由即日起至7月17日，麥當勞於太古城中心舉行「麥當勞玩具樂園」展覽！
現場設有多個立體裝置，包括經典麥當勞叔叔長椅、小飛飛、滑嘟嘟、漢堡神偷公仔，仲有昔日麥當勞分店o既佈置，包括蘋果樹同火車頭車卡等等，絕對係不容錯過o既影相位！
除此之外，展覽亦都展出多款不同年代兼有代表性o既麥當勞玩具，總數超過一千件，當中唔少得多年前轟動一時o既史諾比世界之旅、101斑點狗系列、Hello Kitty婚禮服飾毛公仔等。睇到都覺得d回憶番哂黎～！那些年為左換公仔狂食M記，你又有冇共嗚？
同時亦有比較近年o既小丸子系列、Nano Block、Minion等等，唔同年紀都岩睇～
睇展覽之外，大家亦可於展覽開放時間內玩「好賞．回到從前」小遊戲，登入網頁並儲齊5款樂園人物QR Code，即有機會換領獎品。
TopFun小編於開幕當日前往太古城中心，見到色彩繽紛o既麥當勞裝置擺設就已經好興奮好開心喇！
不過即使當日係平日，晏晝5點幾果陣都好多人，要影到理想中冇乜人o既靚相都甚有難度。如果怕多人的話，睇怕都要遲d先同揀早上少人時間。
題外話：當日聽到有人話，見到有小朋友俾麥當勞叔叔嚇到喊～哈哈 😛
麥當勞玩具樂園展覽
日期：30/6-17/7/2016
時間：11:00am-9:00pm
地點：太古城中心
費用：免費
《蝙蝠俠對超人:正義曙光》你睇左未？實物原大蝙蝠戰車、蝙蝠俠、超人與神奇女俠真人原大雕像，你又見過未？
宜家唔駛過大海都有得睇喇！
黑暗嘅天空，亮起一道為人熟悉、標誌正義嘅燈號！來自葛咸城嘅超級英雄人物蝙蝠俠及宇宙最強嘅超人現已強勢現身又一城，為伸張正義展開正面交鋒！
又一城首次展出實物原大蝙蝠戰車、以及蝙蝠俠、超人與神奇女俠真人原大雕像，仲會有期間限定店發售限量電影精品添！歡迎一眾超級英雄迷到又一城見證最強對決！
《蝙蝠俠對超人:正義曙光》x 又一城
日期：3月3日至4月10日
時間：上午10時至晚上11時
地點：LG2層、G層及UG層
《蝙蝠俠對超人:正義曙光》期間限定店
日期：3月4日至4月10日
時間：上午11時至晚上9時（星期一至四）
上午11時至晚上10時（星期五至日及公眾假期）
地點：LG2層 (至3月28日)及UG層 (至4月10日)
《蝙蝠俠對超人:正義曙光》互動遊戲專區*
日期：3月3日至4月10日
時間：上午11時至晚上10時（星期一至四）
上午11時至晚上11時（星期五至日及公眾假期）
地點：G層
*顧客於期間限定店消費滿HK$300即可到互動遊戲專區免費參加《蝙蝠俠對超人:正義曙光》互動遊戲乙次。
Emoji走晒出黎？Emoji我地平時每日就「打」得多喇，但有無諗過可以攬住個1米高o既發光Emoji錫住影？
繼香港首個天台飄雪花園，D2 Place又有新攪作！今次首次以Emoji為題於商場不同角落放置多個大型燈箱同裝飾，陪大家行街街之餘更可以影Selfie呃Like！ 😀
小朋友同個巨型Emoji差唔多高好可愛啊！ <3
錫錫夠哂sweet～～～ >3<
仲有唔少人另類特別鐘情o既屎屎同掩面馬騮monkey covering eyes Emoji！
商場唔同角落亦都隱藏左其他o既Emoji紙牌公仔～
Emoji迷必到啊！
EMOJI WITH YOU@D2 PLACE
日期：即日至4月30日
地點：九龍荔枝角長義街9號D2 Place (荔枝角站D2出口)
Facebook：https://www.facebook.com/D2Place/
復活節要應節，當然唔少得復活蛋啦～！今年迪士尼將米奇同佢一班好朋友化身為花蛋公仔，除左迪士尼樂園之外，亦藏於Mega Box商場唔同位置。
復活蛋造型o既迪士尼人物好可愛啊，顏色又鮮艷，影相呃like岩哂！ 😀
大家可以免費獲贈「迪士尼花蛋節」小冊子1本，一邊尋找公仔復活蛋蹤影，同時蓋上特製迪士尼「花蛋」圖案印章紀念。
夠哂應節～！
迪士尼花蛋出遊@Mega Box
16/3 – 2/5 10:00am – 10:00pm L5中庭
迪士尼花蛋出遊@Mega Ice
「迪士尼花蛋出遊」攝影區
16/3 – 21/4 L10 Mega Ice溜冰場
特設「迪士尼花蛋出遊」攝影區讓大家免費拍照留念！
迪士尼朋友造型有賞
16/3 – 21/4 L10 Mega Ice溜冰場
於活動期間穿著迪士尼朋友服飾入場溜冰，並將冰上造型照發佈至MegaIceHK Facebook專頁之指定帖子，相片影得最可愛的10位參加者即有機會獲得Mega Ice免費溜冰優惠券2張。
．禮品名額有限，額滿即止
Facebook：https://www.facebook.com/megaboxhk
近日途經長沙灣元洲邨，見到公園裏面冇啦啦有成堆人o係度舉機影相。
一睇，原來元洲邨公園裏面o既杜鵑花隧道開花喇！
呢條約30米長o既簕杜鵑花隧道，每逢3至4月，漸次綻放，構成浪漫動人景致，吸引唔少人專登停步影下靚相，甚至係專誠搭車過黎一睹如此萬紫千紅。目前正值開花初期，據知遲d應該會開得仲靚，至最美麗時期，仲會有滿地花瓣配合整個景致！
當日仲遇到model專登黎擺post影相～
無論係親子去公園玩賞花影靚相、三五知己閒逛、抑或係情侶o係花廊中拖手漫步，都寫意非常，能夠令人心曠神怡。
除左簕杜鵑花隧道之後，附近亦種有其他花種，以及香港常見o既洋紫荊花。
元洲邨杜鵑花隧道
開花時期：3月-4月
地點：長沙灣元洲邨公園 (長沙灣港鐵站C2出口)
一年一度於維園舉行o既香港花卉展覽又黎喇！鐘意賞花同影靚相o既朋友仔又係時候出動！
2016年香港花卉展覽將於3月11日至20日於銅鑼灣維多利亞公園舉行。大家除左可以欣賞到花型秀麗、顏色奪目o既主題花「洋彩雀」同各地花卉之外，仲可以觀賞到黎自本地、內地同海外園藝機構展出悉心栽培o既盆栽、造型優美o既花藝擺設，以及色彩繽紛o既園景設計。會場更設有售賣花卉同其他園藝產品o既銷售攤位。
(康文署2015花卉展覽相片)
展覽期間，亦另有學童繪畫比賽、攝影比賽、展品比賽、音樂及文娛表演、花藝示範、綠化活動工作坊、綠化推廣攤位、導賞服務、康體活動及親子遊戲等等活動。
香港花卉展覽2016
地點 : 香港維多利亞公園
日期 : 2016年3月11日至20日﹝共10天﹞
時間：上午9時至晚上9時
主題花 : 洋彩雀
主題 : 花薈藝萃
入場費 :
全費 14元
優惠收費 7元
4至14歲兒童、全日制學生
60歲或以上長者
殘疾人士及其照管人 (每名殘疾人士只可與一名照管人同享優惠)
星期一至星期五期間之入場優惠：
60歲或以上長者免費參觀
殘疾人士及其照管人免費參觀 (每名殘疾人士只可與一名照管人同享優惠)
30人或以上的團體可獲成人半價優惠，惟團員必須一同進場
查詢 : 2601 8260
網址：http://www.lcsd.gov.hk/tc/hkfs/2016/
預售入場券
有意參觀者可在二月二十二日至三月十八日親臨各分區康樂事務辦事處於收費時間內購票，亦可於花展期間在會場入口處購票。門票費用須以現金繳付。有意參觀者亦可以八達通繳費入場。
賽馬會鯉魚門創意館於2-3月期間舉行 星光鯉魚旗@鯉魚門藝墟「魚燈會魚旗」一連串活動，包括涵蓋獨特「藍曬」攝影技術工作坊、蘭花入門工作坊、星光鯉魚旗裝置藝術、「元宵．魚燈會」等。
希望通過對中華傳統鯉魚形象同文化o既認識同參與，帶動參與者認識中華文化傳統美學。
發揮創意，透過唔同媒介藝術表達對社區o既情感。
其中藝墟o既星光鯉魚旗裝置藝術展，於鯉魚門地標牌坊及海濱長廊展出逾千條鯉魚旗，十分壯觀，可以話係必到影相位！
星光鯉魚旗裝置藝術展
日期: 2月20日至3月27日
鯉魚門藝墟
日期: 2月20~21日
時間: 1:00pm~7:00pm
設有17個原創工藝品攤位，與本地創作「零距離」接觸。
元宵．魚燈會
日期: 2月20日
時間: 12:00pm~5:00pm
Folk Song @鯉魚門音樂會
日期: 2月21日
時間: 5:00pm~7:00pm
蘭花入門工作坊
日期: 2月21日
時間: 13:00﹣19:00（全日）
參加者可把親手栽種一盆小蘭花，送到長者及長期病患者手中。
海．天．地「藍曬攝影比賽」工作坊
日期: 2月20日、2月21曰 、3月6日、 3月13日及3月20日
時間: 10:00am~5:00pm (一小時午飯時間)
地點: 鯉魚門海傍道中45號賽馬會鯉魚門創意館 及 鯉魚門海濱長廊
網址: http://www.jclymplus.org/?event=星光鯉魚旗鯉魚門藝墟「魚燈會魚旗」&lang=zh
仲有唔夠兩星期就農曆新年喇！今年係精靈猴年啊！大家準備好點賀年未呢？
一到農曆新年，各個商場又會有各式各樣靚靚擺設。特別係各個卡通人物擺設，通常都會配上新年服飾或者背景應節，別有一番特色。即刻睇睇以下農曆新年商場卡通人物擺設一覽表啦！一連介紹9個商場唔同o既卡通人物擺設，等你影番爆多得意又可愛o既卡通人物做新年Profile Pic！
比卡超新年又返黎喇！ Mikiki商場為迎接新年，特別舉行「Mikiki x 寵物小精靈Pika 新年祭」！場內佈置以日式祭典為主題，包括太鼓台、鳥居同日式小食攤檔等裝飾，仲有掛上印有比卡超同火焰猴頭像o既燈籠，充滿節日氣氛。
今次比卡超仲會着上賀年新裝現身，連同心心尾比卡超Girl同火焰猴一齊同大家拜年！顧客只要即日於場內單次消費滿$200，並即場成為Mikiki Facebook或Instagram粉絲，即可與比卡超或火焰猴合照一次，來年行好運。
比卡超新春團拜
日期：31/1, 6-7/2, 10/2, 13-14/2/2016
時間：2pm-4pm
地點：Mikiki地下中庭
*7/2, 13-14/2比卡超與比卡超Girl 將同時出現合照。
日期: 21/1-22/2/2016
時間: 12nn-10pm
地點: 新蒲崗Mikiki
今個新年，朗豪坊請黎Monchhichi化身《西遊記》中o既孫悟空，施展72變扮演多個經典角色，與大家歡度猴年！
Monchhichi Pop-up Store更於朗豪坊7樓首度登場！店內有多款Monchhichi限量精品，部份貨品更只於朗豪坊獨家發售。
日期: 15/1-28/2/2016
時間: 11am-11pm
地點: 朗豪坊4樓通天廣場
皇室堡地下中庭化身溫泉旅館，小丸子以傳統和服同可愛馬騮造型，與家人及一眾同學前往溫泉旅館度假，一同迎接猴年來臨！
小丸子、花輪同學同友藏爺爺仲遠道由日本來港，以財神同傳統中國服裝造型出席粉絲見面會，同大家一齊合照！
日期: 31/1, 7/2/2016
時間: 2pm-5pm (每場20分鐘)
地點: 皇室堡地下中庭
出席: 小丸子、花輪同學及友藏爺爺
日期: 即日起至28/2/2016
時間: 10am-10pm
地點: 皇室堡地下中庭
為迎接猴年新春，百厭OSARU NO MONKICHI與一班朋友仔於The ONE打造全新「蕉財進寶玩樂園」，將最愛o既香蕉同新年金幣融入遊玩主題，並誠邀大家盡情玩樂，共度熱鬧新年！
The ONE OSARU NO MONKICHI 蕉財進寶玩樂園
日期: 23/1-28/2/2016
時間: 10am-10pm
地點: The ONE UG2中庭
Sanrio人氣角色Minna no Tābō與一眾朋友首次以新年慶典同服造型降臨置富Malls，為大家呈現多個日式新春場景。於置富都會，大口仔同女朋友身穿華麗新年慶典服飾登場，跪坐於蒲團上為新一年祈福。馬鞍山廣場則以寓意抓住幸福o既日本新年掛飾「熊手」為背景，大口仔帶領女朋友及一眾朋友仔出現，將吉祥如意獻給大家。而於置富嘉湖，印有富士山山景o既華麗鳥居襯托下，大口仔與女朋友登上載滿開運元寶o既寶船，寓意新一年財源廣進。
日期: 即日起至21/2/2016
地點: 置富都會、馬鞍山廣場、置富嘉湖
為慶祝丙申猴年來臨，恒隆地產旗下山頂廣場及康怡廣場與美國年輕時尚品牌Paul Frank合作，重新演繹中國古典名著《西遊記》中o既經典場景。Paul Frank主角Julius化身齊天大聖孫悟空，並率領一眾好友以生鬼造型闖入兩大商場，為顧客送上揉合中西創意、充滿活力o既賀年活動。
山頂廣場及康怡廣場分別以不同o既《西遊記》場景為藍本，設置大型立體裝飾，讓顧客回味名著中多個熟悉畫面。山頂廣場正門以孫悟空「大鬧天宮」一幕作主題，由Julius帶領顧客於山頂廣場玩過痛快。商場一樓中庭則化身成「水簾洞」，Julius手持金箍棒以一身帥氣裝束登場。
日期: 即日起至22/2/2016
地點: 山頂廣場、康怡廣場
聖誕節大受歡迎o既Elmo、Big Bird、Cookie Monster等一眾芝麻街成員o係數碼港商場玩得樂而忘返，決定繼續留o係數碼港商場，以全新面貌農曆新年佈置同新年Look，同大家迎接2016年猴年！商場內除左設置芝麻街大屋同行運桃花樹，利是封設計亦以芝麻街為主題，大人派利是或小朋友收到也格外高興；場內更設置「揮春自助設計站」，俾大家製作獨一無二o既芝麻街揮春帶回家中佈置，節目豐富，令人樂而忘返！
一身「紅當當」4米高巨型Elmo充氣公仔座立商場正門與大家拜年！
影相未夠盡興？數碼港商場今年新春搞搞新意思，設「揮春自助設計站」。俾你自創祝賀語句，加上活靈活現芝麻街公仔，拼出一張獨一無二賀年揮春，立即打印或以電子方式傳送予親朋摯友。
由1月24日起逢周日下午，Elmo仲會現身數碼港商場，同大家見面及拜早年！2月21日 (元宵節前一天)，Elmo更會帶黎糖果及小禮品，與粉絲慶祝新年，迎接甜蜜元宵佳節，當天場內更會舉行新春同樂日，除左醒獅及雜技表演外，同場仲有傳統文化攤位及財神巡遊，一同分享喜慶熱鬧時刻。
數碼港商場新春樂聚芝麻街裝置
日期: 16/1/-22/2/2016
時間: 10am-10pm
地點: 數碼港商場–全天候廣場
芝麻街「揮春自助設計站」
日期: 23/1/-6/2/2016 逢周六及周日 (每日名額50位)
時間: 1-6pm
地點: 數碼港商場 –全天候廣場
節目內容:「創意揮春區」毋須消費即可參加，親自設計一款獨一無二揮春，即場直接打印或以電子郵件傳送給親友！
Elmo見面會
日期: 24/1, 31/1, 7/2, 14/2, 21/2/2016 (逢周日)
時間: 3pm-5pm
節目內容: Elmo與大家見面及拜年，與粉絲慶祝新年。
群獅賀新歲暨新春同樂日
日期: 21/2/2016
時間: 12nn-5pm
節目內容: 醒獅及雜技表演，傳統文化攤位及財神巡遊。
屯門市廣場破天荒邀得星皓影業同本地著名藝術家b.wing合作，將《西遊記之孫悟空三打白骨精》電影場景一一重現於場內主題展覽中，而一眾角色亦會以 Q 版o既「A 仔」造型現身共賀新禧！
除左現場感十足之電影場景佈置外，場內更特別展出全港唯一一尊神形皆似、一比一以由郭富城扮演o既孫悟空踏著筋斗雲之造型蠟像，及多件電影道具珍品，包括七套主角人物孫悟空、唐三藏、豬八戒、沙和尚等之造型服飾及五件極其珍貴之武器：如意金箍棒、 九環錫杖、九齒釘耙、降妖寶杖及白骨刀，全部均係首次o係香港展出，俾大家近距離細意欣賞，機會千載難逢！
日期: 11/1-22/2/2016
時間: 10am-10pm
地點: 屯門市廣場1樓中央廣場
大耳查布o係新達廣場同你賀歲兼拜年！大耳查布同一班朋友換上新春look，o係盛放o既桃花樹下帶你遊歷祈福舞台、巨型好運籤筒、大風車、桃花鼓同桃花拱門等場景，寓意大家猴年行大運！
桃花園仲會定時出現大耳查布新春Popup Store，大家尋寶時要留意新年限定精品，包括大耳查布造型首飾！玩埋「大耳查布新年抓抓樂」遊戲，仲有機會贏得限量版大耳查布精品添！
想大耳查布陪埋你番屋企過年？憑場內消費就可以參加大耳查布新春限量瓷碟禮盒換領！
日期: 23/1-21/2/2016
時間: 12nn-10pm
地點: 大埔新達廣場
*大耳查布新春Popup Store: 逢星期六、日及公眾假期
*大耳查布新春限量瓷碟禮盒換領:逢星期六、日及公眾假期
*大耳查布新年抓抓樂遊戲區: 1月30日起逢星期六及日
即刻約埋朋友仔，或者帶埋另一半同小朋友去影番d靚相賀年啦~! 🙂
想睇雪想過白色聖誕？除左去外地之外，香港今年都有幾個短期玩點(好去處)有飄雪睇！
1. 太古城中心「紅鼻鹿飄雪聖誕之旅」
今個聖誕，太古城中心特意以紅鼻鹿Rudolph為主題，於12月1日至2016年1月3日獨家呈獻「紅鼻鹿飄雪聖誕之旅」。商場於二樓舞台及中橋位置打造別出心裁o既紙品聖誕裝置，呈現多個經典紅鼻鹿童話場景，上演一幕幕聖誕傳奇故事。到時冰上皇宮仲會帶黎全港首個冰上飄雪聖誕，漫天飛雪飄落冰場，俾訪客於20呎高聖誕松樹同紅鼻鹿見證下，投入冰上白色聖誕！
太古城中心引入先進室內飄雪設備，製造出雪花紛飛o既浪漫景緻。活動期間，皚皚白雪每三十分鐘就會由高空徐徐飄落！場內有8部製雪機，每次3分鐘飄雪效果仲會配合燈光同音樂效果，甚為浪漫！而人造雪其實係無色無味泡沫，落地即化。
地點：太古城中心一樓冰上皇宮
日期 ：即日至2016年1月3日
時間：11:00-21:00(每30分鐘1次)
價錢：溜冰場票價$55-$75
Facebook：www.facebook.com/Cityplaza-Ice-Palace-太古城中心冰上皇宮-272231186122/
網頁：www.cityplaza.com/zh-HK/entertainment/ice-palace
2. 荔枝角D2 Place飄雪天台
D2 Place 打造全港首個「Snowy Garden 飄雪天台花園」，12月起每個星期六、日晚上，及12月24-31日期間，都有浪漫飄雪！仲有3米高巨型水晶球！逄週末仲有市集行街街，算得上係其中一個聖誕浪漫打卡影相好去處！
地點：荔枝角長義街9號D2 Place ONE天台花園 (荔枝角D2出口對面)
日期 ：2015年12月逢星期六及日及12月24-31日
時間：18:00-22:00
價錢：免費
Facebook：www.facebook.com/D2Place/
網頁：www.d2place.com/
3. 香港迪士尼樂園美國小鎮大街
香港迪士尼樂園一踏入聖誕，園內o既美國小鎮大街都會漫天飄雪！今年迪士尼樂園同樣有人造雪，根據往年經驗，大概每晚6點就會開始飄雪，既適合情侶拍拖浪漫下，又適合一家大細合家歡去感受白色聖誕！相信十分難忘。
地點：香港迪士尼樂園美國小鎮大街
時間：約18:00, 詳情可再向園內職園查詢
價錢：$499-$539(一日標準門票票價)
Facebook：www.facebook.com/disneyland.hk/
網頁：www.hongkongdisneyland.com/zh-hk/events/happily-ever-after-christmas/
4. 黃埔新天地「雪感聖誕玩樂園」
紅磡黃埔新天地今年聖誕開設「雪感聖誕玩樂園」，由12月19日起於指定日子於時尚坊地庫設置香港首個室內以人造雪製作o既遊樂天地，等小朋友同白雪玩遊戲！「雪感聖誕玩樂園」現場不但不時飄雪，大家仲可以於「親親雪地」o既白皚皚仿真雪地上玩樂，感受柔細輕涼o既雪o既感覺！又可以坐雪兜體驗一下o係兩條各長20呎、鋪滿人造雪o既「雪地滑梯」滑落黎o既興奮速度同至Cool感覺！於12月19-20及25-27日，小朋友更加可以憑指定消費參加「聖誕手作坊」，親手製作多款聖誕手工藝。
*不過注意樂園只限身高0.8米至1.4米人士入場，即係得小朋友先有得玩喇~！
如果去開黃埔就唯有去黃埔號影LED玫瑰花海聖誕燈飾啦。
地點：黃埔新天地時尚坊地庫
日期：2015年12月19日-20日，2015年12月25日-27日，2016年1月1日-3日
時間: 13:00-18:00
價錢：只要即日於商場消費滿$100元或以上，便可入場參與其中一項活動
Facebook：www.facebook.com/whampoaworld
網頁: www.whampoaworld.com/whatshot_index_chi.asp?whID=596#
星球大戰熱潮強勢回歸！！為咗隆重其事，時代廣場舉行大型星戰收藏品展覽！於地面露天廣場展出多個1:1經典電影人物模型及粉絲嘅私人珍藏，誓必令大家感受到星球大戰強大魅力！
[必影] 終於等到了…星球大戰光劍攝影區！配備
[必到影相位]《星球大戰:原力覺醒》Storm
日期：2015年10月24日至11月15日
時間：上午10時至晚上10時
地點：時代廣場 露天廣場 及 地面展覽廳
網址：http://www.timessquare.com.hk/eng/event_detail.php?event=277
Facebook：https://www.facebook.com/HKTimesSquare