夏天想去玩又怕熱怕曬，同時，對於上班一族來講，日間上班，晚間先得閑，假期又難約！
「One Piece海賊王夏日激航狂歡世界」將由7月18日起推出Night Pass門票優惠，一至日都有，限現場購買。
Night Pass限每日晚上6時起於現場發售，收費會平少少，周一至五$250，周六日則為$350！
用途與全日通一樣可以無限次玩4大主題充氣障礙賽再瀡兩條水上滑梯。
![[多圖]「藍精靈．十分勁！」村莊！35隻1米高藍精靈！](https://topfunhk.wpenginepowered.com/wp-content/uploads/2016/07/「藍精靈．十分勁！」村莊！35隻1米高藍精靈！.jpg)
藍精靈．十分勁！好靚好得意好可愛啊！
藍精靈以魔法藥水，將海運大廈露天廣場變身成為巨型藍精靈村莊！
35隻1米高藍精靈於村莊內生活，大家可以同不同藍精靈朋友如美芝、嚕囌王、論盡仔、畫家等合照～～～
除此之外，仲有藍精靈故事館；絕密原稿全球首次曝光！
故事館會重現藍精靈既誕生地 ─ Peyo既工作室。今次展覽展出全球首次亮相36幅Peyo的珍貴原稿，從比利時由專人護送空運到港！ 仲有限量精品推介，包括: 功夫小子藍精靈Figure同紅白藍裙裝美芝Figure；限量十二星座藍精靈Figure套裝、iphone case、明信片等。
藍精靈迷不能錯過～！
「藍精靈．十分勁！」村莊
日期: 7月14日至8月21日
時間: 上午10時至晚上10時
地點: 海運大廈露天廣場
藍精靈故事館
日期:即日至8月21日
時間: 上午11時至晚上10時
地點: 「海港城‧美術館」（海港城海洋中心二階207號舖 – Jean Paul Hévin對面）
Facebook：https://www.facebook.com/HarbourCity/
陽光下草地野餐大家可能試得多，月光下與中環維港夜景相伴嘅野餐會你又試過未？由CVM主辦，以夜光為主題既TGIF Night Picnic將於2016年7月15日夜晚嚮中環海濱活動空間嘅「中環夏誌」舉行！
星期五晚約理朋友、伴侶、同事、同學，真正踏入「核心內圍」，一路野餐一路聽音樂，輕輕鬆鬆迎接周末來臨~~~同場仲可以玩埋光影畫(light painting)同整星空瓶(galaxy bottle)添！
無須報名，免費即場參加！TGIF！親親大自然聽下音樂鬆一鬆都係唔錯嘅選擇～
參加嘅朋友仔當日可以：
~穿著黑色/深色衫，或有夜光、螢光圖案嘅衫
~自攜美食同野餐墊
~帶同任何發光、螢光、夜光、閃亮嘅飾物、裝飾、裝置，令你嚮黑夜之中格外出眾
~帶一個用完洗乾淨嘅玻璃樽嚟整星空瓶
~如想跟攝影師學影light painting可自備單鏡反光相機，或在場由攝影師替參加者拍攝
注意事項：
*場內不得生火，不可點燃蠟燭
*為響應環保，不建議用螢光棒
【音樂演出】五隊活躍於街頭表演嘅音樂組合，包括 Men In Crime、Cuckoopella、Carsic、CUBE同埋Exotic，將會由街頭走到中環夏誌，用音樂陪大家度過特別嘅周五夜晚！
【免費地蓆】無野餐墊？唔想拎？唔緊要，聽日嚟TGIF Night Picnic即場送張免費地蓆俾你！大熱天時去沙灘都好啱架！
註：數量有限，送完即止
TGIF Night Picnic at 中環夏誌
日期: 15/7/2016 (五)
時間: 18:30-21:30
地點: 中環海濱活動空間
費用: 免費即場參加，無須報名
Facebook: https://www.facebook.com/events/494340737438484/
《海賊王 夏日激航狂歡世界》嘉年華聽日開幕喇！
烈陽號、7米高巨型路飛等裝置已經於中環海濱準備好，話哂都係首個海賊王嘉年華，One Piece迷不能錯過～！
亮點1: 日本以外最大型「烈陽號」，隻船好似話真係可以上架！
亮點2: 瘋狂影相位 7米巨型路飛！
《海賊王 夏日激航狂歡世界》並唔係水上樂園，主要係玩動作遊戲Action Game，例如係一d吹氣障礙、巨型滑梯等等。
不過當中唔少遊戲都加入左濕身原素，等大家順便消消暑。
亮點3: 4合1 障礙賽，又要避開路飛拳頭陣、又要玩索柏彈彈球、跳完轉盤、再要由4.5米高台瀡滑梯！考你體力！
亮點4: 奈美沖天奪寶滑翔梯，之前d片見到會將個人彈到半空！
亮點5: 魯賓滑水天梯， 可以同時四個人一齊瀡既滑梯。
亮點6:「前進號」，以充氣道具形式，製作大型船型障礙區，等你可以o係船身上爬上爬落，訓練水手基本功。
話明嘉年華，唔少得o既梗係攤位遊戲啦～！
海賊王嘉年華裏面o既攤位遊戲亦都特別加入左海賊王人物o既元素，例如係奈美導航飛鏢、路飛草帽遊戲、索柏藍波球等等。
除左玩之外，嘉年華內亦設有餐飲區同商品區。
亮點7: 山治主理美食區！據說每一款美食都有海賊王特別設計。
商品區售賣AAPE BY A BATHING APE®聯乘海賊迷彩限定品：tee、短褲、防水手機套、大型水槍，以及特別為今次活動精心設計o既「One Piece Summer Carnival」限定精品服飾、市面最精美o既《One Piece》紀念品等等。
亮點8: 有超過80樣專門為今次活動而設計o既獨家周邊商品！
暫時睇落都算吸引，不過好唔好玩都係要玩過至知！ 😛
One Piece Summer Carnival 2016
海賊王．夏日激航狂歡世界
活動日期：2016年7月8日至8月7日
地點: 中環海濱活動空間
開放時間：
14:00至22:00（星期一至五）
11:00至22:00（星期六日）
門票種類：
入場券：$50/1位（由成人陪同的12歲或以下小童免費入場）
全日通：$400（星期一至五）
$500（星期六及日）
**全日通可在購票同日內無限次暢玩指定7個遊戲，不設特別通道、需正常排隊參加。（代幣形式收費之攤位遊戲及兒童玩樂zone除外）
##2016年7月10日（星期日）將舉行「One Piece Run Hong Kong 2016」，參加者可在當天免費入場（包$50入場費、非全日通）。
###全日通現於全港7-11發售，活動及購票詳情可瀏覽http://www.onepiececarnival.com
由即日起至7月17日，麥當勞於太古城中心舉行「麥當勞玩具樂園」展覽！
現場設有多個立體裝置，包括經典麥當勞叔叔長椅、小飛飛、滑嘟嘟、漢堡神偷公仔，仲有昔日麥當勞分店o既佈置，包括蘋果樹同火車頭車卡等等，絕對係不容錯過o既影相位！
除此之外，展覽亦都展出多款不同年代兼有代表性o既麥當勞玩具，總數超過一千件，當中唔少得多年前轟動一時o既史諾比世界之旅、101斑點狗系列、Hello Kitty婚禮服飾毛公仔等。睇到都覺得d回憶番哂黎～！那些年為左換公仔狂食M記，你又有冇共嗚？
同時亦有比較近年o既小丸子系列、Nano Block、Minion等等，唔同年紀都岩睇～
睇展覽之外，大家亦可於展覽開放時間內玩「好賞．回到從前」小遊戲，登入網頁並儲齊5款樂園人物QR Code，即有機會換領獎品。
TopFun小編於開幕當日前往太古城中心，見到色彩繽紛o既麥當勞裝置擺設就已經好興奮好開心喇！
不過即使當日係平日，晏晝5點幾果陣都好多人，要影到理想中冇乜人o既靚相都甚有難度。如果怕多人的話，睇怕都要遲d先同揀早上少人時間。
題外話：當日聽到有人話，見到有小朋友俾麥當勞叔叔嚇到喊～哈哈 😛
麥當勞玩具樂園展覽
日期：30/6-17/7/2016
時間：11:00am-9:00pm
地點：太古城中心
費用：免費
為慶祝三十周年，櫻桃小丸子會以意大利風情登陸尖沙咀The ONE，同家人同學嚟個「The ONE x 櫻桃小丸子 Mamma Mia得意之旅」！而呢個意大利假期嘅選址就係米蘭喇！今次The ONE嘅小丸子展覽率先喺露天廣場搭建一個意大利式嘅小丸子Milano花圃，為大家帶嚟驚喜！花圃將會有一個由唔同鮮艷嘅花種砌成嘅小丸子頭像之外，亦有小噴水池同花卉做點綴。由7月3日開始喺露天廣場就有得率先參觀㗎喇！
繼上一次皇室堡小丸子嘅名車巡遊大獲好評後，7月2日尖沙咀The ONE會再有小丸子名車巡遊，預告7月9日正式開幕嘅「The ONE x 櫻桃小丸子 Mamma Mia得意之旅」！喺名車巡遊之後，如果冇受天雨影響，The ONE仲會特別安排100個名額，畀小丸子嘅粉絲們坐上名車同小丸子、花輪同學仲有野囗同學合照，機會難逢！
小丸子名車巡遊
日期：7月2日 (星期六)
名車巡遊時間：下午1時30分
嘉賓：小丸子、花輪同學及野口同學
小丸子名車合照時間：下午3時
(名額100個，請於當日下午2時30分開始在尖沙咀The ONE露天廣場排隊，先到先得。若當天下午1時30分仍下雨的話便自動取消)
地點：尖沙咀The ONE露天廣場 (加拿分道入口)
備註：
名車巡遊路線 – 名車將由The ONE加拿分道對出出發，往金巴利道，轉入彌敦道後經金馬倫道返回加拿分道The ONE出發點讓嘉賓下車。
雖然商場裏面嘅「The ONE x 櫻桃小丸子 Mamma Mia得意之旅」要7月9日先有得睇，但係聽日7月2日去的話，就可以睇到小丸子名車巡遊～
而且仲可以玩商場內嘅巨型吹氣「極速障礙賽」，開埋最後聽日咋～！
要穿過原野森林，古惑滾筒，時空隧道， 最後空降先可以完成障礙賽，考驗體力同智力！遊戲大人小朋友都啱玩，仲可以大家較量一番！睇落都算吸引！
The ONE 巨型吹氣「極速障礙賽」
日期：6月30日至7月2日(星期四至六)
時間：下午4時至晚上8時(星期四及五)
下午3時至晚上8時(星期六)
地點：The ONE UG2中庭
顧客只需「讚好」The ONE facebook、「追蹤」The ONE instagram或「關注」The ONE WeChat，即可免費任玩「極速障礙賽」乙次及獲得精美禮品乙份!
![[有片] 高科技+歷史故事主題 密室逃脫！](https://topfunhk.wpenginepowered.com/wp-content/uploads/2016/06/高科技歷史故事主題-密室逃脫！.jpg)
密室逃脫遊戲*由幾年前全盛時期全港四五十間，到今時今日只係剩番10幾間……
(*真人密室逃脫遊戲於特定空間中通過裝修設計，營造逼真場景，然後賦予玩家不同任務同故事劇情，俾玩家於指定時間內，通過尋找線索、團隊合作、層層解謎，最終完成任務走出密室。)
TopFun今日黎到銅鑼灣o既呢間密室，一探佢能夠保持迄立不倒o既奧秘！
步上樓梯，望入門口，見到一間裝修好似書店Cafe咁o既鋪頭，原來呢間就係我地今日要到訪o既密室！個大堂又幾典雅特別喎！仲以為自己去錯左同幢大廈o既韓國書店，哈哈～
可能因為位於銅鑼灣旺區，即使當日係星期一中午，都不斷有客上黎玩，所以最好都係上網或者打電話過去book定先～
聽負責人講，呢間密室原來已經開業左超過3年，而且於全球各地都有分店，例如：澳洲、加拿大、台灣等等。
銅鑼灣全店有7間密室房，最特別o既地方，相信係遊戲主題都係以真實歷史故事改編而成，例如係盜取十二生肖銅首、出埃及記等等。密室並唔係行恐佈路線，大人細路都玩得。負責人更加表示，其實親子玩呢類遊戲，透過一齊解謎，更加可以睇到兩代人唔同o既諗法，增加雙方o既溝通同更互相了解。玩完之後，仲可以識多一個歷史故事添！
其中當日試玩左阿爾卡特拉斯，係講一個美國o既越獄計劃故事。整間密室目測大概200呎，裝修成監獄咁樣，雖然一人獲發一支電筒，但燈光唔算暗。
玩家一開始會分別被困o係3個囚房，要先各自搵線索，諗辦法離開自己間囚房，再一齊解題，逃出監獄。
雖然話各自被困，但係3個囚房裏面o既玩家都需要透過對方給予o既工具同線索，先可以成功出到去，講求大家o既溝通技巧同合作性。
另外房間裏面設有一部對講機，如果遇到咩問題，或者真係解唔到需要提示，都可以透過對講機同前臺店員聯絡，佢地會遙距咁提供指示，咁就無須出出入入阻礙遊戲進度。
由於呢間店o既密室語言有齊中英文，所以都吸引左唔少外國遊客黎玩。店員除左基本要記得哂每間房o既故事背景同機關之外，仲要操流利中英文，要求比較嚴格。
呢間店另外一個特別o既地方，係機關相對比較高科技，就咁搵鎖匙開箱果d關卡比較少，用其他特別儀器o既機關比較多，例如係鐳射槍、紅外線、自動門等等，令成個體驗比較豐富。
整體黎講密室關卡謎題合乎邏輯，難度適中，裝修都算有氣氛，見到其他玩家玩完個樣都幾開心，但係就稱不上好特別好驚喜。未玩過密室逃脫，或者鐘意呢類動腦筋遊戲o既朋友仔，都不妨可以試下～！至於密室逃脫迷，就緊係每一間都唔會錯過啦，哈哈～
＊＊＊P.S. 臨俾錢前向店員展示Like左呢個post，再Like埋佢地FB Page，仲會送番張$10優惠券俾你下次用添。＊＊＊
＞＞更多相片同價目表等相關資料：迷之密失 LosT HK (銅鑼灣店)
＞＞更多密室逃脫店鋪：全港密室逃脫玩點資料
香港杜莎夫人蠟像館趁住暑假，又推出優惠喇！
最近仲有籃球神射手Stephen Curry蠟像正式進駐，細緻度高，連手指上o既紋身都跟足，像真度甚高！見唔到真人，唯有睇住蠟像朝住聖先啦～ 😛
香港杜莎夫人蠟像館與7-Eleven攜手推出港幣71元門票優惠 同時推出港幣1元學生優惠與港人迎接夏日
展出超過100尊栩栩如生的本地及國際名人蠟像的香港杜莎夫人蠟像館，將首次與7-Eleven合作，推出港幣71元門票優惠。蠟像館同時將推出港幣1元學生優惠，讓一眾大小朋友，在父親節或7月1日公眾假期，既可參觀蠟像館，又可盡覽維港美景，於山頂共渡難忘的一天。
香港杜莎夫人蠟像館x 7-Eleven門票優惠
香港杜莎夫人蠟像館有不少香港及國際名人巨星駐紮，由6月22日起至7月11日止，只要於香港任何一間7-Eleven出示香港或澳門永久居民身份證或臨時居民身份證，便可以港幣71元優惠價購買香港杜莎夫人蠟像館換票証一張（每張成人門票原價港幣255元），於7月31日或之前進場尋找名人巨星的蹤影。如有查詢，請致電：(852) 2849 6966。
玩轉夏日學生優惠
由6月18日起至7月3日止，凡於香港杜莎夫人蠟像館正門售票處購買即日入場門票，並出示有效香港或澳門學生證，即可享港幣99元入場優惠，同行的一位摯親好友，更可獲享港幣1元入場優惠（每張成人門票原價港幣255元）。適逢全港首個向武術和香港功夫電影致敬的永久主題展區「功夫專區」成立一周年，訪客大可與楊紫瓊、李小龍、成龍及甄子丹四位傳奇巨星的蠟像「切磋」一番。訪客亦可在「韓流專區」，與金秀賢、崔始源等韓星「同遊」首爾這別具魅力的都市，體驗韓國文化。如有查詢，請致電：(852) 2849 6966。
備註：
香港杜莎夫人蠟像館x 7-Eleven門票優惠
此優惠只適用於7-Eleven香港店舖所購買之換票証。
所購買之換票証必須於2016年7月31日或之前兌換門票入場。
香港或澳門身份證之持有人可享港幣71元購買香港杜莎夫人蠟像館換票証（最多購買兩張換票証）。
此優惠不能出售*、兌換現金或其他產品及與其他優惠同時使用。
香港或澳門身份證之影印本無效。
換票証及門票附帶香港杜莎夫人蠟像館的條款及細則。
香港杜莎夫人蠟像館所訂的優惠細則如有更改，恕不另行通知。
玩轉夏日學生優惠
此優惠只適用於香港杜莎夫人蠟像館正門售票處所購買之即日門票(最多購買兩張門票)。
所購買之門票必須即日入場。
此優惠適用於持有效香港或澳門學生證之人士。
請於香港杜莎夫人蠟像館正門售票處及進場時出示香港或澳門學生證以作認證。
此優惠不能出售*、兌換現金或其他產品及與其他優惠同時使用。
香港或澳門學生證之影印本無效。
門票附帶香港杜莎夫人蠟像館的條款及細則。
香港杜莎夫人蠟像館所訂的優惠細則如有更改，恕不另行通知。
*「出售」是指嘗試經任何渠道出售此優惠。無論成功出售與否，一經發現馬上作廢。
【赤柱歷史文化導賞遊／Cultural Tours in Stanley】
提起赤柱，大家會想起甚麼？陽光海難？小鎮風情？巿集商店？海濱酒吧？
這個夏天，香港大學同行計劃帶大家遊覽赤柱古蹟建築，了解舊赤柱、軍事及漁業社區歷史。導賞團每節2小時，費用全免，由香港大學學生帶領。
從此，遊覽赤柱，又增添一個新選擇。
In a 2-hour walking tour, you will be led by HKU tour guides to explore old Stanley and its military and fishing history. Come join us now!
***************
導賞遊路線 / Itinerary details:
1. 赤柱社區故事線
赤柱本來是漁村，從1960年代起，漁民陸續從水上搬往岸上，漁民的故事反映了昔日的生活和赤柱的變遷。遊覽景點包括：嘉爾默羅隱修院、大潭灣、赤柱航海學校、聖亞納堂、赤柱郵政局、舊赤柱警署、赤柱漁民子弟學校舊址、赤柱漁民娛樂會、水僊古廟、赤柱灣、赤柱大街舊屋、大王古廟、天后古廟、美利樓、舊卜公碼頭、北帝廟、瑪利諾神父會院。此路線適合任何人士，包括青少年及兒童。
Community Stories
Stanley is a fishing village with long history. From 1960s onwards, fishermen in Stanley have moved onshore. These fishermen’s stories tell their lives in the past and changes of Stanley. Historical spots to visit include: Carmelite Monastery, Tai Tam Bay, Hong Kong Sea School, St. Anne’s Catholic Church, Stanley Post Office, Old Stanley Police Station, Old Fishermen’s Children School, Fishermen’s Recreation Club, Shui Sin Temple, Stanley Bay, Stanley Main Street, local shrine, Tin Hau Temple, Murray House, old Pier Blake, Pak Tei Temple and Maryknoll House. This itinerary is suitable for people of all ages, including children and youths.
2. 軍事歷史與古蹟線
赤柱是英軍最早駐紮的基地，淪陷時曾發生慘痛的事件；赤柱有本地的古蹟，也有從外面遷移進來的歷史建築，這條路線帶領大家回顧赤柱的過去、香港的歷史。遊覽景點包括：舊赤柱警署、赤柱郵政局、赤柱公立醫局、聖士提反書院、赤柱軍人墳場、八間屋、水僊古廟、赤柱大街舊屋、大王古廟、天后古廟、美利樓、舊卜公碼頭。此路線適合成人，尤其對歷史及古蹟建築有興趣的人士。
Military History and Historical Monuments
This walking tour will lead you to explore Stanley’s past and Hong Kong’s history. Historical spots to visit include: Old Stanley Police Station, Stanley Post Office, Stanley Public Dispensary, St Stephen’s College, Stanley Military Cemetery, Pat Kan Uk, Shui Sin Temple, Stanley Main Street, local shrine, Tin Hau Temple, Murray House and old Blake Pier. This itinerary is suitable for adults, especially people who are interested in history and monuments.
***************
日期/Date: 16/7, 23/7 & 30/7 (星期六/Saturday)
時間/Time: 10:00 a.m. – 12:00 noon
費用/Fee: 免費 Free of charge!
詳情及網上登記/Details and registration: http://wp.cedars.hku.hk/form/CT_summer2016
名額有限，先到先得，額滿即止。Quotas will be allocated on a first-come-first-served basis.
端午節就到喇！除左食糭之外，當然唔少得睇龍舟比賽！
一年一度o既「香港龍舟嘉年華」今年首次移師中環海濱，帶黎比以往更熱鬧o既派對氣氛！
活動包括：
香港龍舟嘉年華
日期：2016年6月10至12日（星期五至日）
地點：中環海濱
入場：免費
查詢：info@discoverhongkong.com
網址：http://www.discoverhongkong.com/tc/see-do/events-festivals/highlight-events/dragon-boat-carnival.jsp?page=3
啤酒節表演嘉賓及節目時間表：http://www.discoverhongkong.com/common/images/see-do/events-festivals/highlight-events/dragonboat/2016/HKDBC2016_beerfest_programme_entc.pdf
「荔園 Super Summer」今年又返黎喇！
陪伴港人成長o既荔園將於今年7月15至8月7日假亞博舉行。荔園主席邱達根表示今年會與時並進，懷舊遊戲數目減少，反而會新增唔少新遊戲，如從德國引入本港首套電動Go Kart車XRace。
雖然地點去到亞洲國際博覽館咁遠，不過今年主場館就選擇於室內場地舉行，等大家玩得冇咁熱。「荔園Super Summer 2016」將設有室內同室外娛樂設施，室內佔地11,000平方米，戶外佔地8,000平方米，總面積共19,000平方米。
主要娛樂設施包括：
1. 蘇飛放暑假！
荔園與香港著名插畫師林皮攜手合作，以角色「女飛賊蘇飛」陪大家於荔園舊時光中尋找寶物。入場人士一進荔園就會睇到蘇飛o既大型裝置藝術。
2. 荔園x蘇飛的奇幻世界
除左大型裝置藝術之外，蘇飛亦會帶領大家走進她o既奇幻世界，於迷宮中穿梭，尋找佢各位好友同趣事。
3. 荔園 – 妖怪手錶 暑假不可思議之旅
一比一場景打造，妖怪手錶櫻花鎮。透過與地縛喵、威斯帕、哥瑪先生、哥瑪次郎、肚餓爺爺等唔同妖怪手錶角色進行互動遊戲，考驗小朋友o既反應、配對同認知能力。另外，場地亦設有妖怪手錶Pop Up Store。
4. 親子小花園
以人類、大自然融合作特別場景設計，以「夏日大晒」為主題，進行手工製作、科學小玩意以及親子溝通工作坊。
5. ChariTEE
俾大家運用無限想像力同創意，設計出一件獨一無二o既「tee」。再結合創新科技，利用Snaptee掃描器，即時將作品模擬印刷到T-shirt上。每件賣出o既T-shirt扣除成本後，將全數收益捐給慈善機構小母牛香港，幫助飢餓及貧窮家庭。
6. 充氣大暴走
全港首個室內最長o既充氣競技遊戲，長達110米，為入場人士帶黎全新刺激體驗，o係炎炎夏日出一身汗。
7. XRace
全港首個電動高卡車車場，將設於亞洲國際博覽館旁邊，車場佔地約8,000平方米，賽道全長為650米（保護欄長度為1,400米），時速最快為每小時50公里，俾入場人士一嘗當車手o既刺激體驗。呢次從德國引入o既RiMO全新電動高卡車，係市面上最高端、最高性能同最高安全性o既電動高卡車，而賽道均由米高舒密加o既賽道設計師Michael Kolbinger所設計，以確保活動的安全。大會將為所有參加者紀錄圈速，於整個活動中最快o既一位將會獲得首屆國際汽聯電動方程式錦標賽第三賽季分站賽 – 香港電動大獎賽GrandStand 門票兩張。 不過呢個項目並唔包括於入場套票內，需要網上預約購票，費用為每位港幣$280。
荔園 Super Summer 2016
日期： 2016年7月15日–8月7日
地點：大嶼山亞洲博覽館 (室內加戶外)
門票開售日期：2016年6月1日
開放時間：上午11am至8pm (周一至周四) / 上午10am至8pm (周五至周日)
佔地範圍 ：19,000平方米（室內11,000；戶外8,000）
收費：$140（包10個代幣，額外購買代幣每個 HK$10）
網址：http://laiyuen.hk/
Facebook：https://www.facebook.com/LaiYuen1949
今年YHA美荷樓開放日於5月21至22日（星期六、日）舉行，並以「我們的快樂時代」為主題，期望大家來到這座新舊交集的青年旅舍時，能夠彼此分享屬於自己的快樂時代。
開放日爲期兩天，供公衆免費入場，精彩節目多不勝數。
飲食方面：
「四十一冰室」、「四十一士多」正式開張！
一如以往，「四十一冰室」、「四十一士多」在設計方面採用大量「老香港元素」，特別邀得5位本地新進藝術家親自操筆，透過獨特創新的筆觸，描繪昔日的校園生活、懷舊玩具、卡通漫畫、舊區風光，共同帶出「分享快樂」的主題，喚起大家的集體回憶。
食物方面，除了有招牌菜式「西班牙傳統烤焗乳豬」、「英式炸魚薯條」外，亦有以新鮮、健康為題的「特色豆腐漢堡」、「水果沙冰」等菜式，更有配合美荷樓懷舊風格的特色fusion菜「懷舊花生醬夾餅配焦糖香蕉」及「乾果杏仁茶」。冰室亦為訪客提供三款特色早餐，當中包括西式早餐、歐陸素食早餐及中式早餐，而入住旅客亦可選擇隨房預訂早餐。
而冰室對面的「四十一士多」亦貫徹懷舊香港主題，售賣紅雙喜瓷碗、紅雙喜筷子、中式刺繡散子包、傳統臉譜杯墊等特色精品。
活動方面：
–穿膠花工作坊–
工作坊特別請來經驗豐富的導師，指導參加者一邊穿膠花，一邊話當年，齊齊回憶昔日香港小故事。製作完畢，當然可以將作品帶走做紀念啦！
–印出老香港–
著名手作橡皮印章設計師「手作J」將借出有香港本土特色的印章，讓參加者將一個又一個的香港故事帶走留念。
–與「70年代潮流教主」selfie快拍—
此流動攤位將有兩位模特兒以六、七十年代的打扮，並拿著仿懷舊元素的道具，穿梭YHA美荷樓不同角落，吸引大家野生捕獲兩位「70年代潮流教主」，與她們大玩selfie合照!
額外增加導賞團 體驗60年代公屋生活
適逢開放日，除了每天10點半導賞團， 旅舍特設額外3個導賞團，分別於上午11時30分、下午2時30分、3時30分開始，費用全免，可供網上報名或即場參加。導賞以廣東話為主，可按訪客要求提供英語或普通話講解。
只此兩日 旅舍房間對外開放
旅舍不但如常開放戶外空間「前地堂」、美荷樓生活館、花園、冰室雅座及其對出的戶外空間「後地堂」，還特別開放地下多用途活動室及一樓客房，供遊人入內參觀。
免費帶走 令人懷緬的兒時玩意
除以上一系列活動，參觀人士更可免費帶走竹蜻蜓、吹泡泡膠、伸縮拳頭槍等懷舊玩具。
YHA美荷樓開放日2016 – 「我們的快樂時代」
日 期： 5月21至22日（星期六、日）
時 間： 上午9時30分至下午5時
地 點： 九龍深水埗巴域街70號石硤尾邨41座（港鐵深水埗站B2出口）
精彩活動： 特色導賞團、旅舍客房參觀、「四十一冰室」及「四十一士多」正式開張、穿膠花工作坊、「印出老香港」、與「70年代潮流教主」selfie快拍（流動攤位）、免費派發懷舊玩具
網址：https://www.yha.org.hk/zh/news-events/latest-events/yha-mei-ho-house-open-day-2016-our-era-of-happiness/