力推動,基本上可以話係冇左扶手o既Segway(Hands Free Segway),叉足電可以行十幾公里,最高速達15km/hr。飄移板靠身體壓力操控,玩家只要企定定、身體稍微傾側,就可以前後移動同轉彎!玩點一般將Hoverboard配合各種遊戲同競賽,令成個體驗更加有特色同有趣!
走繩運動(Slacklining)類似行鋼線,考驗玩家身體平衡感、柔韌性,亦對心理調節有好處。走繩對戰(Slacklining Battle)則係以走繩運動為基礎,二人於繩上對戰o既遊戲。玩家既要自我平衡,又要努力令對方失平衡,造成一場激烈o既龍爭虎鬥!
即睇:走繩對戰(Slacklining Battle)玩點資料及玩評
肥仔衫(Fat Suit)可以令你同朋友們o既活動更加有趣同令人捧腹大笑!玩家們着住各式各樣肥仔衫開一個好玩又搞笑o既肥仔衫派對!一齊玩唔同o既競技賽同各種專為肥仔衫而設o既獨特遊戲!
桌上足球(Pool Soccer)源自法國,係一種結合左美式桌球同足球特式o既玩意,玩家們o係一張巨大桌球枱上,用腳將好似足球咁大o既桌球踢撞入洞中。呢項遊戲唔講求力度,反之隊友間o既合作更為重要,參與人數不限,新奇有趣。
桌上保齡(Pool Bowling)或者又叫保齡桌球,係一個曾經於韓國大熱綜藝節目《Running Man》裏面出現過o既遊戲。簡單d黎講就係於一張巨大桌球枱上,用手將好似保齡球咁大o既桌球撞入洞中。新潮有趣,適合一大班人玩。
桌上沙壺據說係15世紀宮廷玩意,玩法類似奧運冰壺,枱上面鋪左沙粒而且設有唔同得分區,只要將鐵餅狀球推去得分區,累積最高分o既一方就獲勝。遊戲最難係力度控制,因為軌道非常滑,即使輕輕一推,鐵餅球都會好容易滑出界。桌上沙壺遊戲適合二人對戰,好快就玩完一局。
4Way Air Hockey即四人氣墊球,同一般氣墊球機唔同o既地方在於四人對戰、有四塊氣墊球、同埋係以淘汰扣命際形式玩,最後留低o既就係勝利者!每局最多時限3分鐘。
即睇:桌上沙壺、4Way Air Hockey玩點資料及玩評
打住真人版Hunger Game旗號,攻防箭(Archery Tag)係由美國人John Jackson發明o既一種射箭運動,以特別設計o既弓箭o係半個籃球場大小o既地方進行,形式近似閃避球,兩隊約五人o既隊伍以弓箭為主要裝備,互相用箭射擊淘汰對手,將對方靶上o既目標打下或者將所有對手淘汰為勝。岩哂鐘意追求刺激o既中青年人!
室內沙灘正確d黎講係2014年12月尾開業,不過大概都係2015年先為人所知。呢個概念據說係港人由台灣帶過黎,o係鋪滿經消毒o既沙o既室內環境入面,玩家可以玩各種吹氣設施同遊戲、影相、開Party等,小朋友亦都可以簡簡單單跳彈床堆下沙。好多人以為室內沙灘做唔住,甚至以為已經冇左;不過據消息指,室內沙灘已經開始賺緊錢架喇!
即睇:室內沙灘玩點資料及玩評
2015年除左有呢十大新玩點類型之外,亦都有一d既有玩點類型加入左新元素!例如:
波波池充滿唔少童年回憶,不過宜家人大左,好多波波池都太細唔岩玩。有年輕人專登係Party場加多一個波波池房,裏面佈滿波波,等大人都可以展現童心,大玩特玩!
戲院包場價錢不菲,有Party房就佈置到仿如迷你私人影院,設有大screen同仿戲院凳,等你可以同另一半或者一班老死享受「包場睇戲」o既感覺!
普通層層疊去Café就玩得多喇,有Party房店主特製巨型層層疊俾你挑戰!砌起上黎成個人咁高,夠哂令人緊張同震撼!
即睇:主題Party房(Party House)玩點資料及玩評
緊貼潮流,以上咁多個新潮玩點,你又玩過幾多個?
我地展望2016年香港更多新野玩!
大家「搵野玩,黎TopFun!」玩得開開心心!<3