以海盜為題o既「小小高爾夫球樂園」，俾一家大細體驗o係海盜船四周打Golf o既樂趣，更會睇到船長Jack Sparrow真人原大o既海盗雕像！無論是以隊制形式，或個人形式參與遊戲，都必定使您樂而忘返！每個場地設計各有不同，俾從未接觸高爾夫球o既大小朋友感受與眾不同o既嶄新體驗。 每個洞o既場地設計都不同，對於從沒打過高爾夫球o既大人小孩都是一項新鮮o既體驗。
瀡滑梯
今年2大嘉年華同大家橫跨聖誕除夕新年情人節，爭得如火如荼，相繼推出各種優惠！
由即日起，東華嘉年華除左免費入場，仲推出全日無限任玩套票！大人只需要$220，成個機動遊戲區域任你玩～
不過，無限任玩只係無限任玩場內所有機動遊戲架咋，其他攤位遊戲、美食攤位、雜技馬戲團呢就要到現場增值亭再俾錢增值喇！
如果之前已經買左180蚊門票，亦可以o係嘉年華即場升級至任玩Package！
購票方法:
1. www.twcarnival.hk
2. 現場購票
＊此優惠不可與其他優惠同時使用
另外，AIA嘉年華都推出2月港人免費入場優惠，坐完摩天輪睇完夜景，入去行下感受下嘉年華氣氛都唔錯！
想知 AIA嘉年華 同 東華嘉年華 有咩玩？
即睇AIA嘉年華2015/2016有咩玩！：http://goo.gl/lxkBvl
即睇東華嘉年華2015有咩玩！：http://goo.gl/XFvTxy
仲有比較添：
AIA歐陸嘉年華V.S東華慈善嘉年華6大比拼！去邊個好？：http://goo.gl/l2wfUT
「國泰新春國際匯演之夜」新春花車巡遊將於農曆初一(2月8日)晚上舉行，今年主題為「環球樂園‧新春派對」！是次巡遊由旅發局斥資3,300萬元舉辦，聲稱為歷來最大型！
當晚將會有13部花車同22個國際及本地團體作出表演，打頭陣o既國泰花車更會派出空姐、機師等沿途同觀眾玩自拍！
匯演將於當晚8時正式展開，而當日大概傍晚6時開始，就會有巡遊前街頭派對！包括以星球大戰o既白兵同黑武士、日本SANRIO家族o既HELLO KITTY、布甸狗同3層樓高賀年版巨型史諾比同大家拜年。巡遊路線沿途亦設有10個定點音樂地帶，由本地年輕音樂人為大家即場獻唱。
文化中心廣場外o既觀眾席入場券已售罄，不過大家仍然可以於活動當晚o係巡遊路線兩旁免費欣賞！
即刻睇睇路線圖同最佳觀賞位置：
2016國泰航空新春國際匯演之夜
日期︰2016年2月8日 (年初一)
時間：晚上8:00至9:45 (無綫電視翡翠台現場直播)
– 持觀眾席入場券觀眾可於晚上7:00就坐
– 下午6:00起，巡遊路線一帶將舉行暖身活動，率先送上流行樂團、舞蹈團的街頭表演及互動遊戲等巡遊
路線：
九龍尖沙咀
– 巡遊隊伍由香港文化中心廣場出發（只限持入場券觀眾進場）。
– 沿廣東道、海防道、彌敦道及梳士巴利道前行，以香港喜來登酒店外為終點。
交通：
往尖沙咀香港文化中心：
– 港鐵尖東站L6出口；或
– 在中環或灣仔乘天星小輪至尖沙咀，抵達天星碼頭後右轉即達。
往巡遊地點：
– 港鐵尖沙咀站A、C、D及E出口；或
– 港鐵尖東站J、K、L1、L3、L5及L6出口。
備註：巡遊匯演舉行的前後兩小時將實施封路措施，請留意香港媒體刊登的政府公告。
仲有唔夠兩星期就農曆新年喇！今年係精靈猴年啊！大家準備好點賀年未呢？
一到農曆新年，各個商場又會有各式各樣靚靚擺設。特別係各個卡通人物擺設，通常都會配上新年服飾或者背景應節，別有一番特色。即刻睇睇以下農曆新年商場卡通人物擺設一覽表啦！一連介紹9個商場唔同o既卡通人物擺設，等你影番爆多得意又可愛o既卡通人物做新年Profile Pic！
比卡超新年又返黎喇！ Mikiki商場為迎接新年，特別舉行「Mikiki x 寵物小精靈Pika 新年祭」！場內佈置以日式祭典為主題，包括太鼓台、鳥居同日式小食攤檔等裝飾，仲有掛上印有比卡超同火焰猴頭像o既燈籠，充滿節日氣氛。
今次比卡超仲會着上賀年新裝現身，連同心心尾比卡超Girl同火焰猴一齊同大家拜年！顧客只要即日於場內單次消費滿$200，並即場成為Mikiki Facebook或Instagram粉絲，即可與比卡超或火焰猴合照一次，來年行好運。
比卡超新春團拜
日期：31/1, 6-7/2, 10/2, 13-14/2/2016
時間：2pm-4pm
地點：Mikiki地下中庭
*7/2, 13-14/2比卡超與比卡超Girl 將同時出現合照。
日期: 21/1-22/2/2016
時間: 12nn-10pm
地點: 新蒲崗Mikiki
今個新年，朗豪坊請黎Monchhichi化身《西遊記》中o既孫悟空，施展72變扮演多個經典角色，與大家歡度猴年！
Monchhichi Pop-up Store更於朗豪坊7樓首度登場！店內有多款Monchhichi限量精品，部份貨品更只於朗豪坊獨家發售。
日期: 15/1-28/2/2016
時間: 11am-11pm
地點: 朗豪坊4樓通天廣場
皇室堡地下中庭化身溫泉旅館，小丸子以傳統和服同可愛馬騮造型，與家人及一眾同學前往溫泉旅館度假，一同迎接猴年來臨！
小丸子、花輪同學同友藏爺爺仲遠道由日本來港，以財神同傳統中國服裝造型出席粉絲見面會，同大家一齊合照！
日期: 31/1, 7/2/2016
時間: 2pm-5pm (每場20分鐘)
地點: 皇室堡地下中庭
出席: 小丸子、花輪同學及友藏爺爺
日期: 即日起至28/2/2016
時間: 10am-10pm
地點: 皇室堡地下中庭
為迎接猴年新春，百厭OSARU NO MONKICHI與一班朋友仔於The ONE打造全新「蕉財進寶玩樂園」，將最愛o既香蕉同新年金幣融入遊玩主題，並誠邀大家盡情玩樂，共度熱鬧新年！
The ONE OSARU NO MONKICHI 蕉財進寶玩樂園
日期: 23/1-28/2/2016
時間: 10am-10pm
地點: The ONE UG2中庭
Sanrio人氣角色Minna no Tābō與一眾朋友首次以新年慶典同服造型降臨置富Malls，為大家呈現多個日式新春場景。於置富都會，大口仔同女朋友身穿華麗新年慶典服飾登場，跪坐於蒲團上為新一年祈福。馬鞍山廣場則以寓意抓住幸福o既日本新年掛飾「熊手」為背景，大口仔帶領女朋友及一眾朋友仔出現，將吉祥如意獻給大家。而於置富嘉湖，印有富士山山景o既華麗鳥居襯托下，大口仔與女朋友登上載滿開運元寶o既寶船，寓意新一年財源廣進。
日期: 即日起至21/2/2016
地點: 置富都會、馬鞍山廣場、置富嘉湖
為慶祝丙申猴年來臨，恒隆地產旗下山頂廣場及康怡廣場與美國年輕時尚品牌Paul Frank合作，重新演繹中國古典名著《西遊記》中o既經典場景。Paul Frank主角Julius化身齊天大聖孫悟空，並率領一眾好友以生鬼造型闖入兩大商場，為顧客送上揉合中西創意、充滿活力o既賀年活動。
山頂廣場及康怡廣場分別以不同o既《西遊記》場景為藍本，設置大型立體裝飾，讓顧客回味名著中多個熟悉畫面。山頂廣場正門以孫悟空「大鬧天宮」一幕作主題，由Julius帶領顧客於山頂廣場玩過痛快。商場一樓中庭則化身成「水簾洞」，Julius手持金箍棒以一身帥氣裝束登場。
日期: 即日起至22/2/2016
地點: 山頂廣場、康怡廣場
聖誕節大受歡迎o既Elmo、Big Bird、Cookie Monster等一眾芝麻街成員o係數碼港商場玩得樂而忘返，決定繼續留o係數碼港商場，以全新面貌農曆新年佈置同新年Look，同大家迎接2016年猴年！商場內除左設置芝麻街大屋同行運桃花樹，利是封設計亦以芝麻街為主題，大人派利是或小朋友收到也格外高興；場內更設置「揮春自助設計站」，俾大家製作獨一無二o既芝麻街揮春帶回家中佈置，節目豐富，令人樂而忘返！
一身「紅當當」4米高巨型Elmo充氣公仔座立商場正門與大家拜年！
影相未夠盡興？數碼港商場今年新春搞搞新意思，設「揮春自助設計站」。俾你自創祝賀語句，加上活靈活現芝麻街公仔，拼出一張獨一無二賀年揮春，立即打印或以電子方式傳送予親朋摯友。
由1月24日起逢周日下午，Elmo仲會現身數碼港商場，同大家見面及拜早年！2月21日 (元宵節前一天)，Elmo更會帶黎糖果及小禮品，與粉絲慶祝新年，迎接甜蜜元宵佳節，當天場內更會舉行新春同樂日，除左醒獅及雜技表演外，同場仲有傳統文化攤位及財神巡遊，一同分享喜慶熱鬧時刻。
數碼港商場新春樂聚芝麻街裝置
日期: 16/1/-22/2/2016
時間: 10am-10pm
地點: 數碼港商場–全天候廣場
芝麻街「揮春自助設計站」
日期: 23/1/-6/2/2016 逢周六及周日 (每日名額50位)
時間: 1-6pm
地點: 數碼港商場 –全天候廣場
節目內容:「創意揮春區」毋須消費即可參加，親自設計一款獨一無二揮春，即場直接打印或以電子郵件傳送給親友！
Elmo見面會
日期: 24/1, 31/1, 7/2, 14/2, 21/2/2016 (逢周日)
時間: 3pm-5pm
節目內容: Elmo與大家見面及拜年，與粉絲慶祝新年。
群獅賀新歲暨新春同樂日
日期: 21/2/2016
時間: 12nn-5pm
節目內容: 醒獅及雜技表演，傳統文化攤位及財神巡遊。
屯門市廣場破天荒邀得星皓影業同本地著名藝術家b.wing合作，將《西遊記之孫悟空三打白骨精》電影場景一一重現於場內主題展覽中，而一眾角色亦會以 Q 版o既「A 仔」造型現身共賀新禧！
除左現場感十足之電影場景佈置外，場內更特別展出全港唯一一尊神形皆似、一比一以由郭富城扮演o既孫悟空踏著筋斗雲之造型蠟像，及多件電影道具珍品，包括七套主角人物孫悟空、唐三藏、豬八戒、沙和尚等之造型服飾及五件極其珍貴之武器：如意金箍棒、 九環錫杖、九齒釘耙、降妖寶杖及白骨刀，全部均係首次o係香港展出，俾大家近距離細意欣賞，機會千載難逢！
日期: 11/1-22/2/2016
時間: 10am-10pm
地點: 屯門市廣場1樓中央廣場
大耳查布o係新達廣場同你賀歲兼拜年！大耳查布同一班朋友換上新春look，o係盛放o既桃花樹下帶你遊歷祈福舞台、巨型好運籤筒、大風車、桃花鼓同桃花拱門等場景，寓意大家猴年行大運！
桃花園仲會定時出現大耳查布新春Popup Store，大家尋寶時要留意新年限定精品，包括大耳查布造型首飾！玩埋「大耳查布新年抓抓樂」遊戲，仲有機會贏得限量版大耳查布精品添！
想大耳查布陪埋你番屋企過年？憑場內消費就可以參加大耳查布新春限量瓷碟禮盒換領！
日期: 23/1-21/2/2016
時間: 12nn-10pm
地點: 大埔新達廣場
*大耳查布新春Popup Store: 逢星期六、日及公眾假期
*大耳查布新春限量瓷碟禮盒換領:逢星期六、日及公眾假期
*大耳查布新年抓抓樂遊戲區: 1月30日起逢星期六及日
即刻約埋朋友仔，或者帶埋另一半同小朋友去影番d靚相賀年啦~! 🙂
農曆新年就到喇！想體驗下台灣傳統放天燈祈福？香港都有得「放天燈」！為慶祝新春佳節同誠品書店即將落戶，太古城中心特意由即日起至2月22日期間呈獻「天燈祈福迎新春」，以象徵祈福納喜o既天燈做主題，將商場二樓中橋位置打造成「新春天燈園」，二百盞明亮天燈印有由多國語言如中、英、日、韓文寫成o既祝福語句，俾訪客分享滿滿祝福！
場內掛起超過二百盞天燈，天燈於天花四周縱橫交錯，以澄黃及桔橙兩色為主、大小不一、鮮艷雅緻，營造出浩瀚浪漫燈海。
另外，二樓舞台位置除左同樣打造漫天燈海怡人景象外，更設置一個4.8米高大型天燈許願互動裝置，俾訪客體驗「放天燈」樂趣，並為親友摰愛於新年送上最窩心及溫暖o既祝福同冀願！
訪客只需先讚好太古城中心Facebook或「追蹤」全新Instagram專頁，並於天燈帖文內按「讚」及於留言中標籤一位朋友，即可於現場透過應用程式自選喜愛o既天燈設計圖樣，以及配上心水潮語賀句如「愛神射住你，財神抱住你」、「高中狀元榜，科科5＊＊」等，將個人化祝願呈現於巨型天燈電子螢幕上，天燈徐徐升起，寓意讓希望升空，夢想成真。當天燈上升至一半高度時，畫面更會貼心靜止十數秒，俾訪客拍照留念。
太古城中心 ｢天燈祈福迎新春」
日期: 即日起至2月22日
時間: 21/1-22/2 11am-9pm; 8/2(年初一) 12noon-9pm; 15/2(年初八) 1pm-9pm
地點: 太古城中心
查詢: (852) 2568 8665
網頁: http://www.cityplaza.com/zh-HK/events/LIVE_HAPPY.aspx
為配合「欣賞香港」運動，康樂及文化事務署轄下所有博物館二零一六年一月一日起免費開放一個月，鼓勵更多市民參觀博物館，全面感受創新、愉快和具啟發性的博物館體驗。
免費開放的博物館包括香港歷史博物館、香港文化博物館、香港科學館、孫中山紀念館、香港海防博物館、茶具文物館、香港鐵路博物館、三棟屋博物館、上窰民俗文物館、羅屋民俗館（客家屋一月八日起開放）、李鄭屋漢墓博物館、葛量洪號滅火輪展覽館、油街實現、香港視覺藝術中心、香港電影資料館（電影院除外）、香港文物探知館和屏山鄧族文物館。
由於香港藝術館和香港太空館正進行翻新及擴建工程，現已全館關閉，一月將不會開放。
在免費開放期間，市民無須憑票入場，只須即場排隊輪候。
參觀博物館既可以增廣見聞，又可以刺激思考。無論係拍拖、家庭親子樂，抑或係2-4人遊都係唔錯o既選擇！不失為假日經濟又休閒o既香港好去處~！
想搵香港各間博物館資料？＞＞即睇TopFun 博物館 玩點分類
相關新聞公告: http://www.lcsd.gov.hk/tc/news/press_details.php?id=9221
踏入秋冬季，又係紅葉轉紅o既日子。前幾日聖誕假，新聞報導指出有大量人潮前往大棠睇紅葉，高峰時期多達超過600人等巴士走，更有人指紅葉同人o既數目比例達到1000:1。lol
根據漁護署今年新出o既紅葉情報，目前大棠o既紅葉指數達到A & B，即係極紅同開始紅。不過FB同IG上面o既相大多加左filter，究竟大棠紅葉紅未？紅左又有幾紅？係咪真係多人到咁誇張？
12月27號當日，TopFun朋友仔去行左個圈，為你實地直擊一下！
要去大棠(其實即係大欖郊野公園)可以o係元朗搭K66巴士或者紅色小巴；或者o係朗屏搭K66巴士，然後o係大棠山道(僑興路)站落車。
大概係中午3點，落左車之後，其實跟住d人行o既方向一齊行就得，哈哈哈！慢慢行大概20分鐘，就會見到「大欖郊野公園」個牌！沿路都幾有大自然氣色，好多綠色樹木，黎到郊區當堂空氣都好左！
不過，其實入到郊野公園先真係開始行去楓香林。牌前留完影之後，面前係一條分叉路，一邊係上樓梯，一邊係普通少少斜o既路。個牌係指你上樓梯o既，最後我地發現其實兩條路都上到燒烤場。
行樓梯一上到燒烤場就見到新聞報導話30人排隊o既洗手間，又真係幾多人。不過其實燒烤場另一邊仲有一個洗手間。原來大棠個燒烤場係咁大架！！(我對大棠o既印象只係停留o係小學雞去大棠荔枝山莊…) 環境其實都唔錯，有唔少人o係度BBQ，亦都有人o係涼亭同地下鋪地墊野餐，彈ukulele。果度有個小食亭賣薯片玩具果d，仲有少量岩小朋友玩o既設施。
抖抖繼續行，沿路都有d花花草草睇下o既。至於係咪真係咁people mountain people sea(人山人海)呢？之前睇d報導影住d人潮，真係多人到好似旺角行人專用區、好似行花市、好似去拜山咁密麻麻；我真係以為沿路都係咁多人，大家一路排住隊咁行，哈哈！原來其實主要都係某d位會特別多人滯留，所以先會影出一幅人頭湧湧o既場面。當然，亦都可能係因為當日天氣唔太好，所以少左人去睇紅葉。
行到咁上下，終於見到2-3棵樹有紅葉！不過就真係細細棵同唔太茂盛。再行下又會再見到多幾棵。果陣心諗，如果剩係睇呢幾棵都幾灰機……
不過根據情報，最多紅葉o既位係o係一個小斜坡，同一個涼亭隔離。由燒烤場慢行大概30-40分鐘，就終於見到說好的小斜坡喇！！之前成日見到d相d人走哂上斜坡影相，但原來果度係有個牌叫你唔好走上去架哈哈～
呢d位好多人……
基本上都叫見到一堆紅葉，有黃有橙有紅，但又未至於話好靚。繼續向前行多幾步，就終於會見到大棠睇紅葉熱點位──涼亭。果度有大概十幾棵相當高而有紅葉o既樹，一堆紅葉睇起上黎密好多。而果度o既紅葉的確如漁護署所講，係有d開始紅有d十分紅。
影左幾張相之後，突然就落大雨，一堆人好似玩爭凳仔咁衝哂入涼亭避雨。之前見到有篇網上文章，寫細雨朦朦賞楓葉，景色別有一番美；加上二人一傘，雨下漫步，聽落都覺得浪漫！不過當日現實係，撞正大雨加四人一傘，別有一番搞笑同狼狽。
影靚相方面，除左好似之前出果篇睇紅葉攻略提過，唔好着d同紅葉撞哂色融為一體o既衫之外，實地直擊發現更多搞笑問題同技巧。
如果要同大果幾棵樹o既紅葉合照，基本上你要離遠少少棵樹同埋低炒，同時他拍會比自拍易d影得靚。如果要自拍，最好帶番支自拍神棍！一黎距離遠d，多d紅葉入到鏡；二黎！！！由於部份手機前鏡像素低同有自動美顏效果，部機…… 係會……
美 ‧ 顏 ‧ 埋 ‧ d ‧ 紅 ‧ 葉。 哈哈哈哈哈哈哈！如果冇神棍+後鏡自拍都幾難控制。
「冇filter V.S. 有filter」。如果要呃like，睇黎都係加左filter吸引d喇！
值得注意，其實入到大棠都唔會覺得凍左，可能行起，反而元朗好似仲凍d，不過落雨之後就凍左好多。由於落雨所以唔係影左好多相，好快就沿路離開。
至於傳說中o既600人等巴士走呢？離開時候大概係6點，岩岩日落，天有少少黑，又真係幾多人等巴士。睇條龍以為要第2-3架先上到。不過可能年紀大少少o既啊姨伯伯比較多，得番企位佢地會等下架，所以唔怕企一陣的話其實好快上到車。而當日搭果架巴士企位其實都唔逼。當然，唔同玩家可能會遇到唔同情況。
我地係搭星期日同公眾假期先有o既K66特別路線，總站朗屏落車，行兩步就番到朗屏西鐵站。完成大棠睇紅葉行程！Yeah！
整體黎講，大棠紅葉其實都已經紅得差唔多，但冇想像中咁靚咁多；不過休休閒閒行下，親親大自然，呼吸下新鮮空氣，都幾放鬆同舒服！不失為一個假日好去處！
至於一心要影紅葉靚相o既，就考你功夫喇哈哈！
最後送大家一張執左充滿秋意o既相:)
大棠睇紅葉
交通 :
大棠山道 (僑興路) 站下車。
*紅葉季節 K66特別路綫：
日期: 2015年12月19日-2016年1月31日
星期日及公眾假期：
去程時間: 10:30-16:00 (由朗屏開出) 每15分鐘一班
回程時間: 13:00-19:00 (由大棠山道開出) 每15分鐘一班
星期六(只有回程)：
時間: 16:00-19:00 (由大棠山道開出) 每15分鐘一班
地點: 朗屏站B2出口(宏達路悅屏樓路邊)來往大棠山道，不設中途站
*駕駛朋友注意：運輸署公告2015年12月6日-2016年1月31逢星期六、日及公眾假期上午七時至晚上七時大棠山路由其與僑興路交界以東約475米處起至大棠山道停車場為止一段將會間歇性封閉，禁止所有車輛進入。實際封路時間或會視乎需要而提早執行。
更多：
今年聖誕/除夕/新年/情人節檔期香港有2個主打機動遊戲o既嘉年華玩！分別係於中環新海濱舉行o既AIA歐陸嘉年華同於前啟德機場跑道舉行o既東華慈善嘉年華。
究竟2大嘉年華有咩分別？即睇以下大比拼圖表！
1. 鬥機動遊戲
AIA嘉年華經典機動遊戲+今年新機動遊戲，連同合家歡小朋友都岩玩o既機動遊戲總共多達三十幾款！目前經機電署批左玩得o既都有廿幾款。主打經典50米高G-Force變奏Mach5，望落都覺得刺激。
東華嘉年華向機電署申請左18款機動遊戲牌照，目前開幕首日6款已獲「使用及操作許可證」，所以有部份機動遊戲都未玩得，甚至係未組裝好。主要有4大機動遊戲，加幾個合家歡小朋友都岩玩o既機動遊戲，整體機動遊戲數目較AIA嘉年華少。主打2015年瑞士創新製造o既機動遊戲「陀飛輪」同27層樓高跳樓機，勝在多樣化同有新鮮感！
2. 鬥多野睇多野玩
AIA嘉年華除左機動遊戲攤位遊戲之外，仲有真雪溜冰場(需另付遊戲代幣)、紫色牛牛劇場(需另行購票)、迷你地標模型、舞台表演同手工聖誕燈飾，就算唔係咁岩玩機動遊戲都可以溜下冰，睇下表演，影下靚相。
東華嘉年華除左機動遊戲攤位遊戲之外，仲有英國皇家絕技團(需提早另行訂票)，表演高難度技巧o既特技節目踩鋼線、最令人歡樂o既小丑同壓軸演出o既「電單車極速激戰」，岩哂鐘意睇雜技o既朋友仔！
3. 鬥價錢
價錢方面，AIA嘉年華同東華嘉年華2個相差唔多，扣番代幣或者代用劵價值，入場費分別為$25同$20。大型機動遊戲每部每次大約$100，小型機動遊戲每部每次大約$30。攤位遊戲每次大約$20。
4. 鬥攤位公仔特別
唔少朋友仔去嘉年華旨在玩攤位，誓要贏番個公仔做戰利品俾小朋友或者另一半拎番屋企開心下，做節日禮物。AIA嘉年華今年準備左過百萬隻公仔，除左一般熊仔豬仔迪士尼公仔之外，最吸睛o既可以話係相當受歡迎o既黃色小兵minions。東華嘉年華攤位遊戲於嘉年華開幕首日23/12/2015並未set up，要留意下幾時去先開始有得玩！根據情報，除左一般迪士尼公仔同熊貓仔等等之外，最特別同驚喜o既公仔可以話係2015年hit爆o既Inside Out公仔喇！有啊愁啊燥等等坐陣！
5. 鬥規模鬥意義
AIA嘉年華已經o係香港搞左唔少次，雖然舊年(2014)開幕時好似有部份機動遊戲未玩得o既問題，但係今年到目前為止開幕已經超過一星期，暫時都未聽到有咩問題/投訴，似乎已經run得smooth左。東華嘉年華今年第一年舉行，開幕日子比最初公佈延遲左2日，亦都多推左個家庭慈善體驗日(23-27/12/2015)。23日開幕時有玩家表示唔知未有攤位遊戲玩，而且安排有少少混亂。可能始終東華嘉年華係第一年o係呢個地點搞，部份機動遊戲亦都係新o既。不過東華嘉年華有慈善性質，整個活動部份收益主辦單位會撥捐東華三院，支持其兒童、青少年及低收入家庭服務；玩o既同時又可以做善事！
6. 鬥交通方便
AIA嘉年華於中環新海濱舉行，交通尚算方便；東華慈善嘉年華於前啟德機場跑道舉行，地點較為偏遠，不過大會備有穿梭巴士，供參加者免費往返嘉年華會場及油塘。
想分別睇詳盡d？
即睇AIA嘉年華2015/2016有咩玩！：http://goo.gl/lxkBvl
即睇東華嘉年華2015有咩玩！：http://goo.gl/XFvTxy
香港真係越黎越多大型活動！
機動遊戲發燒友有福了，今年聖誕新年檔期，除左又有AIA嘉年華之外，仲有東華慈善嘉年華！
東華慈善嘉年華已經於2015年12月23日開幕，仲會於前啟德機場跑道舉行到2016年3月28號。
即刻睇睇機動遊戲實物相片同有咩玩啦！
刺激機動遊戲：
恐怖絕叫－陀飛輪 Tourbillon
2015年瑞士創新製造o既機動遊戲「陀飛輪」將首先面世於「東華慈善嘉年華」。「陀飛輪」高20米、 重180噸，可坐24人，玩家身處於扭計骰形狀o既極化版機動遊戲，體驗全方位360度高速迴環旋轉，挑戰玩家瘋狂極限。
刺激驚險之選－極速空降 Swiss Tower
全港最高嶄新終極挑戰，從27層樓（80米）頂峰瞬間垂直急速下墜，無重飄浮感交織壓力與緊張，嚇你一個措手不及。
刺激之選－超級搖滾 Your Exceptional Stimulation – Super Chaos
「超級搖滾」係全新獨特o既機動遊樂體驗。24名乘客擺動至30米高空，而座椅圍繞垂直軸360度轉動。乘客時向內時向外o既被不斷旋轉！
合家歡遊戲：
重拾兒時回憶－鞦韆樹Tree Swing
以大樹為設計概念o既鞦韆慢慢升上13米高空作波浪式迴旋，隨著音樂不規則擺動，俾大眾o係半空中與摯親分享童年時光，重溫孩童時o既歡樂。
新潮至IN－超级滑梯 New York Super Slide
去年Super Bowl「超级碗」活動期間坐落纽约時代廣場o既超级滑梯首度亮相香港。33米長18米高滑梯共8條滑道，感受世界級瀡滑梯體驗。
共享難忘回憶－兒童創意動感區
兒童創意動感區，集動感與創意於一身，除擁有Hot Wheels及Mega Bloks 兩大國際玩具品牌專區、交通安全城及大型充氣遊戲外，特別設置全長超過100米，全港首個Hot Wheels跑道，小朋友可以一試身手，在跑道上風馳。大型Mega Bloks積木池，小朋友可隨意創作出不同組合，發揮小朋友驚人o既創作力及訓練手部平衡力。亦可在「Mega Bloks 動物園」與多款大型Mega Bloks積木砌成的可愛小動物拍照留念。
海盜冒險之旅－「 小小高爾夫球樂園」
以海盜為題o既「小小高爾夫球樂園」，俾一家大細體驗o係海盜船四周打Golf o既樂趣，更會睇到船長Jack Sparrow真人原大o既海盗雕像！無論是以隊制形式，或個人形式參與遊戲，都必定使您樂而忘返！每個場地設計各有不同，俾從未接觸高爾夫球o既大小朋友感受與眾不同o既嶄新體驗。 每個洞o既場地設計都不同，對於從沒打過高爾夫球o既大人小孩都是一項新鮮o既體驗。
瀡滑梯
話明嘉年華，當然唔少得有攤位遊戲！不過注意23/12/2015開幕首日攤位遊戲並未set up，到底幾時先開始有得玩，就要留意番官方最新公佈喇！
除左機動遊戲同攤位遊戲之外，主辦單位從英國引進「英國皇家絕技團」，由12月23日開始隆重登場，一家大細可以於聖誕節期間欣賞從各國赴港o既世界級表演者o既精湛演出，高難度技巧o既特技節目踩鋼線、最令人歡樂o既小丑及壓軸演出o既「電單車極速激戰」，讓觀眾樂而忘返。門票需要另外於網上預訂。
東華慈善嘉年華2015
日期: 2015年12月23日至2016年3月28日
地點: 前啟德機場跑道（鄰近啟德郵輪碼頭）
時間:
2015年12月23日至2016年1月3日：11am-11pm;
2016年1月4日開始：3pm-11pm(平日), 11am-11pm(星期五、六、日及公眾假期)
最後入場時間為活動結束前45分鐘。特別日期或延長開放時間，詳情容後公布。
票價: 一般門票$180(機動遊戲$120 攤位遊戲$40 入場$20)，3歲以下幼童，65歲以上長者及殘疾人士，免費入場。
網頁: http://www.twcarnival.hk/
Facebook: https://www.facebook.com/twcarnival
更多嘉年華相關玩點資訊：
AIA歐陸嘉年華V.S東華慈善嘉年華6大比拼！去邊個好？：http://goo.gl/l2wfUT
即睇AIA嘉年華2015/2016有咩玩！：http://goo.gl/lxkBvl
想睇雪想過白色聖誕？除左去外地之外，香港今年都有幾個短期玩點(好去處)有飄雪睇！
1. 太古城中心「紅鼻鹿飄雪聖誕之旅」
今個聖誕，太古城中心特意以紅鼻鹿Rudolph為主題，於12月1日至2016年1月3日獨家呈獻「紅鼻鹿飄雪聖誕之旅」。商場於二樓舞台及中橋位置打造別出心裁o既紙品聖誕裝置，呈現多個經典紅鼻鹿童話場景，上演一幕幕聖誕傳奇故事。到時冰上皇宮仲會帶黎全港首個冰上飄雪聖誕，漫天飛雪飄落冰場，俾訪客於20呎高聖誕松樹同紅鼻鹿見證下，投入冰上白色聖誕！
太古城中心引入先進室內飄雪設備，製造出雪花紛飛o既浪漫景緻。活動期間，皚皚白雪每三十分鐘就會由高空徐徐飄落！場內有8部製雪機，每次3分鐘飄雪效果仲會配合燈光同音樂效果，甚為浪漫！而人造雪其實係無色無味泡沫，落地即化。
地點：太古城中心一樓冰上皇宮
日期 ：即日至2016年1月3日
時間：11:00-21:00(每30分鐘1次)
價錢：溜冰場票價$55-$75
Facebook：www.facebook.com/Cityplaza-Ice-Palace-太古城中心冰上皇宮-272231186122/
網頁：www.cityplaza.com/zh-HK/entertainment/ice-palace
2. 荔枝角D2 Place飄雪天台
D2 Place 打造全港首個「Snowy Garden 飄雪天台花園」，12月起每個星期六、日晚上，及12月24-31日期間，都有浪漫飄雪！仲有3米高巨型水晶球！逄週末仲有市集行街街，算得上係其中一個聖誕浪漫打卡影相好去處！
地點：荔枝角長義街9號D2 Place ONE天台花園 (荔枝角D2出口對面)
日期 ：2015年12月逢星期六及日及12月24-31日
時間：18:00-22:00
價錢：免費
Facebook：www.facebook.com/D2Place/
網頁：www.d2place.com/
3. 香港迪士尼樂園美國小鎮大街
香港迪士尼樂園一踏入聖誕，園內o既美國小鎮大街都會漫天飄雪！今年迪士尼樂園同樣有人造雪，根據往年經驗，大概每晚6點就會開始飄雪，既適合情侶拍拖浪漫下，又適合一家大細合家歡去感受白色聖誕！相信十分難忘。
地點：香港迪士尼樂園美國小鎮大街
時間：約18:00, 詳情可再向園內職園查詢
價錢：$499-$539(一日標準門票票價)
Facebook：www.facebook.com/disneyland.hk/
網頁：www.hongkongdisneyland.com/zh-hk/events/happily-ever-after-christmas/
4. 黃埔新天地「雪感聖誕玩樂園」
紅磡黃埔新天地今年聖誕開設「雪感聖誕玩樂園」，由12月19日起於指定日子於時尚坊地庫設置香港首個室內以人造雪製作o既遊樂天地，等小朋友同白雪玩遊戲！「雪感聖誕玩樂園」現場不但不時飄雪，大家仲可以於「親親雪地」o既白皚皚仿真雪地上玩樂，感受柔細輕涼o既雪o既感覺！又可以坐雪兜體驗一下o係兩條各長20呎、鋪滿人造雪o既「雪地滑梯」滑落黎o既興奮速度同至Cool感覺！於12月19-20及25-27日，小朋友更加可以憑指定消費參加「聖誕手作坊」，親手製作多款聖誕手工藝。
*不過注意樂園只限身高0.8米至1.4米人士入場，即係得小朋友先有得玩喇~！
如果去開黃埔就唯有去黃埔號影LED玫瑰花海聖誕燈飾啦。
地點：黃埔新天地時尚坊地庫
日期：2015年12月19日-20日，2015年12月25日-27日，2016年1月1日-3日
時間: 13:00-18:00
價錢：只要即日於商場消費滿$100元或以上，便可入場參與其中一項活動
Facebook：www.facebook.com/whampoaworld
網頁: www.whampoaworld.com/whatshot_index_chi.asp?whID=596#
AIA歐陸嘉年華又黎喇！由17/12/2015開始，至21/2/2016，於中環海濱舉行。AIA嘉年華橫跨聖誕、除夕、情人節、農曆新年等主要節日，等你有哂假期又有哂借口大玩特玩，同時享盡節日氣氛！
嘉年華包括各種聖誕燈飾、機動遊戲、表演同攤位遊戲。
刺激機動遊戲：
唔少得o既經典Mach5(想當年G-Force相信係唔少人o既集體回憶), No Limit, Atmos Fear……
今年新o既巨型海盜船Das Dun Schiff, 濕身飛船 Log Flume, Cyclone Coaster過山車……
冇咁刺激o既機動遊戲：
飛天韆鞦Starflyer：
飛天韆鞦Wave Swinger：
適合小朋友玩o既London Bus：
聖誕列車 SANTA’S TRAIN
小飛象Dumbo：
仲有踫踫車、小型海盜船等等等等……
全部機動遊戲當然唔止咁少啦！場內29款刺激機動遊戲同親子機動遊戲不能盡錄～
唔係咁岩玩機動遊戲o既，AIA嘉年華亦有全港唯一戶外
嘉年華唔少得o既各式各樣燈飾同攤位～
AIA友邦歐陸嘉年華2015/2016
日期：17/12/2015 – 21/2/2016
時間：11am – 11pm (大除夕將開放至凌晨1am)
地點：中環新海濱
票價：成人$125(包10個遊戲代幣)；小童及長者$90（包7個遊戲代幣）
網址：www.tgec.asia
Facebook：www.facebook.com/TGECAsia
交通：
天星小輪：中環
港鐵：中環站國際金融中心商場出口
巴士：中環（交易廣場）巴士總站
的士站：中環碼頭、國際金融中心商場、交易廣場公共交通交滙處、香港站
泊車：國際金融中心商場、大會堂
更多嘉年華相關玩點資訊：
AIA歐陸嘉年華V.S東華慈善嘉年華6大比拼！去邊個好？：http://goo.gl/l2wfUT
即睇東華慈善嘉年華2015有咩玩！：http://goo.gl/XFvTxy
想睇紅葉？唔一定要去日韓美加北京o既，香港都一樣有得睇！ 😉
幾時岩去睇紅葉？
基於氣候關係，香港o既紅葉期都比緯度較高o既日本同韓國遲，每年大概11月尾至1月頭就係香港紅葉o既熱門時期，而最佳觀賞時期會因應每年氣候微調而變化。一般黎講，天氣開始凍少少，d葉先會開始轉紅。
香港邊度有紅葉睇？
香港有得睇紅葉o既地方其實都唔少，較為人知o既有元朗大棠，不過近幾年都人頭湧湧。其實香港仲有好多地方都有種植紅葉品種植物，港大中大校園啊、香港公園、青衣公園啊、城門水塘啊、郊區啊等等。每個熱點o既詳細介紹同資料，可以睇番TopFun 賞楓/睇紅葉 o既玩點分類。:)
去睇紅葉着乜好？
由於部份睇紅葉熱點落車之後需要行好一段路先到，所以o係衣着方面都係建議簡單舒適輕盈為主。想同紅葉一齊影d靚相的話，建議唔好着太多圖案或者花紋o既衫，因為紅葉本身影出黎就一大堆咁樣，如果再著到成身豹紋、波點，甚至係迷彩、花色，望落去張相度成個感覺就會心比較亂。而顏色方面，避免同背景大自然融為一體，記住最好唔好着紅、黃、綠色啊！講究d想更加有秋意冬日感覺o既話，仲可以o係配飾方面花心思，考慮戴冷帽、頸巾、或者耳罩。當然，衣着都要視乎番當日氣溫，唔好凍親或者焗親。
睇紅葉要帶d乜？
其實去睇紅葉都冇話特別要帶d乜野工具，因為基本上用肉眼就可以睇到。如果係情侶拍拖或者一家人想去影靚相的話，可以考慮帶自拍棍(自拍神器)或者腳架。想扮下文青，o係片片紅葉樹下影充滿意境o既文青相的話，可以帶一本書。如果諗住順便去野餐o既，仲可以帶定靚靚枱布同小量食物添。
小知識
香港o既紅葉其實並唔係楓樹(屬槭樹科)o既楓葉，而係黎自楓香樹。由於兩者o既樹葉外形好似，而且都係會o係秋天變成紅色，所以香港紅葉經常被誤以為係黎自楓樹。楓葉一般係掌狀五裂，而楓香樹樹葉呢，就多數係三裂掌狀，香港紅葉主要係楓香樹品種。其他香港紅葉樹種仲有欖仁樹、野漆樹、槭樹、山烏桕、落羽松同水杉等等。各種樹葉外形不一，各顯美態。
(記住玩完之後黎TopFun留番個玩評同大家分享下啊!)
為慶祝香港摩天輪開幕一周年，市民12月5日至12月6日購買摩天輪門票時，出示有效之香港身分證，便可享有門票半價優惠。此優惠適用於購買成人(100元)、學生(70元)、65歲或以上長者、殘疾人士及3-12歲兒童門票，亦適用於購買包廂以及貴賓車廂門票。憑票尾及香港身份證，更可以半價享用摩天輪美食車的德國熱狗和比利時窩夫等小食。
門票種類及價錢（原價）：
成人：$100
小童（3-12歲）：$70
學生：$70
長者：$50
傷殘人士：$50
包廂門票(2 – 3 人)：$500
包廂門票 (4 – 8 人)：$800
貴賓車廂門票 (2 ‒ 3人)*：$1,500
貴賓車廂門票 (4 ‒ 5人)* ：$2,500
* 包括特快專屬通道
注意：半價優惠只限到場購票，以及只限當日使用，所以不設網上預訂。
難得半價優惠，可以帶埋屋企人或者另一半溫馨浪漫一番！<3
香港摩天輪半價優惠：
日期：12月5日及12月6日
時間：10am-11pm (周年優惠特別開放至凌晨1時)
地點：中環民光街33號 (公眾碼頭9號對出)
網頁：http://www.hkow.hk