• 7大睇毛記電視勁曲金曲分獎典禮方法!

    7大睇毛記電視勁曲金曲分獎典禮方法!

    毛記電視《第一屆十大勁曲金曲分獎典禮》聽晚就係喇!想睇?其實唔難。即刻睇睇7大睇毛記電視勁曲金曲分獎典禮方法啦!

    7大睇毛記電視勁曲金曲分獎典禮方法

    1. 入伊館睇Live

    如果閣下早前成功撲到一飛難求o既毛記分獎典禮飛,真係恭喜哂,你聽晚可以入伊館睇Live喇~~~嗚~~好滾動~

    7大睇毛記電視勁曲金曲分獎典禮方法!

     

    由於毛記電視成功爭取到真直播,聽晚o係now香港台(now TV 100台)、now 觀星台(now TV 102台)同now隨身睇應用程式都可以睇到分獎典禮直播!所以仲衍生出以下睇分獎典禮o既方法:

    1. 約fd黎自己屋企/去fd屋企睇now直播

    有裝now o既朋友仔,或者有朋友仔有裝now o既朋友仔,機會黎喇!即刻可以宴請親朋戚友一齊黎屋企睇分獎典禮,有哂見面理由,相信大家都會立即應約出席!

     

    1. 去K房睇now直播 (順便唱番個K)

    平時有去下K房都知K房平時有波睇。有波睇,即係有now啦!所以一班fds去K房睇直播都係唔錯o既方法。仲可以齊齊拎住支咪一齊大合唱得獎金曲添!入唔到現場一齊嗌都可以自己一班人圍內high爆啊!

    十大除夕倒數好去處!3

    >> 即睇全港K房資料

     

    1. 去Party房睇now直播 (順便開番個Party)

    大家屋企都唔方面宴客,咁又可以考慮下去近年大熱o既Party房。唔講唔知,原來唔少Party房都有mon有screen,甚至係有裝now架(為左方面客人睇波)!Party房夠哂私人空間,仲可以成班fds順便開番個Party!

    TopFun-Party88-image7.jpg
    >> 即睇全港Party房資料

     

    除左圍內book番間Party房一齊睇之外,亦有Party房免費開放或收取廉價入場費俾大家一齊睇分獎典禮,例如:屯門Free Maker觀塘BALL ROOM

     

    1. 出公共空間睇轉播

    以為世界盃中港大戰先有遍地開花轉播出現?少年你太年輕了。睇毛記電視分獎典禮呢件咁與眾同樂o既事,吸引左唔少組織舉行公共空間一齊睇直播/轉播。TopFun暫時所知o既包括沙田大會堂、中環半山、美孚橋底、西環同…澳門。荃灣據說本來都有,不過cancel左。

    7大睇毛記電視勁曲金曲分獎典禮方法!2

    詳情可以睇番各個Facebook Event:

    沙田大會堂 >>【真・轉播】齊齊睇毛記勁曲金曲分獎典禮

    中環半山 >> 真 · 公共空間睇毛記電視分獎典禮轉播

    美孚橋底 >> 毛記十大勁曲金曲分獎典禮- 美孚橋底直播

    西環 >> 【強行轉播‧西環最正】毛記電視十大勁曲金曲分獎典禮

    澳門 >> 《愛瞞》隔岸強行轉播「毛記電視第一屆十大勁曲金曲分獎典禮」

     

    如果各位玩家知道有咩其他公共空間都有一齊睇分獎典禮活動的話,可以留言話俾TopFun知。

     

    1. 上住堂/番住工偷偷地用now手機App睇

    香港人生活繁忙,唔少朋友仔當晚可能仍然要番工番學,或者OT到夜深。好在,要睇分獎典禮都唔係冇辦法,可以下載now隨身睇應用程式免費睇,iOS /Android App都得。

    7大睇毛記電視勁曲金曲分獎典禮方法!3

    >> iOS now隨身睇

    >> Android now隨身睇

     

    1. 獨留家中用電腦睇網頁版

    習慣獨留家中,屋企又冇裝now?其實,仲可以用電腦上now睇網頁版!不過到時就唔知會唔會同時太多人一齊上出現lag機情況喇。

     

    >> 網址: http://nowplayer.now.com

     

    即刻開心share話俾朋友知你聽晚點睇毛記電視分獎典禮啦~!吱吱~

     

    毛記電視《第一屆十大勁曲金曲分獎典禮》
    日期:2016年1月11日 (星期一)
    時間:20:00-23:00
    地點:伊利沙伯體育館表演場
    網址:http://www.tvmost.com.hk/TenBig/

    檢視更多
  • 2015年十大新玩點類型回顧!

    2015年十大新玩點類型回顧!

    2015年最後一日,唔少人都會寫番篇回顧文。搵野玩,黎TopFun!TopFun要寫回顧文,梗係要寫番篇同玩有關架啦!:D

    近年黎,香港越黎越多新野玩!就等我地回顧下2015年十大新玩點類型啦!

     

    1. Crazy Cart飄移車

    Crazy Cart係美國一間公司發明o既電動玩具飄移車,近年紅爆美國。最近有年輕人將佢引入香港,賣車之餘仲開左個試車場,等大家可以體驗下飄移快感!

    2015年十大新玩點類型回顧!1. Crazy Cart飄移車 2015年十大新玩點類型回顧!1. Crazy Cart飄移車2

    即睇:Crazy Cart飄移車玩點資料及玩評

     

    1. 鐳射槍戰

    鐳射槍戰其實並唔係新野,據說o係好多年前都曾經興過,傳統一般會跟war game玩法,只不過變左用鐳射槍。2015年鐳射槍戰再度興起,主要係因為改變左地方(引入市區,例如銅鑼灣、旺角等地方)、改變左包裝(變得更新潮科幻)同收費模式,令到成件事更容易玩到同更好玩!

    2015年十大新玩點類型回顧!2. 鐳射槍戰2015年十大新玩點類型回顧!2. 鐳射槍戰2

    即睇:鐳射槍戰玩點資料及玩評

     

    1. 電動飄移板(Hoverboard)

    電動飄移板(Hoverboard)靠電力推動,基本上可以話係冇左扶手o既Segway(Hands Free Segway),叉足電可以行十幾公里,最高速達15km/hr。飄移板靠身體壓力操控,玩家只要企定定、身體稍微傾側,就可以前後移動同轉彎!玩點一般將Hoverboard配合各種遊戲同競賽,令成個體驗更加有特色同有趣!

    2015年十大新玩點類型回顧!3.電動飄移板(Hoverboard)2015年十大新玩點類型回顧!3.電動飄移板(Hoverboard)2

    即睇:電動飄移板(Hoverboard)玩點資料及玩評

     

    1. 走繩對戰(Slacklining Battle)

    走繩運動(Slacklining)類似行鋼線,考驗玩家身體平衡感、柔韌性,亦對心理調節有好處。走繩對戰(Slacklining Battle)則係以走繩運動為基礎,二人於繩上對戰o既遊戲。玩家既要自我平衡,又要努力令對方失平衡,造成一場激烈o既龍爭虎鬥!

    2015年十大新玩點類型回顧!4.走繩對戰(Slacklining Battle)

    即睇:走繩對戰(Slacklining Battle)玩點資料及玩評

     

    1. 肥仔衫(Fat Suit)

    肥仔衫(Fat Suit)可以令你同朋友們o既活動更加有趣同令人捧腹大笑!玩家們着住各式各樣肥仔衫開一個好玩又搞笑o既肥仔衫派對!一齊玩唔同o既競技賽同各種專為肥仔衫而設o既獨特遊戲!

    2015年十大新玩點類型回顧!5.肥仔衫(Fat Suit)

    即睇:肥仔衫(Fat Suit)玩點資料及玩評

     

    1. 桌上足球(Pool Soccer)

    桌上足球(Pool Soccer)源自法國,係一種結合左美式桌球同足球特式o既玩意,玩家們o係一張巨大桌球枱上,用腳將好似足球咁大o既桌球踢撞入洞中。呢項遊戲唔講求力度,反之隊友間o既合作更為重要,參與人數不限,新奇有趣。

    2015年十大新玩點類型回顧!6.桌上足球(Pool Soccer)2015年十大新玩點類型回顧!6.桌上足球(Pool Soccer)2

    即睇:桌上足球(Pool Soccer)玩點資料及玩評

     

    1. 桌上保齡(Pool Bowling)

    桌上保齡(Pool Bowling)或者又叫保齡桌球,係一個曾經於韓國大熱綜藝節目《Running Man》裏面出現過o既遊戲。簡單d黎講就係於一張巨大桌球枱上,用手將好似保齡球咁大o既桌球撞入洞中。新潮有趣,適合一大班人玩。

    2015年十大新玩點類型回顧!7.桌上保齡(Pool Bowling)

    即睇:桌上保齡(Pool Bowling)玩點資料及玩評

     

    1. 桌上沙壺、4Way Air Hockey

    桌上沙壺據說係15世紀宮廷玩意,玩法類似奧運冰壺,枱上面鋪左沙粒而且設有唔同得分區,只要將鐵餅狀球推去得分區,累積最高分o既一方就獲勝。遊戲最難係力度控制,因為軌道非常滑,即使輕輕一推,鐵餅球都會好容易滑出界。桌上沙壺遊戲適合二人對戰,好快就玩完一局。

    4Way Air Hockey即四人氣墊球,同一般氣墊球機唔同o既地方在於四人對戰、有四塊氣墊球、同埋係以淘汰扣命際形式玩,最後留低o既就係勝利者!每局最多時限3分鐘。

    2015年十大新玩點類型回顧!8.桌上沙壺2015年十大新玩點類型回顧!8.4Way Air Hockey

    即睇:桌上沙壺、4Way Air Hockey玩點資料及玩評

     

    1. 攻防箭(Archery Tag)

    打住真人版Hunger Game旗號,攻防箭(Archery Tag)係由美國人John Jackson發明o既一種射箭運動,以特別設計o既弓箭o係半個籃球場大小o既地方進行,形式近似閃避球,兩隊約五人o既隊伍以弓箭為主要裝備,互相用箭射擊淘汰對手,將對方靶上o既目標打下或者將所有對手淘汰為勝。岩哂鐘意追求刺激o既中青年人!

    2015年十大新玩點類型回顧!9.攻防箭(Archery Tag)2015年十大新玩點類型回顧!9.攻防箭(Archery Tag) 2

    即睇:攻防箭(Archery Tag)玩點資料及玩評

     

    1. 室內沙灘

    室內沙灘正確d黎講係2014年12月尾開業,不過大概都係2015年先為人所知。呢個概念據說係港人由台灣帶過黎,o係鋪滿經消毒o既沙o既室內環境入面,玩家可以玩各種吹氣設施同遊戲、影相、開Party等,小朋友亦都可以簡簡單單跳彈床堆下沙。好多人以為室內沙灘做唔住,甚至以為已經冇左;不過據消息指,室內沙灘已經開始賺緊錢架喇!

    2015年十大新玩點類型回顧!10.室內沙灘

    即睇:室內沙灘玩點資料及玩評

     

     

    2015年除左有呢十大新玩點類型之外,亦都有一d既有玩點類型加入左新元素!例如:

     

    A. 波波池房──主題Party房(Party House)

    波波池充滿唔少童年回憶,不過宜家人大左,好多波波池都太細唔岩玩。有年輕人專登係Party場加多一個波波池房,裏面佈滿波波,等大人都可以展現童心,大玩特玩!

    2015年十大新玩點類型回顧!A.波波池房──主題Party房(Party House)2015年十大新玩點類型回顧!A.波波池房──主題Party房(Party House)2

    B. 迷你私人影院──主題Party房(Party House)

    戲院包場價錢不菲,有Party房就佈置到仿如迷你私人影院,設有大screen同仿戲院凳,等你可以同另一半或者一班老死享受「包場睇戲」o既感覺!

    2015年十大新玩點類型回顧!B.迷你私人影院──主題Party房(Party House) 2015年十大新玩點類型回顧!B.迷你私人影院──主題Party房(Party House)2

    C. 巨型層層疊──主題Party房(Party House)

    普通層層疊去Café就玩得多喇,有Party房店主特製巨型層層疊俾你挑戰!砌起上黎成個人咁高,夠哂令人緊張同震撼!

    2015年十大新玩點類型回顧!C.巨型層層疊──主題Party房(Party House)

    即睇:主題Party房(Party House)玩點資料及玩評

     

    緊貼潮流,以上咁多個新潮玩點,你又玩過幾多個?

     

    我地展望2016年香港更多新野玩!

    大家「搵野玩,黎TopFun!」玩得開開心心!<3

     

    檢視更多
  • 十大除夕倒數好去處!

    十大除夕倒數好去處!

    過完聖誕過完Boxing Day,又係時候諗諗除夕去邊好!搵野玩,黎TopFun!
    無論係諗住一大班人過、拍住拖咁過、同屋企人過定自己一個人過,以下呢十大除夕倒數好去處/除夕倒數活動,梗有一個岩你心水!:D

     

    1. 睇煙花 
    每年除夕,維港都會大放煙花,今年都唔例外!由旅發局主辦o既2015除夕倒數活動以「愛與歡樂」為主題,有8分鐘煙火音樂匯演,包括:煙花、音樂同燈光等多種元素,期間維港上空仲會出現多個心形同超過160個「笑面」圖案,會展會出現「2016」大型字樣,迎接2016年!

    而由晚上11:00起,香港島沿海多幢建築物每隔15分鐘會施放流星煙火,名為許願流星,等大家為新一年許番個願。

    最佳觀賞位置包括尖沙咀香港文化中心露天廣場及尖沙咀海濱花園、西九龍海濱長廊、中環新海濱、中環9號及10號碼頭一帶、灣仔金紫荊廣場、維多利亞港。活動當晚,預計尖沙咀一帶將由晚上8:00起實施封路措施,建議各位玩家提早前往觀賞地點。

    日期︰2015年12月31日
    時間︰許願流星 ── 晚上11:00至11:45
    煙火音樂匯演 ── 午夜12:00
    地點︰維多利亞港兩岸
    入場費︰免費

    十大除夕倒數好去處! 十大除夕倒數好去處!2

     

    2. 商場倒數活動
    除夕當晚,唔少商場都會舉行倒數活動,邀請歌星表演,同觀眾玩遊戲。想熱鬧d多人d感受下氣氛,但係又想留o係室內,唔想咁逼,參加商場o既除夕倒數活動睇下表演都係唔少人o既心水好去處。

    即睇今年有乜商場除夕倒數活動:8大商場除夕倒數活動!

    8大商場除夕倒數活動

     

    3. Party房
    各位派對動物,除夕倒數,一定唔少得一大班人齊齊開番個Party!冇人屋企可以Free出黎?唔駛怕,近年香港港九新界都開左唔少Party房,有好多仲係主題Party房,有特別裝修佈置。有地方同私人空間之餘,仲有好多備有各樣娛樂設施,例如麻雀、Boardgame、PS4等等,等大家邊玩邊倒數,開開心心癲番晚!

    即睇香港有乜Party房:各間Party房資料同玩評

    香港聖誕好去處-Party房

     

    4. 唱K
    儘快將憂愁眼睛憂愁面孔憂愁內心抛棄吧~~~ 送走2015,除夕當晚約老死一齊唱番個K,將唔開心都唱走哂!再唱番d hyper歌,載歌載舞,一齊high爆迎接2016!所謂唔通宵唔知身體好,倒數完仲可以繼續唱通宵K!

    即睇香港邊度有得唱K:各個唱K玩點資料同玩評

    十大除夕倒數好去處!3

     

    5. BBQ
    今個冬天不太冷,如果一大班人又唔想逼,又想食住野過除夕,可以考慮下去BBQ!大家圍住個火飲下野食下野,談天說地,update下2015發生o既事,一齊展望計劃新一年,諗下都覺得青春浪漫!

    即睇香港邊度有燒烤場同天台BBQ:各個燒烤場資料同玩評各個天台BBQ玩點資料同玩評

    十大除夕倒數好去處!4

     

    6. 嘉年華
    想玩想過番個刺激除夕?嘉年華相信係你不二之選!今年有兩大主打機動遊戲o既嘉年華橫跨除夕檔期,包括係AIA歐陸嘉年華同東華慈善嘉年華。AIA嘉年華除夕當晚延長開放時間至凌晨1點,同你一齊倒數!東華嘉年華就收23:00(最後入場時間22:30),玩完抖一抖就岩岩好倒數喇!兩大嘉年華究竟去邊個好?佢地究竟有咩玩?

    即睇:AIA歐陸嘉年華V.S東華慈善嘉年華6大比拼!去邊個好?

    即睇AIA嘉年華2015 2016有咩玩!11

     

    7. 露營
    2015年最後一日,想離開繁囂城市透透氣,接近下大自然,聞下草味,睇下星星,露營係一個唔錯o既選擇。簡簡單單同另一半、三五知己或者一大班fd輕輕鬆鬆過番晚。

    即睇香港邊度可以露營:各個露營熱點資料同玩評各個露營車玩點資料同玩評

    十大除夕倒數好去處!5

     

    8. 野餐
    想室外倒數,有個地方坐下,又唔想過夜又唔想BBQ o既,可以考慮下野餐。雖然好似好少人會夜晚野餐,但係黑夜中,o係泛黃燈光照射下一齊野餐,食下薯片飲下酒,彈下結他玩下game睇下書,別有一番風味。值得留意係一般公園開放時間好少去到凌晨12點,要睇番佢地除夕有有特別延長開放時間。例如西九龍海濱長廊除夕當晚就延長開放時間至凌晨一點。

    即睇香港邊度岩去野餐:各個野餐熱點資料同玩評西九龍海濱長廊

    十大除夕倒數好去處!6

     

    9. 酒吧
    想趁大時大節識下新朋友,飲下酒慶祝下,可以選擇去酒吧進行除夕倒數。食下花生,摸下酒杯底,有d仲有beer pong玩,唔駛同人逼之餘,又甚有氣氛。

    即睇香港邊度有酒吧:各間酒吧資料同玩評

    十大除夕倒數好去處!7

     

    10. 機鋪
    其實毒L一個更開心…… 除夕夜自己一個過都唔駛怕!都總有岩一個人玩o既好去處!去機鋪打番晚機,將所有負面情緒都發泄哂出黎,迎接美好新一年!

    即睇香港邊度有機鋪:各間機鋪資料同玩評

    十大除夕倒數好去處!8

     

    快d plan定除夕去邊個好去處啦!<3

    檢視更多