• 2017農曆新年好去處!

    2017農曆新年好去處!

    農曆新年放幾日假,除左拜年之外,都要預番d時間去玩o既! 😀
    唔知去邊好?即刻睇睇有咩賀年活動、新春好去處!

    1.  年宵市場

      毫無疑問,行年宵必定係農曆新年其中一個最熱門o既好去處!行下大運、逼下感受下氣氛、買下年花年貨、食下小食……
      老少咸宜,大人小朋友都咁歡樂!
      唔講未必知,原來全港有多達15個年宵市場架~ 梗有一個o係你附近。28/1凌晨最後衝刺,分分鐘仲掃到唔少平貨!

      2017全港年宵市場一覽

    2. 農曆新年花車巡遊

    今年花車巡遊同樣會o係尖沙遊舉行,冇買飛但又想睇就要早d去霸個靚位喇~!

    2017農曆新年好去處!2 2017農曆新年好去處!1

    日期︰2017年1月28日(年初一)
    時間:晚上8:00至9:45(無綫電視翡翠台現場直播)
    – 持觀眾席入場券觀眾可於晚上7:00就坐。
    – 巡遊路線一帶將於下午6:00起舉行熱身派對。巡遊路線:九龍尖沙咀
    – 巡遊隊伍由香港文化中心廣場出發(只限持入場券觀眾進場)。
    – 沿廣東道、海防道、彌敦道及梳士巴利道前行,以香港喜來登酒店外為終點。
    觀賞地點:觀眾席門票已售罄,但您可在巡遊路線兩旁免費欣賞。

    3. 農曆新年煙花匯演

    農曆新年煙花匯演呢就會o係年初二晚舉行。八幕表演歷時23分鐘,23,888枚煙花將會o係維多利亞港上空綻放。
    其中第一幕《金雞報喜廿載情》,將會有紅色「20」圖案閃耀夜空,祝賀香港特別行政區成立20周年。第二幕《歡樂年年》以金元寶同「8」字造型煙花慶新春,祝願雞年豐收;第七幕《感恩之心》呈獻紅色心形煙花,鼓勵大家欣賞同珍惜身邊一切。最後一幕《每一個明天》密集發放30秒煙花,祝願香港安定繁榮。

    尖沙咀、半山、中區、灣仔、銅鑼灣、紅磡繞道、西九海濱長廊等地方都係觀賞熱點!

    2017農曆新年好去處!3

    日期:2017年1月29日
    時間﹕:晚上8:00
    地點﹕:維多利亞港(觀賞地點包括尖沙咀沿海、中西區海濱長廊及灣仔金紫荊廣場)
    類別﹕:特別慶祝活動
    票價﹕:免費觀賞

    4. 丁酉賀歲盃

    鐘意睇波o既朋友,大年初一同初四,香港超級聯賽足球隊傑志、韓國本屆經典K聯賽冠軍FC首爾、泰國超級聯賽冠軍蒙通聯,以及大洋洲冠軍球隊奧克蘭將展開激烈對決,同球迷一齊慶雞年!

    2017農曆新年好去處!4

    日期﹕: 2017年1月28及31日
    時間﹕: 下午3:00 及 5:30
    地點﹕: 香港大球場
    票價﹕: 港幣$180, $280, $380 (設有長者及學生特惠票)
    門票購買地點: 門票可於購票通網站www.cityline.com、熱線電話+852 2111 5333或通利琴行購買

    5. 林村許願樹 – 香港許願節

    新一年可以o係許願樹前拋寶牒許番個願,或者燃點蓮花燈祈福!同場仲有花車展覽(2017年1月29日至2017年2月12日)同美食嘉年華添~

    2017農曆新年好去處!5

    日期: 2017年1月28日至2月12日(大年初一至十六)
    時間: 上午9時至下午7時
    地點: 林村許願廣場

    6. Party Room打牌開年

    唔想出街同人逼,仲可以同朋友book間Party Room開P開年!部份Party Room全年無休,而且大部份娛樂設施齊備,有d仲有應節o既骰寶、麻雀、魚蝦蟹等等,人少少就可以包房包場,都係唔錯o既選擇~

    2017農曆新年好去處!7 2017農曆新年好去處!6

    搵Party Room: http://goo.gl/oc19CE

     

    祝大家雞年一帆風順!一團和氣!橫財就手!玩得開開心心! 😀

    檢視更多
  • 香港許願節2016,睇花車拋寶牒放蓮花燈!

    香港許願節2016,睇花車拋寶牒放蓮花燈!

    新年放假有咩好去處?可以考慮下去林村許願節許番個新年願望噃!

     

    香港許願節係一項具本土特色o既中國傳統節慶活動,每年都吸引數以十萬計本港巿民同世界各地旅客蒞臨大埔林村,感受農曆新年熱鬧氣氛。大家可以o係許願樹前拋寶牒許願,或者燃點蓮花燈祈福,盡情體驗呢個具本土特色o既新春活動。

    香港許願節2016,睇花車拋寶牒放蓮花燈!5

    節目包括:

    1) 國際花車匯演 (9/2/2016-22/2/2016 )

    参與大年初一晚新春花車巡遊之花車,將雲集林村許願廣場作公開展覽,巿民同旅客都可以近距離欣賞呢d佈置得美侖美奐o既花車!

    PCI Jason Chung

    2) 美食嘉年華

    香港民間各款特色小吃、大埔漁村秘製o既海產小吃,以及多款傳統o既客家食品,都可以o係美食嘉年華品嚐到!

     

    3) 萬家點燈賀添丁

    原居民o係新春期間都有點燈寓意添丁o既習俗,大會安排家中有新成員出生o既香港巿民同旅客參加點燈儀式,體驗新界傳統點燈活動。

     

    4) 林村傳統拋寶碟

    按傳統習俗,市民把願望寫o係寶碟上面,然後將寶碟系上桔子,誠心許願後再將寶碟拋上許願樹樹幹。傳說若寶碟冇從樹上掉下來,即代表其願望可成真!

    香港許願節2016,睇花車拋寶牒放蓮花燈!2

    5) 祈福蓮花燈

    流放許願燈係另一項傳統祈福活動。大家將許願燈放o係許願池裡隨水運轉,祈求來年事事如意。

     

    6) 誠心鎖願(許願鎖)

    歐洲日韓多個國家都有情人鎖景點,愛侶將寫有兩人名字o既掛鎖扣於鐵桿、橋欄或橋頭,象徵愛侶承諾。林村許願廣場都有誠心鎖願,特製特色木鎖,俾有情人將盟誓寫上,見証摯誠o既親情、愛情同友情。

     

    7) 群星許願慶元宵

    香港許願節壓軸節目【群星許願元宵】,大會於當晚(2 月 21 日)特設傳統圍村盤菜同邀請多位歌手唱歌助興,俾大家欣賞精彩表演同品嘗傳統鄉村美食。

    PCI Jason Chung

     

    香港許願節2016
    日期:2015年2月8日至22日(年初一至十五)
    時間:上午9時至下午7時
    地點:新界大埔林村許願廣場
    費用:免費入場
    網址:www.lamtsuen.com
    查詢:2638 8026
    可容納的參與人數:30,000
    交通:
    – 於港鐵大埔墟站A3出口乘搭64K或64P號巴士,在放馬莆站下車。
    – 於港鐵太和站A出口乘25K號綠色小巴,在林村許願樹下車。
    – 於港鐵太和站A出口乘計程車前往。

    檢視更多