• 大棠紅葉紅未?TopFun為你實地直擊!(超詳盡)

    大棠紅葉紅未?TopFun為你實地直擊!(超詳盡)

    踏入秋冬季,又係紅葉轉紅o既日子。前幾日聖誕假,新聞報導指出有大量人潮前往大棠睇紅葉,高峰時期多達超過600人等巴士走,更有人指紅葉同人o既數目比例達到1000:1。lol

     

    根據漁護署今年新出o既紅葉情報,目前大棠o既紅葉指數達到A & B,即係極紅同開始紅。不過FB同IG上面o既相大多加左filter,究竟大棠紅葉紅未?紅左又有幾紅?係咪真係多人到咁誇張?

    12月27號當日,TopFun朋友仔去行左個圈,為你實地直擊一下!

     

    要去大棠(其實即係大欖郊野公園)可以o係元朗搭K66巴士或者紅色小巴;或者o係朗屏搭K66巴士,然後o係大棠山道(僑興路)站落車。

    大棠紅葉紅未?TopFun為你實地直擊!(超詳盡)2

    大概係中午3點,落左車之後,其實跟住d人行o既方向一齊行就得,哈哈哈!慢慢行大概20分鐘,就會見到「大欖郊野公園」個牌!沿路都幾有大自然氣色,好多綠色樹木,黎到郊區當堂空氣都好左!

    大棠紅葉紅未?TopFun為你實地直擊!(超詳盡)3大棠紅葉紅未?TopFun為你實地直擊!(超詳盡)4

    不過,其實入到郊野公園先真係開始行去楓香林。牌前留完影之後,面前係一條分叉路,一邊係上樓梯,一邊係普通少少斜o既路。個牌係指你上樓梯o既,最後我地發現其實兩條路都上到燒烤場。

    大棠紅葉紅未?TopFun為你實地直擊!(超詳盡)5 大棠紅葉紅未?TopFun為你實地直擊!(超詳盡)6

    行樓梯一上到燒烤場就見到新聞報導話30人排隊o既洗手間,又真係幾多人。不過其實燒烤場另一邊仲有一個洗手間。原來大棠個燒烤場係咁大架!!(我對大棠o既印象只係停留o係小學雞去大棠荔枝山莊…) 環境其實都唔錯,有唔少人o係度BBQ,亦都有人o係涼亭同地下鋪地墊野餐,彈ukulele。果度有個小食亭賣薯片玩具果d,仲有少量岩小朋友玩o既設施。

    大棠紅葉紅未?TopFun為你實地直擊!(超詳盡)7 大棠紅葉紅未?TopFun為你實地直擊!(超詳盡)8 大棠紅葉紅未?TopFun為你實地直擊!(超詳盡)9 大棠紅葉紅未?TopFun為你實地直擊!(超詳盡)10 大棠紅葉紅未?TopFun為你實地直擊!(超詳盡)11 大棠紅葉紅未?TopFun為你實地直擊!(超詳盡)12

    抖抖繼續行,沿路都有d花花草草睇下o既。至於係咪真係咁people mountain people sea(人山人海)呢?之前睇d報導影住d人潮,真係多人到好似旺角行人專用區、好似行花市、好似去拜山咁密麻麻;我真係以為沿路都係咁多人,大家一路排住隊咁行,哈哈!原來其實主要都係某d位會特別多人滯留,所以先會影出一幅人頭湧湧o既場面。當然,亦都可能係因為當日天氣唔太好,所以少左人去睇紅葉。

    大棠紅葉紅未?TopFun為你實地直擊!(超詳盡)13 大棠紅葉紅未?TopFun為你實地直擊!(超詳盡)14

    行到咁上下,終於見到2-3棵樹有紅葉!不過就真係細細棵同唔太茂盛。再行下又會再見到多幾棵。果陣心諗,如果剩係睇呢幾棵都幾灰機……

    大棠紅葉紅未?TopFun為你實地直擊!(超詳盡)15 大棠紅葉紅未?TopFun為你實地直擊!(超詳盡)16 大棠紅葉紅未?TopFun為你實地直擊!(超詳盡)17 大棠紅葉紅未?TopFun為你實地直擊!(超詳盡)18

    不過根據情報,最多紅葉o既位係o係一個小斜坡,同一個涼亭隔離。由燒烤場慢行大概30-40分鐘,就終於見到說好的小斜坡喇!!之前成日見到d相d人走哂上斜坡影相,但原來果度係有個牌叫你唔好走上去架哈哈~

    大棠紅葉紅未?TopFun為你實地直擊!(超詳盡)19 大棠紅葉紅未?TopFun為你實地直擊!(超詳盡)20 大棠紅葉紅未?TopFun為你實地直擊!(超詳盡)21

    呢d位好多人……

    大棠紅葉紅未?TopFun為你實地直擊!(超詳盡)22 大棠紅葉紅未?TopFun為你實地直擊!(超詳盡)23 大棠紅葉紅未?TopFun為你實地直擊!(超詳盡)25

    基本上都叫見到一堆紅葉,有黃有橙有紅,但又未至於話好靚。繼續向前行多幾步,就終於會見到大棠睇紅葉熱點位──涼亭。果度有大概十幾棵相當高而有紅葉o既樹,一堆紅葉睇起上黎密好多。而果度o既紅葉的確如漁護署所講,係有d開始紅有d十分紅。

    大棠紅葉紅未?TopFun為你實地直擊!(超詳盡)26 大棠紅葉紅未?TopFun為你實地直擊!(超詳盡)27

    影左幾張相之後,突然就落大雨,一堆人好似玩爭凳仔咁衝哂入涼亭避雨。之前見到有篇網上文章,寫細雨朦朦賞楓葉,景色別有一番美;加上二人一傘,雨下漫步,聽落都覺得浪漫!不過當日現實係,撞正大雨加四人一傘,別有一番搞笑同狼狽。

    大棠紅葉紅未?TopFun為你實地直擊!(超詳盡)28

    影靚相方面,除左好似之前出果篇睇紅葉攻略提過,唔好着d同紅葉撞哂色融為一體o既衫之外,實地直擊發現更多搞笑問題同技巧。

    如果要同大果幾棵樹o既紅葉合照,基本上你要離遠少少棵樹同埋低炒,同時他拍會比自拍易d影得靚。如果要自拍,最好帶番支自拍神棍!一黎距離遠d,多d紅葉入到鏡;二黎!!!由於部份手機前鏡像素低同有自動美顏效果,部機…… 係會……
    美 ‧ 顏 ‧ 埋 ‧ d ‧ 紅 ‧ 葉。 哈哈哈哈哈哈哈!如果冇神棍+後鏡自拍都幾難控制。

    大棠紅葉紅未?TopFun為你實地直擊!(超詳盡)29 大棠紅葉紅未?TopFun為你實地直擊!(超詳盡)30
    「冇filter V.S. 有filter」。如果要呃like,睇黎都係加左filter吸引d喇!

    大棠紅葉紅未?TopFun為你實地直擊!(超詳盡)31

    值得注意,其實入到大棠都唔會覺得凍左,可能行起,反而元朗好似仲凍d,不過落雨之後就凍左好多。由於落雨所以唔係影左好多相,好快就沿路離開。

    至於傳說中o既600人等巴士走呢?離開時候大概係6點,岩岩日落,天有少少黑,又真係幾多人等巴士。睇條龍以為要第2-3架先上到。不過可能年紀大少少o既啊姨伯伯比較多,得番企位佢地會等下架,所以唔怕企一陣的話其實好快上到車。而當日搭果架巴士企位其實都唔逼。當然,唔同玩家可能會遇到唔同情況。

    大棠紅葉紅未?TopFun為你實地直擊!(超詳盡)32 大棠紅葉紅未?TopFun為你實地直擊!(超詳盡)33 大棠紅葉紅未?TopFun為你實地直擊!(超詳盡)34

    我地係搭星期日同公眾假期先有o既K66特別路線,總站朗屏落車,行兩步就番到朗屏西鐵站。完成大棠睇紅葉行程!Yeah!

     

    整體黎講,大棠紅葉其實都已經紅得差唔多,但冇想像中咁靚咁多;不過休休閒閒行下,親親大自然,呼吸下新鮮空氣,都幾放鬆同舒服!不失為一個假日好去處!

    至於一心要影紅葉靚相o既,就考你功夫喇哈哈!

    最後送大家一張執左充滿秋意o既相:)

    大棠紅葉紅未?TopFun為你實地直擊!(超詳盡)35

    大棠睇紅葉

    交通 :

    1. 於元朗商業中心搭K66; 或
    2. 元朗西鐵G2出口轉輕鐵或行到元朗紅棉圍小巴總站搭紅色小巴; 或
    3. 朗屏西鐵站B2出口搭K66;

    大棠山道 (僑興路) 站下車。

     

    *紅葉季節 K66特別路綫:

    日期: 2015年12月19日-2016年1月31日

    星期日及公眾假期:
    去程時間: 10:30-16:00 (由朗屏開出) 每15分鐘一班
    回程時間: 13:00-19:00 (由大棠山道開出) 每15分鐘一班

    星期六(只有回程):
    時間: 16:00-19:00 (由大棠山道開出) 每15分鐘一班

    地點: 朗屏站B2出口(宏達路悅屏樓路邊)來往大棠山道,不設中途站

     

    *駕駛朋友注意:運輸署公告2015年12月6日-2016年1月31逢星期六、日及公眾假期上午七時至晚上七時大棠山路由其與僑興路交界以東約475米處起至大棠山道停車場為止一段將會間歇性封閉,禁止所有車輛進入。實際封路時間或會視乎需要而提早執行。

     

    更多:

    大棠楓香林

    香港睇紅葉 必讀攻略+小知識

    更多 賞楓 / 睇紅葉 熱點資料

    檢視更多
  • 十大除夕倒數好去處!

    十大除夕倒數好去處!

    過完聖誕過完Boxing Day,又係時候諗諗除夕去邊好!搵野玩,黎TopFun!
    無論係諗住一大班人過、拍住拖咁過、同屋企人過定自己一個人過,以下呢十大除夕倒數好去處/除夕倒數活動,梗有一個岩你心水!:D

     

    1. 睇煙花 
    每年除夕,維港都會大放煙花,今年都唔例外!由旅發局主辦o既2015除夕倒數活動以「愛與歡樂」為主題,有8分鐘煙火音樂匯演,包括:煙花、音樂同燈光等多種元素,期間維港上空仲會出現多個心形同超過160個「笑面」圖案,會展會出現「2016」大型字樣,迎接2016年!

    而由晚上11:00起,香港島沿海多幢建築物每隔15分鐘會施放流星煙火,名為許願流星,等大家為新一年許番個願。

    最佳觀賞位置包括尖沙咀香港文化中心露天廣場及尖沙咀海濱花園、西九龍海濱長廊、中環新海濱、中環9號及10號碼頭一帶、灣仔金紫荊廣場、維多利亞港。活動當晚,預計尖沙咀一帶將由晚上8:00起實施封路措施,建議各位玩家提早前往觀賞地點。

    日期︰2015年12月31日
    時間︰許願流星 ── 晚上11:00至11:45
    煙火音樂匯演 ── 午夜12:00
    地點︰維多利亞港兩岸
    入場費︰免費

    十大除夕倒數好去處! 十大除夕倒數好去處!2

     

    2. 商場倒數活動
    除夕當晚,唔少商場都會舉行倒數活動,邀請歌星表演,同觀眾玩遊戲。想熱鬧d多人d感受下氣氛,但係又想留o係室內,唔想咁逼,參加商場o既除夕倒數活動睇下表演都係唔少人o既心水好去處。

    即睇今年有乜商場除夕倒數活動:8大商場除夕倒數活動!

    8大商場除夕倒數活動

     

    3. Party房
    各位派對動物,除夕倒數,一定唔少得一大班人齊齊開番個Party!冇人屋企可以Free出黎?唔駛怕,近年香港港九新界都開左唔少Party房,有好多仲係主題Party房,有特別裝修佈置。有地方同私人空間之餘,仲有好多備有各樣娛樂設施,例如麻雀、Boardgame、PS4等等,等大家邊玩邊倒數,開開心心癲番晚!

    即睇香港有乜Party房:各間Party房資料同玩評

    香港聖誕好去處-Party房

     

    4. 唱K
    儘快將憂愁眼睛憂愁面孔憂愁內心抛棄吧~~~ 送走2015,除夕當晚約老死一齊唱番個K,將唔開心都唱走哂!再唱番d hyper歌,載歌載舞,一齊high爆迎接2016!所謂唔通宵唔知身體好,倒數完仲可以繼續唱通宵K!

    即睇香港邊度有得唱K:各個唱K玩點資料同玩評

    十大除夕倒數好去處!3

     

    5. BBQ
    今個冬天不太冷,如果一大班人又唔想逼,又想食住野過除夕,可以考慮下去BBQ!大家圍住個火飲下野食下野,談天說地,update下2015發生o既事,一齊展望計劃新一年,諗下都覺得青春浪漫!

    即睇香港邊度有燒烤場同天台BBQ:各個燒烤場資料同玩評各個天台BBQ玩點資料同玩評

    十大除夕倒數好去處!4

     

    6. 嘉年華
    想玩想過番個刺激除夕?嘉年華相信係你不二之選!今年有兩大主打機動遊戲o既嘉年華橫跨除夕檔期,包括係AIA歐陸嘉年華同東華慈善嘉年華。AIA嘉年華除夕當晚延長開放時間至凌晨1點,同你一齊倒數!東華嘉年華就收23:00(最後入場時間22:30),玩完抖一抖就岩岩好倒數喇!兩大嘉年華究竟去邊個好?佢地究竟有咩玩?

    即睇:AIA歐陸嘉年華V.S東華慈善嘉年華6大比拼!去邊個好?

    即睇AIA嘉年華2015 2016有咩玩!11

     

    7. 露營
    2015年最後一日,想離開繁囂城市透透氣,接近下大自然,聞下草味,睇下星星,露營係一個唔錯o既選擇。簡簡單單同另一半、三五知己或者一大班fd輕輕鬆鬆過番晚。

    即睇香港邊度可以露營:各個露營熱點資料同玩評各個露營車玩點資料同玩評

    十大除夕倒數好去處!5

     

    8. 野餐
    想室外倒數,有個地方坐下,又唔想過夜又唔想BBQ o既,可以考慮下野餐。雖然好似好少人會夜晚野餐,但係黑夜中,o係泛黃燈光照射下一齊野餐,食下薯片飲下酒,彈下結他玩下game睇下書,別有一番風味。值得留意係一般公園開放時間好少去到凌晨12點,要睇番佢地除夕有有特別延長開放時間。例如西九龍海濱長廊除夕當晚就延長開放時間至凌晨一點。

    即睇香港邊度岩去野餐:各個野餐熱點資料同玩評西九龍海濱長廊

    十大除夕倒數好去處!6

     

    9. 酒吧
    想趁大時大節識下新朋友,飲下酒慶祝下,可以選擇去酒吧進行除夕倒數。食下花生,摸下酒杯底,有d仲有beer pong玩,唔駛同人逼之餘,又甚有氣氛。

    即睇香港邊度有酒吧:各間酒吧資料同玩評

    十大除夕倒數好去處!7

     

    10. 機鋪
    其實毒L一個更開心…… 除夕夜自己一個過都唔駛怕!都總有岩一個人玩o既好去處!去機鋪打番晚機,將所有負面情緒都發泄哂出黎,迎接美好新一年!

    即睇香港邊度有機鋪:各間機鋪資料同玩評

    十大除夕倒數好去處!8

     

    快d plan定除夕去邊個好去處啦!<3

    檢視更多
  • AIA歐陸嘉年華V.S東華慈善嘉年華6大比拼!去邊個好?

    AIA歐陸嘉年華V.S東華慈善嘉年華6大比拼!去邊個好?

    今年聖誕/除夕/新年/情人節檔期香港有2個主打機動遊戲o既嘉年華玩!分別係於中環新海濱舉行o既AIA歐陸嘉年華同於前啟德機場跑道舉行o既東華慈善嘉年華
    究竟2大嘉年華有咩分別?即睇以下大比拼圖表!

    AIA歐陸嘉年華vs東華慈善嘉年華

    1. 鬥機動遊戲
    AIA嘉年華經典機動遊戲+今年新機動遊戲,連同合家歡小朋友都岩玩o既機動遊戲總共多達三十幾款!目前經機電署批左玩得o既都有廿幾款。主打經典50米高G-Force變奏Mach5,望落都覺得刺激。
    東華嘉年華向機電署申請左18款機動遊戲牌照,目前開幕首日6款已獲「使用及操作許可證」,所以有部份機動遊戲都未玩得,甚至係未組裝好。主要有4大機動遊戲,加幾個合家歡小朋友都岩玩o既機動遊戲,整體機動遊戲數目較AIA嘉年華少。主打2015年瑞士創新製造o既機動遊戲「陀飛輪」同27層樓高跳樓機,勝在多樣化同有新鮮感!

    AIA歐陸嘉年華V.S東華慈善嘉年華6大比拼!去邊個好?2即睇東華嘉年華2015有咩玩!

    2. 鬥多野睇多野玩
    AIA嘉年華除左機動遊戲攤位遊戲之外,仲有真雪溜冰場(需另付遊戲代幣)、紫色牛牛劇場(需另行購票)、迷你地標模型、舞台表演同手工聖誕燈飾,就算唔係咁岩玩機動遊戲都可以溜下冰,睇下表演,影下靚相。
    東華嘉年華除左機動遊戲攤位遊戲之外,仲有英國皇家絕技團(需提早另行訂票),表演高難度技巧o既特技節目踩鋼線、最令人歡樂o既小丑同壓軸演出o既「電單車極速激戰」,岩哂鐘意睇雜技o既朋友仔!

    即睇AIA嘉年華2015 2016有咩玩!2AIA歐陸嘉年華V.S東華慈善嘉年華6大比拼!去邊個好?5

    3. 鬥價錢
    價錢方面,AIA嘉年華同東華嘉年華2個相差唔多,扣番代幣或者代用劵價值,入場費分別為$25同$20。大型機動遊戲每部每次大約$100,小型機動遊戲每部每次大約$30。攤位遊戲每次大約$20。

     

    4. 鬥攤位公仔特別
    唔少朋友仔去嘉年華旨在玩攤位,誓要贏番個公仔做戰利品俾小朋友或者另一半拎番屋企開心下,做節日禮物。AIA嘉年華今年準備左過百萬隻公仔,除左一般熊仔豬仔迪士尼公仔之外,最吸睛o既可以話係相當受歡迎o既黃色小兵minions。東華嘉年華攤位遊戲於嘉年華開幕首日23/12/2015並未set up,要留意下幾時去先開始有得玩!根據情報,除左一般迪士尼公仔同熊貓仔等等之外,最特別同驚喜o既公仔可以話係2015年hit爆o既Inside Out公仔喇!有啊愁啊燥等等坐陣!

    即睇AIA嘉年華2015 2016有咩玩!

    5. 鬥規模鬥意義
    AIA嘉年華已經o係香港搞左唔少次,雖然舊年(2014)開幕時好似有部份機動遊戲未玩得o既問題,但係今年到目前為止開幕已經超過一星期,暫時都未聽到有咩問題/投訴,似乎已經run得smooth左。東華嘉年華今年第一年舉行,開幕日子比最初公佈延遲左2日,亦都多推左個家庭慈善體驗日(23-27/12/2015)。23日開幕時有玩家表示唔知未有攤位遊戲玩,而且安排有少少混亂。可能始終東華嘉年華係第一年o係呢個地點搞,部份機動遊戲亦都係新o既。不過東華嘉年華有慈善性質,整個活動部份收益主辦單位會撥捐東華三院,支持其兒童、青少年及低收入家庭服務;玩o既同時又可以做善事!

     

    6. 鬥交通方便
    AIA嘉年華於中環新海濱舉行,交通尚算方便;東華慈善嘉年華於前啟德機場跑道舉行,地點較為偏遠,不過大會備有穿梭巴士,供參加者免費往返嘉年華會場及油塘。

     

    想分別睇詳盡d?
    即睇AIA嘉年華2015/2016有咩玩!:http://goo.gl/lxkBvl
    即睇東華嘉年華2015有咩玩!:http://goo.gl/XFvTxy

    檢視更多
  • 香港睇紅葉 必讀攻略+小知識

    香港睇紅葉 必讀攻略+小知識

    想睇紅葉?唔一定要去日韓美加北京o既,香港都一樣有得睇! 😉

    香港睇紅葉 必讀攻略+小知識 (5)

    幾時岩去睇紅葉?

    基於氣候關係,香港o既紅葉期都比緯度較高o既日本同韓國遲,每年大概11月尾至1月頭就係香港紅葉o既熱門時期,而最佳觀賞時期會因應每年氣候微調而變化。一般黎講,天氣開始凍少少,d葉先會開始轉紅。

    香港睇紅葉 必讀攻略+小知識 (1)

    香港邊度有紅葉睇?

    香港有得睇紅葉o既地方其實都唔少,較為人知o既有元朗大棠,不過近幾年都人頭湧湧。其實香港仲有好多地方都有種植紅葉品種植物,港大中大校園啊、香港公園、青衣公園啊、城門水塘啊、郊區啊等等。每個熱點o既詳細介紹同資料,可以睇番TopFun 賞楓/睇紅葉 o既玩點分類。:)

    香港睇紅葉 必讀攻略+小知識 (4)香港睇紅葉 必讀攻略+小知識 (3)

    去睇紅葉着乜好?

    由於部份睇紅葉熱點落車之後需要行好一段路先到,所以o係衣着方面都係建議簡單舒適輕盈為主。想同紅葉一齊影d靚相的話,建議唔好着太多圖案或者花紋o既衫,因為紅葉本身影出黎就一大堆咁樣,如果再著到成身豹紋、波點,甚至係迷彩、花色,望落去張相度成個感覺就會心比較亂。而顏色方面,避免同背景大自然融為一體,記住最好唔好着紅、黃、綠色啊!講究d想更加有秋意冬日感覺o既話,仲可以o係配飾方面花心思,考慮戴冷帽、頸巾、或者耳罩。當然,衣着都要視乎番當日氣溫,唔好凍親或者焗親。

     

    睇紅葉要帶d乜?

    其實去睇紅葉都冇話特別要帶d乜野工具,因為基本上用肉眼就可以睇到。如果係情侶拍拖或者一家人想去影靚相的話,可以考慮帶自拍棍(自拍神器)或者腳架。想扮下文青,o係片片紅葉樹下影充滿意境o既文青相的話,可以帶一本書。如果諗住順便去野餐o既,仲可以帶定靚靚枱布同小量食物添。

     

    小知識

    香港o既紅葉其實並唔係楓樹(屬槭樹科)o既楓葉,而係黎自楓香樹。由於兩者o既樹葉外形好似,而且都係會o係秋天變成紅色,所以香港紅葉經常被誤以為係黎自楓樹。楓葉一般係掌狀五裂,而楓香樹樹葉呢,就多數係三裂掌狀,香港紅葉主要係楓香樹品種。其他香港紅葉樹種仲有欖仁樹、野漆樹、槭樹、山烏桕、落羽松同水杉等等。各種樹葉外形不一,各顯美態。

    香港睇紅葉 必讀攻略+小知識 (2)

     

    即睇TopFun 賞楓/睇紅葉 資料!:)

    (記住玩完之後黎TopFun留番個玩評同大家分享下啊!)

    檢視更多
  • 5個適合一大班朋友o既香港聖誕玩點(玩樂好去處)類別

    5個適合一大班朋友o既香港聖誕玩點(玩樂好去處)類別

    聖誕假有咩玩?有咩好去處適合一大班朋友去玩呢?搵野玩,黎TopFun!等我地舉d例子啦~ 以下5個類別o既玩點(玩樂好去處)都相當適合大家聖誕去玩架!

    1.自拍館

    自拍館有唔同主題o既房,裏面有攝影器材、螢幕、唔同背景同各種服飾道具。一大班人Re-U、抑或係家庭親子樂,都可以o係房裏面擺poses扮鬼扮馬自拍靚相留念啊!聖誕節仲可以影番d 聖誕Look相,扮下聖誕老人,放上FB呃Like添 😛  自拍館絕對係鐘意玩selfie o既人o既好去處!

    即睇:  各間自拍館資料同玩評

    香港聖誕好去處-自拍館香港聖誕好去處-自拍館3

    香港聖誕好去處-自拍館2

    2. 主題Party房 (Party House)

    一大班人想開Christmas Party又冇地方?宜家有計喇!主題Party房唔單止提供聚會Re-U私人空間,仲有靚靚主題佈置,好多仲有飲品提供,同遊戲機、board game、桌上足球等玩樂物品借用。幾個朋友仔傾下計玩下?聖誕除夕過年過節Party?主題Party房就岩哂你!記得要提前訂房啊!

    即睇: 各間Party房資料同玩評

    香港聖誕好去處-Party房

    香港聖誕好去處-Party房2

    3. 渡假屋

    渡假屋,又寫作度假屋,係專為用戶渡假而設o既房屋。度假屋一般起o係渡假勝地,又或者遠離都市o既離島同郊外地方。渡假屋分唔同大細,有d甚至包埋露台天台。岩哂一大班人Re-U開 Christmas Party玩通宵,仲可以打邊爐燒野食架。提示︰聖誕都係旺季黎架,快d Book房。

    即睇: 各間渡假屋資料同玩評

    香港聖誕好去處-渡假屋

    香港聖誕好去處-渡假屋2

    4. Boardgame Cafe

    Boardgame Cafe指提供眾多桌上遊戲o既樓上咖啡店,除左一般平時我地見慣見熟o既games之外,有好多黎自唔同國家o既桌上遊戲;部份店鋪更加有店員細心教你玩。聖誕唔想剩係玩啤牌?Boardgame Cafe係唔錯o既選擇!:)

    即睇: 各間Boardgame Cafe資料同玩評

    香港聖誕好去處-Boardgame Cafe

    香港聖誕好去處-Boardgame Cafe2

    5. 泡泡足球

    想玩d動態d o既野?新興o既玩樂好去處 ──泡泡足球啦!泡泡足球(Bubble Soccer)o係約三年前由英國人Lee Moseley發明,即時風靡英國,宜家更發展至海外如美國、澳洲及香港。所謂o既泡泡足球,其實就係玩家着上大型PVC泡泡裝o係場上踢足球。大家踢來踢去,撞來撞去,唔單止充滿趣味,仲有一定運動量呢!健康又歡樂,一次過滿足你兩個願望。最岩一大班人Re-U玩番幾個鐘!一齊過番個充滿活力o既聖誕!

    即睇: 各間泡泡足球資料同玩評

    香港聖誕好去處-泡泡足球

    香港聖誕好去處-泡泡足球2

    希望以上o既建議幫到大家諗聖誕去邊玩啦!:D 當然除左以上5樣之外都仲有好多其他玩點(玩樂好去處)架~ 大家可以用 http://top-fun.com.hk o既搜尋器選擇適合自己o既香港好去處。

    檢視更多
  • 摸蜆攻略

    摸蜆攻略

    幾時岩去摸蜆?摸蜆攻略1

    • 大蜆的當造季節為每年七月至十月
    • 每逢農曆初一及十五之後的連續數天,就是摸蜆的好時機
    • 當潮退位置低於一米或以下, 蜆的數量亦會明顯較平日多
    • 各位玩家可以瀏覽天文台網頁,選擇「海洋氣象服務-> 潮汐資料->潮汐預報圖表」(http://www.hko.gov.hk/tide/predtide_uc.htm),再選擇不同地區,就可觀看該區的潮汐資料。

     

     

    摸蜆衣着同工具
    摸蜆攻略2摸蜆攻略3

    • 部份泥灘佈滿不同碎石、蠔殼、雜物等,玩家(尤其是小朋友)可以穿水鞋,或是密頭膠鞋,以保護腳部,如沒有水鞋亦可穿着「白飯魚」
    • 如前往泳灘摸蜆,亦可以穿着拖鞋
    • 多帶一套替換衣服
    • 出門前預先搽上防曬用品
    • 掘蜆三寶(視乎個人需要而定):矮凳、泥耙或泥鏟和水桶;可自行攜帶,或在泥灘附近的士多租借(部份泥灘附近不設士多)
    • 摸蜆用鐵鏟比較受力,效果較好,小朋友則可用用來玩沙的膠鏟
    • 手套 (視乎個人需要而定)
    • 沙灘蓆墊或膠枱布 (視乎個人需要而定)

     

     

    摸蜆方法

    • 以蹲下的姿勢來挖掘泥土,如能選擇先前未被挖掘過的地方,將更容易有收穫。又或站著利用長竹不停篤插泥土,篤中硬物後即可簡易挖出大蜆
    • 清走蜆上表面的泥土,即可放入水桶內保存

     

     

    摸蜆注意事項摸蜆攻略4

    • 密切注意泥灘附近的潮水高度,切勿待潮水漲至及腰時仍留在泥灘範圍。因不同水域的水流可能有極大差異,而且部份泥灘的泥質較鬆軟,很容易誤踏「浮泥」而令自己受困及動彈不得
    • 為了讓環境有可持續發展的可能,請所有摸蜆的玩家不要一併帶走體型尚小的蜆BB,同時亦不要在泥灘帶走其他生物如蟹、海星等
    • 部份摸蜆熱點並沒有淡水沖洗,玩家可考慮自備淡水沖洗手腳

     

     

    點樣處理戰利品?

    • 摸回來的蜆最好用海水或清水加適量海鹽及鐵(如鐵匙或菜刀)浸一天,讓蜆吐出泥沙
    • 一般摸到的蜆(如沙白)本身味道已十分鮮甜,用白灼/加入清酒煮熟已十分味美可口
    • 如果想即摸即煮或燒的話,除吐沙外,烹煮前可先用小刀輕輕打開蜆殼,沖走內裡的海水、沙子及污垢
    • 現場想燒蜆來吃的話,最好用中慢火,由於蜆帶有海水鹹味,就算不加調味料已十分鮮甜。如想更惹味,可等蜆燒到開口後放一些椒絲或碎蒜,待蜆慢慢收水即可
    • 除了燒蜆,各位還可挑戰「清酒煮蜆」,只需帶備一個小鍋,或以錫紙摺成凹形,將清酒倒下去煮熱再落蜆。不過炮製酒煮蜆時不能太大火,否則容易搶火造成危險,而清酒煮蜆最好的工具其實是沙鍋,因為受熱較為平均,煮時不用蓋上蓋,一邊搞一邊煮,肉質就夠晒嫩
    • 部份摸蜆熱點(如水口)附近的商戶,可即席提供炮製蜆子的服務,方便玩家滿肚飽飽滿載歡欣地回家摸蜆攻略5 摸蜆攻略6摸蜆攻略7

    邊度有得摸蜆同點去?

    >> 即睇TopFun摸蜆資料!🙂

    (記住玩完之後黎TopFun留番個玩評同大家分享下啊!)

    檢視更多
1 2