夏天想去玩又怕熱怕曬，同時，對於上班一族來講，日間上班，晚間先得閑，假期又難約！
「One Piece海賊王夏日激航狂歡世界」將由7月18日起推出Night Pass門票優惠，一至日都有，限現場購買。
Night Pass限每日晚上6時起於現場發售，收費會平少少，周一至五$250，周六日則為$350！
用途與全日通一樣可以無限次玩4大主題充氣障礙賽再瀡兩條水上滑梯。
《海賊王 夏日激航狂歡世界》嘉年華聽日開幕喇！
烈陽號、7米高巨型路飛等裝置已經於中環海濱準備好，話哂都係首個海賊王嘉年華，One Piece迷不能錯過～！
亮點1: 日本以外最大型「烈陽號」，隻船好似話真係可以上架！
亮點2: 瘋狂影相位 7米巨型路飛！
《海賊王 夏日激航狂歡世界》並唔係水上樂園，主要係玩動作遊戲Action Game，例如係一d吹氣障礙、巨型滑梯等等。
不過當中唔少遊戲都加入左濕身原素，等大家順便消消暑。
亮點3: 4合1 障礙賽，又要避開路飛拳頭陣、又要玩索柏彈彈球、跳完轉盤、再要由4.5米高台瀡滑梯！考你體力！
亮點4: 奈美沖天奪寶滑翔梯，之前d片見到會將個人彈到半空！
亮點5: 魯賓滑水天梯， 可以同時四個人一齊瀡既滑梯。
亮點6:「前進號」，以充氣道具形式，製作大型船型障礙區，等你可以o係船身上爬上爬落，訓練水手基本功。
話明嘉年華，唔少得o既梗係攤位遊戲啦～！
海賊王嘉年華裏面o既攤位遊戲亦都特別加入左海賊王人物o既元素，例如係奈美導航飛鏢、路飛草帽遊戲、索柏藍波球等等。
除左玩之外，嘉年華內亦設有餐飲區同商品區。
亮點7: 山治主理美食區！據說每一款美食都有海賊王特別設計。
商品區售賣AAPE BY A BATHING APE®聯乘海賊迷彩限定品：tee、短褲、防水手機套、大型水槍，以及特別為今次活動精心設計o既「One Piece Summer Carnival」限定精品服飾、市面最精美o既《One Piece》紀念品等等。
亮點8: 有超過80樣專門為今次活動而設計o既獨家周邊商品！
暫時睇落都算吸引，不過好唔好玩都係要玩過至知！ 😛
One Piece Summer Carnival 2016
海賊王．夏日激航狂歡世界
活動日期：2016年7月8日至8月7日
地點: 中環海濱活動空間
開放時間：
14:00至22:00（星期一至五）
11:00至22:00（星期六日）
門票種類：
入場券：$50/1位（由成人陪同的12歲或以下小童免費入場）
全日通：$400（星期一至五）
$500（星期六及日）
**全日通可在購票同日內無限次暢玩指定7個遊戲，不設特別通道、需正常排隊參加。（代幣形式收費之攤位遊戲及兒童玩樂zone除外）
##2016年7月10日（星期日）將舉行「One Piece Run Hong Kong 2016」，參加者可在當天免費入場（包$50入場費、非全日通）。
###全日通現於全港7-11發售，活動及購票詳情可瀏覽http://www.onepiececarnival.com
港鐵出現神秘新車站？近日社交網站Facebook出現多張疑似港鐵車站月台相片，稱係傳說中港鐵秘密興建但唔對外開放o既車站，名為百勝角站。相片顯示車站月台與一般港鐵月台一樣，月台幕門上方附有港鐵路線圖，顯示百勝角站位於將軍澳與康城站之間，車站附近更有港鐵列車，令事件增添神秘。
原來，百勝角站係消防學院o既模擬車站設施，供學員作訓練用途。
想參觀一下？機會黎喇！為讓大家更了解消防處o既工作同人員o既培訓，位於將軍澳百勝角路11號o既消防及救護學院於5月8日（星期日）再次舉行開放日！開放日節目內容包括消防及救護車輛巡遊同多項滅火及救援示範。此外，亦有訓練設施展覽、消防處裝備同特別車輛展示、防火安全教育展覽、攤位遊戲及投考資訊專區等。
開放日分兩段時間進行，須憑票於指定時間入場，有興趣可於4月23日上午十時至中午十二時到上環消防局、黃大仙消防局同沙田消防局免費索取，每人限取兩張，先到先得！
消防及救護學院開放日
日期: 2016年5月8日(日)
時間: 上午時段 9am-12noon
下午時段 2pm-5pm
地點: 將軍澳百勝角路11號
門票派發
日期: 2016年4月23日(六)
時間: 10am開始 (先到先得，每人限取門券2張)
地點:
上環消防局 (地址：香港上環西消防街2號)
黃大仙消防局 (地址：九龍黃大仙鳳德道28號)
沙田消防局 (地址：新界沙田源禾路26至28號)
太空館科學館大家就可能去得多喇？但係天文台你又去過未？？！
「我去過！我真係去過！」要講呢句就唔可以錯過黎緊今個週末o既天文台開放日喇～ 😛
天文台將於2016年3月19及20日舉行開放日。今年o既主題係「更熱、更乾、更多雨˙面對將來」，歡迎公眾人士參觀，實地了解天文台工作，同專業氣象人員交談，睇睇佢地係點樣利用科技為市民服務。o係天文台總部展覽場內，大家可以透過各類展品及儀器認識天氣、氣候、航空氣象、地球物理、輻射監測等服務，亦可以參觀天文台歷史建築 – 1883 大樓。
特色活動：
有機會與台長合照 ﹙2016 年 3 月 20 日，上午 10 時正至下午 1 時正﹚
台長簽名會 ﹙2016 年 3 月 19 及 20 日，下午 4 時正開始﹚
現場「天氣報告」
度天隊長拍照
攤位遊戲
開放日不設入場券，屆時視乎情況需要，可能有人流控制措施。
注意：由於預期前來參觀o既人數眾多，天文台將實施人流單向移動措施。參觀人士必須由彌敦道進入，並於天文台道離開。根據以往經驗，星期六及日下午人流眾多，市民請盡量於上午來參觀。
日期：2016 年 3 月 19 日 (星期六)
入場時間： 上午 11 時 30 分 至 下午 4 時 30 分
日期： 2016 年 3 月 20日 (星期日)
入場時間：上午 10 時正 至 下午 4 時 30 分
展覽結束時間： 下午 5 時 15 分
注意： 若在開放日期間，天文台發出紅色或黑色暴雨警告，是次活動將會暫停。若天文台發出黃色暴雨警告，開放日如常舉行。台長簽名會則視乎當時天氣情況而定。
地點： 九龍彌敦道134A號香港天文台總部
入口在彌敦道近尖沙咀街坊褔利會，出口在天文台道﹝見附圖﹞
今年2大嘉年華同大家橫跨聖誕除夕新年情人節，爭得如火如荼，相繼推出各種優惠！
由即日起，東華嘉年華除左免費入場，仲推出全日無限任玩套票！大人只需要$220，成個機動遊戲區域任你玩～
不過，無限任玩只係無限任玩場內所有機動遊戲架咋，其他攤位遊戲、美食攤位、雜技馬戲團呢就要到現場增值亭再俾錢增值喇！
如果之前已經買左180蚊門票，亦可以o係嘉年華即場升級至任玩Package！
購票方法:
1. www.twcarnival.hk
2. 現場購票
＊此優惠不可與其他優惠同時使用
另外，AIA嘉年華都推出2月港人免費入場優惠，坐完摩天輪睇完夜景，入去行下感受下嘉年華氣氛都唔錯！
想知 AIA嘉年華 同 東華嘉年華 有咩玩？
即睇AIA嘉年華2015/2016有咩玩！：http://goo.gl/lxkBvl
即睇東華嘉年華2015有咩玩！：http://goo.gl/XFvTxy
仲有比較添：
AIA歐陸嘉年華V.S東華慈善嘉年華6大比拼！去邊個好？：http://goo.gl/l2wfUT
AIA歐陸嘉年華又黎喇！由17/12/2015開始，至21/2/2016，於中環海濱舉行。AIA嘉年華橫跨聖誕、除夕、情人節、農曆新年等主要節日，等你有哂假期又有哂借口大玩特玩，同時享盡節日氣氛！
嘉年華包括各種聖誕燈飾、機動遊戲、表演同攤位遊戲。
刺激機動遊戲：
唔少得o既經典Mach5(想當年G-Force相信係唔少人o既集體回憶), No Limit, Atmos Fear……
今年新o既巨型海盜船Das Dun Schiff, 濕身飛船 Log Flume, Cyclone Coaster過山車……
冇咁刺激o既機動遊戲：
飛天韆鞦Starflyer：
飛天韆鞦Wave Swinger：
適合小朋友玩o既London Bus：
聖誕列車 SANTA’S TRAIN
小飛象Dumbo：
仲有踫踫車、小型海盜船等等等等……
全部機動遊戲當然唔止咁少啦！場內29款刺激機動遊戲同親子機動遊戲不能盡錄～
唔係咁岩玩機動遊戲o既，AIA嘉年華亦有全港唯一戶外
嘉年華唔少得o既各式各樣燈飾同攤位～
AIA友邦歐陸嘉年華2015/2016
日期：17/12/2015 – 21/2/2016
時間：11am – 11pm (大除夕將開放至凌晨1am)
地點：中環新海濱
票價：成人$125(包10個遊戲代幣)；小童及長者$90（包7個遊戲代幣）
網址：www.tgec.asia
Facebook：www.facebook.com/TGECAsia
交通：
天星小輪：中環
港鐵：中環站國際金融中心商場出口
巴士：中環（交易廣場）巴士總站
的士站：中環碼頭、國際金融中心商場、交易廣場公共交通交滙處、香港站
泊車：國際金融中心商場、大會堂
更多嘉年華相關玩點資訊：
AIA歐陸嘉年華V.S東華慈善嘉年華6大比拼！去邊個好？：http://goo.gl/l2wfUT
即睇東華慈善嘉年華2015有咩玩！：http://goo.gl/XFvTxy
香港真係越黎越多大型活動！
機動遊戲發燒友有福了，今年聖誕新年檔期，除左又有AIA嘉年華之外，仲有東華慈善嘉年華！
東華慈善嘉年華將於2015年12月21號至2016年3月28號假前啟德機場跑道舉行。
最近已經開始介紹各種機動遊戲同率先開放預售慈善票！
即刻睇睇有咩玩！
除左機動遊戲，仲有主題活動同美食街！不過相關資料就仲未公佈。
門票方面呢？
門票注意事項
東華三院慈善票優惠期有限，售完即止。
3歲以下幼童、65歲或以上長者及持有由香港特區政府 – 勞工及福利局簽發的「殘疾人士登記證」人士可免費入場。參加機動遊戲及攤位遊戲需另行付費。
11歲或者以下小童必須由另一個15歲或以上人士陪同入場。
如樂園內人數達滿額時將會採用一出一入式入場法, 網上訂票者可享優先安排進入
樂園內設增值服務，遊客可增值Mintcard以享用更多遊戲設施。
及早買慈善票平正價$35，有興趣o既玩家可以早d考慮下約埋朋友仔一齊去噃～！
日期: 2015年12月21日至2016年3月28日
地點: 前啟德機場跑道（鄰近啟德郵輪碼頭）
時間:
2015年12月21日至2016年1月3日：11am-11pm;
2016年1月4日開始：3pm-11pm(平日), 11am-11pm(星期五、六、日及公眾假期)
最後入場時間為活動結束前45分鐘。特別日期或延長開放時間，詳情容後公布。
網頁: http://www.twcarnival.hk/
Facebook: https://www.facebook.com/twcarnival
明愛賣物會將於11月1日開始，一連三個星期日在港、九、新界六個地區舉行。除了合家歡的攤位遊戲，更有多款禮品可供選購; 小朋友玩得高興，家長又可盡情購物。共同參與善舉之餘，又可滿載而歸！
日期及地點:
2015年11月1日
(港島區) 10am-6pm 銅鑼灣維多利亞公園
(屯門區) 10am-5pm 鄉事會路屯門文娛廣場
11月8日
(九龍區) 10am-6pm 界限街花墟公園
(長洲區) 10am-5pm 長洲聖心學校
11月15日
(荃灣區)10am-6pm 沙咀道沙咀道遊樂場
(沙田區)10am-6pm 源禾路源禾遊樂場
港島、九龍、沙田及荃灣區賣物會每張入場劵為HK$5（1.2米以下之兒童免費入場）; 屯門、長洲區賣物會則免費入場
*** 賣物會於結束前15分鐘截止進場 ***
查詢: 2843 4638
網址：http://www.caritas.org.hk/chn/webpage/news/upcoming_events.asp?news_type=32
Facebook：https://www.facebook.com/caritasbazaars
「友邦歐陸嘉年華2014」吸引近80萬市民入場，大會官方Facebook在閉幕後同時宣佈2015年12月在同一地點，再次舉行「友邦歐陸嘉年華2015」。估計今年活動跟去年一樣，橫跨平安夜、除夕、農曆新年及情人節四個節日。
大會表示今年嘉年華遊樂設施將更好玩更完善，一些去年受歡迎的機動遊戲如「No Limit」、「八爪魚」或會再次登場。
不經不覺原來咁快又一年，大家舊年有冇去玩？又期唔期待今年再黎呢？