繼上年年尾Crazy Cart飄移車之後，觀塘工廈最近又有一個新興潮流玩點(好去處)！
搵野玩，黎TopFun！即刻跟我地一齊去睇睇！
原來，Azzita平衡車體驗-維修中心最近o係觀塘開設左一個約5000呎o既電動平衡車試玩場，場地以水馬圍成軌道，並備有頭盔、護膝等，俾大家體驗試玩平衡車呢樣新興玩意！
對於大部份未接觸過未玩過平衡車o既玩家，可能有好多疑問，尤其係可能最關心o既：第一次玩究竟要幾耐先學識？會唔會好容易仆？
就等TopFun同你實地試玩直擊！
開始試玩之前，首先要戴好全款保護裝備，包括頭盔、護踭、護腕、護膝。跟住就可以揀平衡車試下玩。
Azzita有多款唔同大細款式o既平衡車，負責人建議第一次玩的話試10寸呔果款，因為果款屬充氣呔，避震能力較強，亦都較易控制。
試玩費用除左包括平衡車同保護裝備租用之外，仲包括數分鐘專人指導，等大家o係正式出軌道玩之前，先學識點樣上落同控制平衡車。
學習區：
相比起學踩單車、溜冰等等需要一段時間先平衡到，學平衡車只需要短短數分鐘。
首先踩上一邊重心腳，等企穩之後再迅速踩上另一隻腳，然後透過兩腳同身體攞平衡點，當車大致可以停o係度，就攞到平衡點。
開車時只要人微微向前傾，或者前腳掌用力，平衡車就會自動前駛。相反，如果腳踭用力，平衡車就會倒後行。
雖然最初都會有少少擔心跌，或者撞牆撞水馬，但係玩落就會發覺其實都係唔容易跌o既。
至於每兜一個圏要用幾耐時間，就好視乎你o既技術，最快可以20幾秒，慢o既亦都可以需要幾分鐘。
負責人表示，水馬軌道會定期改變，以增加新鮮感；10人以上甚至可以包場開Party，特別安排不同水馬軌道或遊戲。
總括黎講，平衡車試玩都不失為一個充滿新鮮感同有趣o既體驗！
Q & A：
Q1. 幾多歲先玩得？
A1. 負責人建議11歲或以上。
Q2. 需要/可以自備平衡車去玩嗎？
A2. 試玩費用已包括租用平衡車及保護裝備，玩家無需自備平衡車。另外，為確保安全，Azzita禁止自備平衡車於場內行駛。
Q3. 衣着規限？
A3. 上身基本上無特別規限，建議穿着較舒適鬆身衣物。鞋方面，不能穿着拖鞋、高踭鞋或Boots(底太厚影響用力感應)，學生皮鞋亦不甚適合；建議穿着運動鞋為佳。
Q4. 可唔可以walk-in？
A4. 可以walk-in，但由於軌道限每次最多同時12人一齊玩平衡車，以避免擠迫，所以最好都係先查詢預約，咁就唔會黎到先發現full左要等。
Q5. 平衡車時速？
A5. 一般平衡車最高時速可達10-15km/h，當車到達某個速度上限會有提示逐步減速，以確保安全。
Q6. 會爆炸嗎？
A6. 過往新聞報導上的平衡車爆炸事件，一般因為電池質量出現問題或欠缺保險絲，引致過熱危險。Azzita平衡車具備多項證書及合格安全認証，包括CE,FCC等國際認證；充電器用三腳帶保險絲插頭，電池則採用三星電池，相對安全。
Q7. 香港有咩地方可以玩平衡車？
A7. 電動飄移板 / 電動平衡車 (Hoverboard) 其實o係香港都出現左一段時間，不過由於法例上規限，基本上一般公眾地方都唔玩得，只有室內私人地方可玩。
>>Azzita電動平衡車體驗-維修中心營業時間及價目表等資料：http://goo.gl/izTxUy
海洋公園將於5月1日至31日舉行熊貓保育活動「親親熊貓月」！並為各位大熊貓粉絲送上多重優惠，包括：
－熊貓「自己友」優惠，撞名購買門票低至75折
－80隻可愛大熊貓雕塑聯萌列陣任你影
－「熊貓小手工教室」親手製作可愛擺設
－ 熊貓紀念品購物賞，及多款獨家熊貓主題美食
－ 熊貓護理員「二人同行、一人免費」優惠
最「熊」優惠： 熊貓「自己友」優惠
趕快拿出身分證睇睇，隨時有優惠﹗ 如果你的香港身分證上的中文或英文姓名有以下其中1個字，即可享8折門票優惠；出現2個或以上不同的字，更可享75折優惠﹗
中文姓名﹕ 熊、盈、樂、安、佳
英文姓名﹕ P、A、N、D、A
條款及細則：
原來每位遊客最多可購買兩張同日優惠入場門票！咁如果朋友有撞名，都可以孖佢去喎！:D
最「熊」優惠：熊貓粉絲購物賞
整個「親親熊貓月」期間，凡購買熊貓毛公仔可享7折優惠；購買熊貓頭飾更可以HK$20優惠價於星期五、六、日、公眾假期及5月21日至29日享用熊貓臉彩繪服務，為你塑造可愛的大熊貓形象！此外，5月21日至29日更會擴大優惠至全線熊貓紀念品7折，期間限定，快來把握機會選購心愛熊貓產品﹗
各位熊貓粉絲，係掃貨o既機會喇～！
海洋公園親親熊貓月
日期: 2016年5月1日至5月31日
網址: http://www.oceanpark.com.hk/tc/park-experience/lovely-panda-month
Facebook: https://www.facebook.com/hkoceanpark/