以海盜為題o既「小小高爾夫球樂園」,俾一家大細體驗o係海盜船四周打Golf o既樂趣,更會睇到船長Jack Sparrow真人原大o既海盗雕像!無論是以隊制形式,或個人形式參與遊戲,都必定使您樂而忘返!每個場地設計各有不同,俾從未接觸高爾夫球o既大小朋友感受與眾不同o既嶄新體驗。 每個洞o既場地設計都不同,對於從沒打過高爾夫球o既大人小孩都是一項新鮮o既體驗。
仲有一個月多D就聖誕節喇!又係時候約定朋友book定場開Party見面!
講到開聖誕Party,有乜野好去處?咁就緊係唔少得近年香港大熱嘅Party Room啦 😆
TopFun為你精選左5間2019聖誕除夕倒數必去Party Room 😉 唔同區、唔同特點、適合唔同人數,任君選擇 😎
你以為去Party Room一定要一大班朋友…?
觀塘同尖沙咀都設有分店嘅Secret Party,最特別嘅地方就係2位起就可以包房 😯
地點超近地鐵站超級方便,雖然人少少就可以包房,但係一般Smart TV、Boardgames、PS4、Switch、麻雀、 Poker Set等設施都有齊哂! 😀
2間分店都有多間唔同特色同大細嘅房間,適合2-40人,有休閒簡單setting,亦有有打卡位setting 嘅Party Room。
聖誕喺尖沙咀玩完再出尖東睇燈飾都諗得過!
WhatsApp:63320645
一碌到呢間Party Room,絕對係俾佢個無敵海景吸引住!180度維港海景!不得了!
呢間Party Room同時設有戶外同戶內空間,戶外可以一邊睇住靚景BBQ,戶內可以唱K玩Boardgames 😉
一個收費包括BBQ食品任食同無酒精飲品任飲,場地設施任用!最少10位可以落Booking,但包場就25位人頭費起。
網站:https://www.facebook.com/MPlace.SheungWan/
WhatsApp:68925808/60860800/65541981
有時去到Cafe或者Party Room,見到D Boardgames都無乜幾多款識玩,成班玩黎玩去都係UNO、Pictionary咁樣……
Nakama呢間Party House特別之處就係佢有專人(Game Leaders)全程教玩超過50款桌上/卡牌遊戲!
相信總有一款啱你心水!有人帶玩Game又特別好氣氛! 😛
當然,如果想玩遊戲機、麻雀果D設施都係有嘅。 😉
網站:https://www.nakamapartyhouse.com/
WhatsApp:9588 7012(荔枝角) / 9631 8917(油麻地) / 6494 9620(旺角)
如果人夠多,想玩下D特色設施,Tent Party就設有大人細路都啱玩嘅Bling Bling波波池!
室內露營加星空幻燈主題,仲有LED玫瑰花海燈,方便打卡。另外,仲可以加錢玩VR雙人椅!
睇落都幾吸引~ 😀
網站:https://www.facebook.com/tentpartyhk/
WhatsApp:52020805
如果想開番個復古懷舊Party,可以考慮下火炭嘅Fill 田充空間。
成間Party Room嘅裝修擺設都相當復古味濃,相當精緻。連打機用嘅椅子,都係黎自舊式上海理髮店,相當有特色。
除左Boardgames、PS4、Switch、麻雀,仲有桌球、氣墊球、鏢機玩! 😀
如果大家都住沙田大埔火炭果邊,近近地都唔錯。 😉
WhatsApp:98539227
過完聖誕過完Boxing Day,又係時候諗諗除夕去邊好!搵野玩,黎TopFun!
無論係諗住一大班人過、拍住拖咁過、同屋企人過定自己一個人過,以下呢十大除夕倒數好去處/除夕倒數活動,梗有一個岩你心水!:D
1. 睇煙花
每年除夕,維港都會大放煙花,今年都唔例外!由旅發局主辦o既2015除夕倒數活動以「愛與歡樂」為主題,有8分鐘煙火音樂匯演,包括:煙花、音樂同燈光等多種元素,期間維港上空仲會出現多個心形同超過160個「笑面」圖案,會展會出現「2016」大型字樣,迎接2016年!
而由晚上11:00起,香港島沿海多幢建築物每隔15分鐘會施放流星煙火,名為許願流星,等大家為新一年許番個願。
最佳觀賞位置包括尖沙咀香港文化中心露天廣場及尖沙咀海濱花園、西九龍海濱長廊、中環新海濱、中環9號及10號碼頭一帶、灣仔金紫荊廣場、維多利亞港。活動當晚,預計尖沙咀一帶將由晚上8:00起實施封路措施,建議各位玩家提早前往觀賞地點。
日期︰2015年12月31日
時間︰許願流星 ── 晚上11:00至11:45
煙火音樂匯演 ── 午夜12:00
地點︰維多利亞港兩岸
入場費︰免費
2. 商場倒數活動
除夕當晚,唔少商場都會舉行倒數活動,邀請歌星表演,同觀眾玩遊戲。想熱鬧d多人d感受下氣氛,但係又想留o係室內,唔想咁逼,參加商場o既除夕倒數活動睇下表演都係唔少人o既心水好去處。
即睇今年有乜商場除夕倒數活動:8大商場除夕倒數活動!
3. Party房
各位派對動物,除夕倒數,一定唔少得一大班人齊齊開番個Party!冇人屋企可以Free出黎?唔駛怕,近年香港港九新界都開左唔少Party房,有好多仲係主題Party房,有特別裝修佈置。有地方同私人空間之餘,仲有好多備有各樣娛樂設施,例如麻雀、Boardgame、PS4等等,等大家邊玩邊倒數,開開心心癲番晚!
即睇香港有乜Party房:各間Party房資料同玩評
4. 唱K
儘快將憂愁眼睛憂愁面孔憂愁內心抛棄吧~~~ 送走2015,除夕當晚約老死一齊唱番個K,將唔開心都唱走哂!再唱番d hyper歌,載歌載舞,一齊high爆迎接2016!所謂唔通宵唔知身體好,倒數完仲可以繼續唱通宵K!
即睇香港邊度有得唱K:各個唱K玩點資料同玩評
5. BBQ
今個冬天不太冷,如果一大班人又唔想逼,又想食住野過除夕,可以考慮下去BBQ!大家圍住個火飲下野食下野,談天說地,update下2015發生o既事,一齊展望計劃新一年,諗下都覺得青春浪漫!
即睇香港邊度有燒烤場同天台BBQ:各個燒烤場資料同玩評;各個天台BBQ玩點資料同玩評
6. 嘉年華
想玩想過番個刺激除夕?嘉年華相信係你不二之選!今年有兩大主打機動遊戲o既嘉年華橫跨除夕檔期,包括係AIA歐陸嘉年華同東華慈善嘉年華。AIA嘉年華除夕當晚延長開放時間至凌晨1點,同你一齊倒數!東華嘉年華就收23:00(最後入場時間22:30),玩完抖一抖就岩岩好倒數喇!兩大嘉年華究竟去邊個好?佢地究竟有咩玩?
即睇:AIA歐陸嘉年華V.S東華慈善嘉年華6大比拼!去邊個好?
7. 露營
2015年最後一日,想離開繁囂城市透透氣,接近下大自然,聞下草味,睇下星星,露營係一個唔錯o既選擇。簡簡單單同另一半、三五知己或者一大班fd輕輕鬆鬆過番晚。
即睇香港邊度可以露營:各個露營熱點資料同玩評;各個露營車玩點資料同玩評
8. 野餐
想室外倒數,有個地方坐下,又唔想過夜又唔想BBQ o既,可以考慮下野餐。雖然好似好少人會夜晚野餐,但係黑夜中,o係泛黃燈光照射下一齊野餐,食下薯片飲下酒,彈下結他玩下game睇下書,別有一番風味。值得留意係一般公園開放時間好少去到凌晨12點,要睇番佢地除夕有有特別延長開放時間。例如西九龍海濱長廊除夕當晚就延長開放時間至凌晨一點。
即睇香港邊度岩去野餐:各個野餐熱點資料同玩評;西九龍海濱長廊
9. 酒吧
想趁大時大節識下新朋友,飲下酒慶祝下,可以選擇去酒吧進行除夕倒數。食下花生,摸下酒杯底,有d仲有beer pong玩,唔駛同人逼之餘,又甚有氣氛。
即睇香港邊度有酒吧:各間酒吧資料同玩評
10. 機鋪
其實毒L一個更開心…… 除夕夜自己一個過都唔駛怕!都總有岩一個人玩o既好去處!去機鋪打番晚機,將所有負面情緒都發泄哂出黎,迎接美好新一年!
即睇香港邊度有機鋪:各間機鋪資料同玩評
快d plan定除夕去邊個好去處啦!<3
過左聖誕過埋Boxing Day,仲有幾日,準備迎接2016,又係時候諗諗除夕做乜好去邊好!
想熱鬧d多人d感受下氣氛,但係又想留o係室內,唔想咁逼,參加商場o既除夕倒數活動睇下表演都係唔少人o既心水好去處。
即刻睇睇今年有乜商場除夕倒數活動! 🙂
1. 東港城「除夕倒數派對2016」
近年韓風熱爆,韓國Oppa風靡萬千少女,除夕當晚,東港城邀請左韓國超人氣男星李玹雨,連同一眾香港歌手馮允謙、吳若希、王友良、組合R-ICE同新一代女神張秀文陪大家一齊倒數,以勁歌迎接新一年!
VIP區入場券換領
換領日期︰2015年12月28至30日起 (換完即止)
換領時間︰01:00pm-10:00pm
換領地點︰東港城一樓顧客服務中心
換領方法︰於場內商舖以電子貨幣*消費滿HK$800 (最多累積2間不同商戶之即日機印發票),即可換領VIP區入場券2張。
*電子貨幣包括信用卡/易辦事/八達通
*活動如有任行更改,恕不另行通知
日期:2015年12月31日 (星期四)
時間:10:00pm
地點:東港城一樓展覽場
嘉賓:李玹雨、馮允謙、吳若希、張秀文、王友良、新晉組合R-ICE
查詢:2628 7399
2. wtc more世貿中心「『香港.Love and Kiss 2016』除夕倒數派對」
今年wtc more請黎一眾人氣歌手同組合,包括韓國男星滑川康男、藝人 Linda Chung 鍾嘉欣、人氣組合 C AllStar 、 少女標本 、 梁雨恩同 王友良, Ivan ,出席中午舉行o既啟動禮為當晚除夕倒數揭開序幕!當晚就有韓國人氣Hip Hop x Breakdance男團「Nuclear 8 Dance Crew」同1,000位本地跳舞達人以舞蹈一齊迎接2016!
日期:2015年12月31日 (星期四)
時間:12:30pm-02:00pm (啟動禮); 08:30pm-12:15am (倒數表演)
地點:wtc more世貿中心地下露天廣場
嘉賓︰滑川康男、鍾嘉欣、C AllStar、少女標本、梁雨恩及王友良
查詢:2576 4121
3. 荷里活廣場「除夕倒數2016大派對」
12月31 除夕夜,晚上8時半起,一眾男神女神到訪荷里活廣場,齊齊倒數迎2016!包括:徐子珊、鄭俊弘、馮允謙、SIS樂印姊妹、姜麗文、少女標本等,將輪流登場、高歌表演,仲同各位大玩遊戲、送巨獎!歡迎前來免費圍觀!
如果,想更近距離同心愛偶像歡度除夕?只要31/12 除夕當日於荷里活廣場任何2間不同商戶以信用卡或EPS易辦事合共消費滿HK$800,就可換領2張入場証(暨遊戲券),一人一証進入「VIP區」近距離欣賞節目之餘更可參加壓軸幸運遊戲,有機會贏禮品。名額有限,先到先得。
日期:2015年12月31日 (星期四)
時間:08:30pm-12:05am
地點:鑽石山荷里活廣場一樓明星廣場
嘉賓:徐子珊、鄭俊弘、馮允謙、姜麗文、SIS樂印姊妹及少女標本
查詢:2118 8811
4. 荃灣廣場「除夕倒數迎2016」
為熱烈迎接新一年到臨,荃灣廣場特意o係12月31日除夕夜舉辦「除夕倒數迎2016」,邀得多位歌星藝人包括著名歌手許志安、甜美藝人黃翠如及男神歌手鄭俊弘等等群星現場獻唱!屆時各嘉賓將會送上多首輕快節日歌曲,並與觀眾大玩遊戲,勢要將現場氣氛推到最高峰,與訪客一起狂歡倒數迎接2016!
日期:2015年12月31日 (星期四)
時間:08:30pm-12:05am
地點︰荃灣廣場1樓中庭
嘉賓:許志安、黃翠如、鄭俊弘、林夏薇、周志康、譚凱琪、陳日豐
查詢:2498 8343
5. 荃新天地「『荃』城倒數除夕派對」
12月31號晚迎接2016,Citywalk荃新天地預備好節目,有王菀之、Super Girls、超級巨星周志文同新人陳詩欣嘅落力演出陪你倒數!
日期:2015年12月31日 (星期四)
時間:10:45pm-12:15am
地點:荃新天地1期
嘉賓:王苑之、Super Girls、周志文、陳詩欣
查詢:3926 5708
6. 奧海城「我們的《紀念日》2016除夕倒數派對」
12月31日出席「奧海城我們的《紀念日》2016除夕倒數派對」,到時就可以再見到小方、Stephy同導演葉念琛,仲有女新人盛朗熙添!
日期:2015年12月31日 (星期四)
時間:11:00pm
地點:奧海城2期地下主題中庭
嘉賓:方力申、鄧麗欣、導演葉念琛、盛朗熙
查詢:2740 4108
7. V City「除夕倒數派對」
V City請黎Rubber Band、龔嘉欣、謝偉倫、李美琪(牛雜妹)及陳綺雯(Aki) 陪你倒數迎新年!
日期: 2015年12月31日(星期四)
時間: 10:30pm-12:10am
地點: V city MTR層中庭
嘉賓: Rubber Band、龔嘉欣、謝偉倫、李美琪(牛雜妹)及陳綺雯(Aki)
查詢:2960 1800
8. 新城市廣場「天幕倒數舞台慶除夕」
迎來2016,新城市廣場o既除夕倒數派對邀請左黎自美國o既國際級高空特技團Galaxy of Thrills兩位特技高手來港演出,於9米高柱上做出高難度動作,為大家送上刺激雜技表演!
晚上,仲有三把動人聲音為你留下難忘回憶!香港超級巨聲冠軍林欣彤、中國好聲音(第四季)全國第九名李幸倪Gin Lee同埋台灣華人星光大道殿軍谷微會用歌聲於新城市廣場星光天幕舞台下陪大家倒數!仲有韓國女團TWO X勁歌熱舞一番!
倒數一刻,星光天幕更會出現全港唯一激光投射倒數,同全場一同迎接美好2016!
日期: 2015年12月31日(星期四)
時間: 06:00pm (雜技表演)、11:00pm-12:05am (倒數表演)
地點: 新城市廣場1期1樓羅馬圓型獻技場
嘉賓: 林欣彤、李幸倪Gin Lee、谷微,韓國女團TWO X
查詢: 2684 9175
即刻約人plan下今年除夕去邊啦!:D
今年聖誕/除夕/新年/情人節檔期香港有2個主打機動遊戲o既嘉年華玩!分別係於中環新海濱舉行o既AIA歐陸嘉年華同於前啟德機場跑道舉行o既東華慈善嘉年華。
究竟2大嘉年華有咩分別?即睇以下大比拼圖表!
1. 鬥機動遊戲
AIA嘉年華經典機動遊戲+今年新機動遊戲,連同合家歡小朋友都岩玩o既機動遊戲總共多達三十幾款!目前經機電署批左玩得o既都有廿幾款。主打經典50米高G-Force變奏Mach5,望落都覺得刺激。
東華嘉年華向機電署申請左18款機動遊戲牌照,目前開幕首日6款已獲「使用及操作許可證」,所以有部份機動遊戲都未玩得,甚至係未組裝好。主要有4大機動遊戲,加幾個合家歡小朋友都岩玩o既機動遊戲,整體機動遊戲數目較AIA嘉年華少。主打2015年瑞士創新製造o既機動遊戲「陀飛輪」同27層樓高跳樓機,勝在多樣化同有新鮮感!
2. 鬥多野睇多野玩
AIA嘉年華除左機動遊戲攤位遊戲之外,仲有真雪溜冰場(需另付遊戲代幣)、紫色牛牛劇場(需另行購票)、迷你地標模型、舞台表演同手工聖誕燈飾,就算唔係咁岩玩機動遊戲都可以溜下冰,睇下表演,影下靚相。
東華嘉年華除左機動遊戲攤位遊戲之外,仲有英國皇家絕技團(需提早另行訂票),表演高難度技巧o既特技節目踩鋼線、最令人歡樂o既小丑同壓軸演出o既「電單車極速激戰」,岩哂鐘意睇雜技o既朋友仔!
3. 鬥價錢
價錢方面,AIA嘉年華同東華嘉年華2個相差唔多,扣番代幣或者代用劵價值,入場費分別為$25同$20。大型機動遊戲每部每次大約$100,小型機動遊戲每部每次大約$30。攤位遊戲每次大約$20。
4. 鬥攤位公仔特別
唔少朋友仔去嘉年華旨在玩攤位,誓要贏番個公仔做戰利品俾小朋友或者另一半拎番屋企開心下,做節日禮物。AIA嘉年華今年準備左過百萬隻公仔,除左一般熊仔豬仔迪士尼公仔之外,最吸睛o既可以話係相當受歡迎o既黃色小兵minions。東華嘉年華攤位遊戲於嘉年華開幕首日23/12/2015並未set up,要留意下幾時去先開始有得玩!根據情報,除左一般迪士尼公仔同熊貓仔等等之外,最特別同驚喜o既公仔可以話係2015年hit爆o既Inside Out公仔喇!有啊愁啊燥等等坐陣!
5. 鬥規模鬥意義
AIA嘉年華已經o係香港搞左唔少次,雖然舊年(2014)開幕時好似有部份機動遊戲未玩得o既問題,但係今年到目前為止開幕已經超過一星期,暫時都未聽到有咩問題/投訴,似乎已經run得smooth左。東華嘉年華今年第一年舉行,開幕日子比最初公佈延遲左2日,亦都多推左個家庭慈善體驗日(23-27/12/2015)。23日開幕時有玩家表示唔知未有攤位遊戲玩,而且安排有少少混亂。可能始終東華嘉年華係第一年o係呢個地點搞,部份機動遊戲亦都係新o既。不過東華嘉年華有慈善性質,整個活動部份收益主辦單位會撥捐東華三院,支持其兒童、青少年及低收入家庭服務;玩o既同時又可以做善事!
6. 鬥交通方便
AIA嘉年華於中環新海濱舉行,交通尚算方便;東華慈善嘉年華於前啟德機場跑道舉行,地點較為偏遠,不過大會備有穿梭巴士,供參加者免費往返嘉年華會場及油塘。
想分別睇詳盡d?
即睇AIA嘉年華2015/2016有咩玩!:http://goo.gl/lxkBvl
即睇東華嘉年華2015有咩玩!:http://goo.gl/XFvTxy
香港真係越黎越多大型活動!
機動遊戲發燒友有福了,今年聖誕新年檔期,除左又有AIA嘉年華之外,仲有東華慈善嘉年華!
東華慈善嘉年華已經於2015年12月23日開幕,仲會於前啟德機場跑道舉行到2016年3月28號。
即刻睇睇機動遊戲實物相片同有咩玩啦!
刺激機動遊戲:
恐怖絕叫-陀飛輪 Tourbillon
2015年瑞士創新製造o既機動遊戲「陀飛輪」將首先面世於「東華慈善嘉年華」。「陀飛輪」高20米、 重180噸,可坐24人,玩家身處於扭計骰形狀o既極化版機動遊戲,體驗全方位360度高速迴環旋轉,挑戰玩家瘋狂極限。
刺激驚險之選-極速空降 Swiss Tower
全港最高嶄新終極挑戰,從27層樓(80米)頂峰瞬間垂直急速下墜,無重飄浮感交織壓力與緊張,嚇你一個措手不及。
刺激之選-超級搖滾 Your Exceptional Stimulation – Super Chaos
「超級搖滾」係全新獨特o既機動遊樂體驗。24名乘客擺動至30米高空,而座椅圍繞垂直軸360度轉動。乘客時向內時向外o既被不斷旋轉!
以大樹為設計概念o既鞦韆慢慢升上13米高空作波浪式迴旋,隨著音樂不規則擺動,俾大眾o係半空中與摯親分享童年時光,重溫孩童時o既歡樂。
新潮至IN-超级滑梯 New York Super Slide
去年Super Bowl「超级碗」活動期間坐落纽约時代廣場o既超级滑梯首度亮相香港。33米長18米高滑梯共8條滑道,感受世界級瀡滑梯體驗。
共享難忘回憶-兒童創意動感區
兒童創意動感區,集動感與創意於一身,除擁有Hot Wheels及Mega Bloks 兩大國際玩具品牌專區、交通安全城及大型充氣遊戲外,特別設置全長超過100米,全港首個Hot Wheels跑道,小朋友可以一試身手,在跑道上風馳。大型Mega Bloks積木池,小朋友可隨意創作出不同組合,發揮小朋友驚人o既創作力及訓練手部平衡力。亦可在「Mega Bloks 動物園」與多款大型Mega Bloks積木砌成的可愛小動物拍照留念。
海盜冒險之旅-「 小小高爾夫球樂園」
以海盜為題o既「小小高爾夫球樂園」,俾一家大細體驗o係海盜船四周打Golf o既樂趣,更會睇到船長Jack Sparrow真人原大o既海盗雕像!無論是以隊制形式,或個人形式參與遊戲,都必定使您樂而忘返!每個場地設計各有不同,俾從未接觸高爾夫球o既大小朋友感受與眾不同o既嶄新體驗。 每個洞o既場地設計都不同,對於從沒打過高爾夫球o既大人小孩都是一項新鮮o既體驗。
話明嘉年華,當然唔少得有攤位遊戲!不過注意23/12/2015開幕首日攤位遊戲並未set up,到底幾時先開始有得玩,就要留意番官方最新公佈喇!
除左機動遊戲同攤位遊戲之外,主辦單位從英國引進「英國皇家絕技團」,由12月23日開始隆重登場,一家大細可以於聖誕節期間欣賞從各國赴港o既世界級表演者o既精湛演出,高難度技巧o既特技節目踩鋼線、最令人歡樂o既小丑及壓軸演出o既「電單車極速激戰」,讓觀眾樂而忘返。門票需要另外於網上預訂。
東華慈善嘉年華2015
日期: 2015年12月23日至2016年3月28日
地點: 前啟德機場跑道(鄰近啟德郵輪碼頭)
時間:
2015年12月23日至2016年1月3日:11am-11pm;
2016年1月4日開始:3pm-11pm(平日), 11am-11pm(星期五、六、日及公眾假期)
最後入場時間為活動結束前45分鐘。特別日期或延長開放時間,詳情容後公布。
票價: 一般門票$180(機動遊戲$120 攤位遊戲$40 入場$20),3歲以下幼童,65歲以上長者及殘疾人士,免費入場。
網頁: http://www.twcarnival.hk/
Facebook: https://www.facebook.com/twcarnival
更多嘉年華相關玩點資訊:
AIA歐陸嘉年華V.S東華慈善嘉年華6大比拼!去邊個好?:http://goo.gl/l2wfUT
即睇AIA嘉年華2015/2016有咩玩!:http://goo.gl/lxkBvl
想睇雪想過白色聖誕?除左去外地之外,香港今年都有幾個短期玩點(好去處)有飄雪睇!
1. 太古城中心「紅鼻鹿飄雪聖誕之旅」
今個聖誕,太古城中心特意以紅鼻鹿Rudolph為主題,於12月1日至2016年1月3日獨家呈獻「紅鼻鹿飄雪聖誕之旅」。商場於二樓舞台及中橋位置打造別出心裁o既紙品聖誕裝置,呈現多個經典紅鼻鹿童話場景,上演一幕幕聖誕傳奇故事。到時冰上皇宮仲會帶黎全港首個冰上飄雪聖誕,漫天飛雪飄落冰場,俾訪客於20呎高聖誕松樹同紅鼻鹿見證下,投入冰上白色聖誕!
太古城中心引入先進室內飄雪設備,製造出雪花紛飛o既浪漫景緻。活動期間,皚皚白雪每三十分鐘就會由高空徐徐飄落!場內有8部製雪機,每次3分鐘飄雪效果仲會配合燈光同音樂效果,甚為浪漫!而人造雪其實係無色無味泡沫,落地即化。
地點:太古城中心一樓冰上皇宮
日期 :即日至2016年1月3日
時間:11:00-21:00(每30分鐘1次)
價錢:溜冰場票價$55-$75
Facebook:www.facebook.com/Cityplaza-Ice-Palace-太古城中心冰上皇宮-272231186122/
網頁:www.cityplaza.com/zh-HK/entertainment/ice-palace
2. 荔枝角D2 Place飄雪天台
D2 Place 打造全港首個「Snowy Garden 飄雪天台花園」,12月起每個星期六、日晚上,及12月24-31日期間,都有浪漫飄雪!仲有3米高巨型水晶球!逄週末仲有市集行街街,算得上係其中一個聖誕浪漫打卡影相好去處!
地點:荔枝角長義街9號D2 Place ONE天台花園 (荔枝角D2出口對面)
日期 :2015年12月逢星期六及日及12月24-31日
時間:18:00-22:00
價錢:免費
Facebook:www.facebook.com/D2Place/
網頁:www.d2place.com/
3. 香港迪士尼樂園美國小鎮大街
香港迪士尼樂園一踏入聖誕,園內o既美國小鎮大街都會漫天飄雪!今年迪士尼樂園同樣有人造雪,根據往年經驗,大概每晚6點就會開始飄雪,既適合情侶拍拖浪漫下,又適合一家大細合家歡去感受白色聖誕!相信十分難忘。
地點:香港迪士尼樂園美國小鎮大街
時間:約18:00, 詳情可再向園內職園查詢
價錢:$499-$539(一日標準門票票價)
Facebook:www.facebook.com/disneyland.hk/
網頁:www.hongkongdisneyland.com/zh-hk/events/happily-ever-after-christmas/
4. 黃埔新天地「雪感聖誕玩樂園」
紅磡黃埔新天地今年聖誕開設「雪感聖誕玩樂園」,由12月19日起於指定日子於時尚坊地庫設置香港首個室內以人造雪製作o既遊樂天地,等小朋友同白雪玩遊戲!「雪感聖誕玩樂園」現場不但不時飄雪,大家仲可以於「親親雪地」o既白皚皚仿真雪地上玩樂,感受柔細輕涼o既雪o既感覺!又可以坐雪兜體驗一下o係兩條各長20呎、鋪滿人造雪o既「雪地滑梯」滑落黎o既興奮速度同至Cool感覺!於12月19-20及25-27日,小朋友更加可以憑指定消費參加「聖誕手作坊」,親手製作多款聖誕手工藝。
*不過注意樂園只限身高0.8米至1.4米人士入場,即係得小朋友先有得玩喇~!
如果去開黃埔就唯有去黃埔號影LED玫瑰花海聖誕燈飾啦。
地點:黃埔新天地時尚坊地庫
日期:2015年12月19日-20日,2015年12月25日-27日,2016年1月1日-3日
時間: 13:00-18:00
價錢:只要即日於商場消費滿$100元或以上,便可入場參與其中一項活動
Facebook:www.facebook.com/whampoaworld
網頁: www.whampoaworld.com/whatshot_index_chi.asp?whID=596#
AIA歐陸嘉年華又黎喇!由17/12/2015開始,至21/2/2016,於中環海濱舉行。AIA嘉年華橫跨聖誕、除夕、情人節、農曆新年等主要節日,等你有哂假期又有哂借口大玩特玩,同時享盡節日氣氛!
嘉年華包括各種聖誕燈飾、機動遊戲、表演同攤位遊戲。
刺激機動遊戲:
唔少得o既經典Mach5(想當年G-Force相信係唔少人o既集體回憶), No Limit, Atmos Fear……
今年新o既巨型海盜船Das Dun Schiff, 濕身飛船 Log Flume, Cyclone Coaster過山車……
冇咁刺激o既機動遊戲:
飛天韆鞦Starflyer:
飛天韆鞦Wave Swinger:
適合小朋友玩o既London Bus:
小飛象Dumbo:
全部機動遊戲當然唔止咁少啦!場內29款刺激機動遊戲同親子機動遊戲不能盡錄~
唔係咁岩玩機動遊戲o既,AIA嘉年華亦有全港唯一戶外
嘉年華唔少得o既各式各樣燈飾同攤位~
AIA友邦歐陸嘉年華2015/2016
日期:17/12/2015 – 21/2/2016
時間:11am – 11pm (大除夕將開放至凌晨1am)
地點:中環新海濱
票價:成人$125(包10個遊戲代幣);小童及長者$90(包7個遊戲代幣)
網址:www.tgec.asia
Facebook:www.facebook.com/TGECAsia
交通:
天星小輪:中環
港鐵:中環站國際金融中心商場出口
巴士:中環(交易廣場)巴士總站
的士站:中環碼頭、國際金融中心商場、交易廣場公共交通交滙處、香港站
泊車:國際金融中心商場、大會堂
更多嘉年華相關玩點資訊:
AIA歐陸嘉年華V.S東華慈善嘉年華6大比拼!去邊個好?:http://goo.gl/l2wfUT
即睇東華慈善嘉年華2015有咩玩!:http://goo.gl/XFvTxy
聖誕假有咩玩?有咩好去處適合一大班朋友去玩呢?搵野玩,黎TopFun!等我地舉d例子啦~ 以下5個類別o既玩點(玩樂好去處)都相當適合大家聖誕去玩架!
自拍館有唔同主題o既房,裏面有攝影器材、螢幕、唔同背景同各種服飾道具。一大班人Re-U、抑或係家庭親子樂,都可以o係房裏面擺poses扮鬼扮馬自拍靚相留念啊!聖誕節仲可以影番d 聖誕Look相,扮下聖誕老人,放上FB呃Like添 😛 自拍館絕對係鐘意玩selfie o既人o既好去處!
即睇: 各間自拍館資料同玩評
一大班人想開Christmas Party又冇地方?宜家有計喇!主題Party房唔單止提供聚會Re-U私人空間,仲有靚靚主題佈置,好多仲有飲品提供,同遊戲機、board game、桌上足球等玩樂物品借用。幾個朋友仔傾下計玩下?聖誕除夕過年過節Party?主題Party房就岩哂你!記得要提前訂房啊!
即睇: 各間Party房資料同玩評
渡假屋,又寫作度假屋,係專為用戶渡假而設o既房屋。度假屋一般起o係渡假勝地,又或者遠離都市o既離島同郊外地方。渡假屋分唔同大細,有d甚至包埋露台天台。岩哂一大班人Re-U開 Christmas Party玩通宵,仲可以打邊爐燒野食架。提示︰聖誕都係旺季黎架,快d Book房。
即睇: 各間渡假屋資料同玩評
Boardgame Cafe指提供眾多桌上遊戲o既樓上咖啡店,除左一般平時我地見慣見熟o既games之外,有好多黎自唔同國家o既桌上遊戲;部份店鋪更加有店員細心教你玩。聖誕唔想剩係玩啤牌?Boardgame Cafe係唔錯o既選擇!:)
想玩d動態d o既野?新興o既玩樂好去處 ──泡泡足球啦!泡泡足球(Bubble Soccer)o係約三年前由英國人Lee Moseley發明,即時風靡英國,宜家更發展至海外如美國、澳洲及香港。所謂o既泡泡足球,其實就係玩家着上大型PVC泡泡裝o係場上踢足球。大家踢來踢去,撞來撞去,唔單止充滿趣味,仲有一定運動量呢!健康又歡樂,一次過滿足你兩個願望。最岩一大班人Re-U玩番幾個鐘!一齊過番個充滿活力o既聖誕!
即睇: 各間泡泡足球資料同玩評
希望以上o既建議幫到大家諗聖誕去邊玩啦!:D 當然除左以上5樣之外都仲有好多其他玩點(玩樂好去處)架~ 大家可以用 http://top-fun.com.hk o既搜尋器選擇適合自己o既香港好去處。