• 最平$250任玩!One Piece嘉年華增設Night Pass

    最平$250任玩!One Piece嘉年華增設Night Pass

    夏天想去玩又怕熱怕曬,同時,對於上班一族來講,日間上班,晚間先得閑,假期又難約!

    「One Piece海賊王夏日激航狂歡世界」將由7月18日起推出Night Pass門票優惠,一至日都有,限現場購買。
    Night Pass限每日晚上6時起於現場發售,收費會平少少,周一至五$250,周六日則為$350!

    用途與全日通一樣可以無限次玩4大主題充氣障礙賽再瀡兩條水上滑梯。

    最平$250任玩!One Piece嘉年華增設Night Pass1
    最平$250任玩!One Piece嘉年華增設Night Pass2 最平$250任玩!One Piece嘉年華增設Night Pass3
    One Piece Summer Carnival 2016
    海賊王.夏日激航狂歡世界
    活動日期:2016年7月8日至8月7日
    地點: 中環海濱活動空間開放時間:
    14:00至22:00(星期一至五)
    11:00至22:00(星期六日)其他門票種類:
    入場券:$50/1位(由成人陪同的12歲或以下小童免費入場)
    全日通(12歲以上):$400(星期一至五)、$500(星期六及日)

    小童全日通(6至12歲):$200(星期一至五)、$300(星期六及日)
    **全日通可在購票同日內無限次暢玩指定7個遊戲,不設特別通道、需正常排隊參加。(代幣形式收費之攤位遊戲及兒童玩樂zone除外)
    ##2016年7月10日(星期日)將舉行「One Piece Run Hong Kong 2016」,參加者可在當天免費入場(包$50入場費、非全日通)。
    ###全日通現於全港7-11發售,活動及購票詳情可瀏覽http://www.onepiececarnival.com
    檢視更多
  • 海賊王中環海濱夏日嘉年華8大亮點!

    海賊王中環海濱夏日嘉年華8大亮點!

    《海賊王 夏日激航狂歡世界》嘉年華聽日開幕喇!

    烈陽號、7米高巨型路飛等裝置已經於中環海濱準備好,話哂都係首個海賊王嘉年華,One Piece迷不能錯過~!

    亮點1: 日本以外最大型「烈陽號」,隻船好似話真係可以上架!

    海賊王中環海濱夏日嘉年華8大亮點!14海賊王中環海濱夏日嘉年華8大亮點!2
    亮點2: 瘋狂影相位 7米巨型路飛!

    海賊王中環海濱夏日嘉年華8大亮點!1

    《海賊王 夏日激航狂歡世界》並唔係水上樂園,主要係玩動作遊戲Action Game,例如係一d吹氣障礙、巨型滑梯等等。

    不過當中唔少遊戲都加入左濕身原素,等大家順便消消暑。

    亮點3: 4合1 障礙賽,又要避開路飛拳頭陣、又要玩索柏彈彈球、跳完轉盤、再要由4.5米高台瀡滑梯!考你體力!

    海賊王中環海濱夏日嘉年華8大亮點!5

    海賊王中環海濱夏日嘉年華8大亮點!15

    亮點4: 奈美沖天奪寶滑翔梯,之前d片見到會將個人彈到半空!

    海賊王中環海濱夏日嘉年華8大亮點!9

    海賊王中環海濱夏日嘉年華8大亮點!16

    亮點5: 魯賓滑水天梯, 可以同時四個人一齊瀡既滑梯。

    海賊王中環海濱夏日嘉年華8大亮點!8
    亮點6:「前進號」,以充氣道具形式,製作大型船型障礙區,等你可以o係船身上爬上爬落,訓練水手基本功。 

    海賊王中環海濱夏日嘉年華8大亮點!10

    話明嘉年華,唔少得o既梗係攤位遊戲啦~!

    海賊王嘉年華裏面o既攤位遊戲亦都特別加入左海賊王人物o既元素,例如係奈美導航飛鏢、路飛草帽遊戲、索柏藍波球等等。

    海賊王中環海濱夏日嘉年華8大亮點!11海賊王中環海濱夏日嘉年華8大亮點!13海賊王中環海濱夏日嘉年華8大亮點!12

     

    除左玩之外,嘉年華內亦設有餐飲區同商品區。

    亮點7: 山治主理美食區!據說每一款美食都有海賊王特別設計。

    海賊王中環海濱夏日嘉年華8大亮點!6

    商品區售賣AAPE BY A BATHING APE®聯乘海賊迷彩限定品:tee、短褲、防水手機套、大型水槍,以及特別為今次活動精心設計o既「One Piece Summer Carnival」限定精品服飾、市面最精美o既《One Piece》紀念品等等。

    亮點8: 有超過80樣專門為今次活動而設計o既獨家周邊商品!

    海賊王中環海濱夏日嘉年華8大亮點!7

    暫時睇落都算吸引,不過好唔好玩都係要玩過至知! 😛

     

    One Piece Summer Carnival 2016
    海賊王.夏日激航狂歡世界

    活動日期:2016年7月8日至8月7日
    地點: 中環海濱活動空間

    開放時間:
    14:00至22:00(星期一至五)
    11:00至22:00(星期六日)

    門票種類:
    入場券:$50/1位(由成人陪同的12歲或以下小童免費入場)
    全日通:$400(星期一至五)
    $500(星期六及日)

    **全日通可在購票同日內無限次暢玩指定7個遊戲,不設特別通道、需正常排隊參加。(代幣形式收費之攤位遊戲及兒童玩樂zone除外)
    ##2016年7月10日(星期日)將舉行「One Piece Run Hong Kong 2016」,參加者可在當天免費入場(包$50入場費、非全日通)。
    ###全日通現於全港7-11發售,活動及購票詳情可瀏覽http://www.onepiececarnival.com

    檢視更多
  • [有片] 高科技+歷史故事主題 密室逃脫!

    [有片] 高科技+歷史故事主題 密室逃脫!

    密室逃脫遊戲*由幾年前全盛時期全港四五十間,到今時今日只係剩番10幾間……
    (*真人密室逃脫遊戲於特定空間中通過裝修設計,營造逼真場景,然後賦予玩家不同任務同故事劇情,俾玩家於指定時間內,通過尋找線索、團隊合作、層層解謎,最終完成任務走出密室。)

    TopFun今日黎到銅鑼灣o既呢間密室,一探佢能夠保持迄立不倒o既奧秘!

    步上樓梯,望入門口,見到一間裝修好似書店Cafe咁o既鋪頭,原來呢間就係我地今日要到訪o既密室!個大堂又幾典雅特別喎!仲以為自己去錯左同幢大廈o既韓國書店,哈哈~

    高科技+歷史故事主題 密室逃脫!1 高科技+歷史故事主題 密室逃脫!2

    可能因為位於銅鑼灣旺區,即使當日係星期一中午,都不斷有客上黎玩,所以最好都係上網或者打電話過去book定先~

    高科技+歷史故事主題 密室逃脫!21

    聽負責人講,呢間密室原來已經開業左超過3年,而且於全球各地都有分店,例如:澳洲、加拿大、台灣等等。

    銅鑼灣全店有7間密室房,最特別o既地方,相信係遊戲主題都係以真實歷史故事改編而成,例如係盜取十二生肖銅首、出埃及記等等。密室並唔係行恐佈路線,大人細路都玩得。負責人更加表示,其實親子玩呢類遊戲,透過一齊解謎,更加可以睇到兩代人唔同o既諗法,增加雙方o既溝通同更互相了解。玩完之後,仲可以識多一個歷史故事添!

    高科技+歷史故事主題 密室逃脫!3 高科技+歷史故事主題 密室逃脫!4 高科技+歷史故事主題 密室逃脫!5 高科技+歷史故事主題 密室逃脫!6 高科技+歷史故事主題 密室逃脫!7 高科技+歷史故事主題 密室逃脫!8

    其中當日試玩左阿爾卡特拉斯,係講一個美國o既越獄計劃故事。整間密室目測大概200呎,裝修成監獄咁樣,雖然一人獲發一支電筒,但燈光唔算暗。

    高科技+歷史故事主題 密室逃脫!18高科技+歷史故事主題 密室逃脫!17

    玩家一開始會分別被困o係3個囚房,要先各自搵線索,諗辦法離開自己間囚房,再一齊解題,逃出監獄。

    高科技+歷史故事主題 密室逃脫!14高科技+歷史故事主題 密室逃脫!15高科技+歷史故事主題 密室逃脫!16

    雖然話各自被困,但係3個囚房裏面o既玩家都需要透過對方給予o既工具同線索,先可以成功出到去,講求大家o既溝通技巧同合作性。

    高科技+歷史故事主題 密室逃脫!11高科技+歷史故事主題 密室逃脫!12

    高科技+歷史故事主題 密室逃脫!13

    另外房間裏面設有一部對講機,如果遇到咩問題,或者真係解唔到需要提示,都可以透過對講機同前臺店員聯絡,佢地會遙距咁提供指示,咁就無須出出入入阻礙遊戲進度。

     

    由於呢間店o既密室語言有齊中英文,所以都吸引左唔少外國遊客黎玩。店員除左基本要記得哂每間房o既故事背景同機關之外,仲要操流利中英文,要求比較嚴格。

    呢間店另外一個特別o既地方,係機關相對比較高科技,就咁搵鎖匙開箱果d關卡比較少,用其他特別儀器o既機關比較多,例如係鐳射槍、紅外線、自動門等等,令成個體驗比較豐富。

    高科技+歷史故事主題 密室逃脫!22 高科技+歷史故事主題 密室逃脫!23高科技+歷史故事主題 密室逃脫!24

    整體黎講密室關卡謎題合乎邏輯,難度適中,裝修都算有氣氛,見到其他玩家玩完個樣都幾開心,但係就稱不上好特別好驚喜。未玩過密室逃脫,或者鐘意呢類動腦筋遊戲o既朋友仔,都不妨可以試下~!至於密室逃脫迷,就緊係每一間都唔會錯過啦,哈哈~

    高科技+歷史故事主題 密室逃脫!19

    ***P.S. 臨俾錢前向店員展示Like左呢個post,再Like埋佢地FB Page,仲會送番張$10優惠券俾你下次用添。***

    >>更多相片同價目表等相關資料:迷之密失 LosT HK (銅鑼灣店)

    >>更多密室逃脫店鋪:全港密室逃脫玩點資料

    檢視更多
  • Neway、Red MR學生優惠$99通宵K!

    Neway、Red MR學生優惠$99通宵K!

    做學生真係好幸福!成日都有學生優惠!

    暑假又到喇,又完左DSE,最近香港2大連鎖K房都推出學生通宵K優惠,$99/位,好吸引!

    即刻睇睇~

    Neway學生夏日賞
    《密密唱-學生通宵K人頭費》
    適用人士: 有效學生證持有人
    適用日期: 星期日至三
    適用時間: 11P.M.-6A.M.(通宵K)
    適用分店及價錢*: 觀塘apm Neway (HKD$99/位),九龍灣Mega Box CEO(HKD$109/位)

    《密密食-免費熱辣小食》
    星期日至三,4人惠顧貓頭鷹時段可免費兌換炸雞或芝士炸薯條一客,8人可獲兩客,如此類推。

    《密密飲-免費啤酒》
    星期日至三,4人惠顧貓頭鷹時段可免費兌換推廣啤酒4支,5人可獲5支,如此類推。

    條款及細則:
    ‧酒精類飲品只適用於18歲或以上人士
    ‧此推廣只適用於觀塘apm Neway及九龍灣MegaBox CEO分店
    ‧此推廣只適用於貓頭鷹時段
    ‧推廣期由即日起直至另行通知為止
    ‧出示一張有有效日期之全日制學生證即有一位可享用優惠,兩張兩位、如此類推
    ‧此推廣須另收加一服務費
    ‧Neway Entertainment Limited保留隨時修改是次條款及細則之權利,而毋須另行通知
    ‧如有任何爭議,Neway Entertainment Limited保留最終決定權

    Neway、Red MR學生優惠$99通宵K!1

    Red MR.學生‧最佳第二場
    【銅鑼灣店 ‧ 旺角店 ‧ 觀塘店限定】
    6月繼續玩!學生最佳第二場!
    逢星期日至三晚上11:30開始,$99任唱6個半鐘!

    由即日起逢星期日至三(公眾假期及公眾假期前夕除外)於晚上11:30出示學生証即可以優惠價$99任唱6.5小時(包飲品2杯)
    加一服務費
    優惠受條款及細則約束
    必須出示持有效日期之全日制學生証

    Neway、Red MR學生優惠$99通宵K!2

    2間都各有各抵,小編就覺得主要都係視乎番大家近邊區同想唱o既歌果間有冇得唱~你又會揀邊間?

    Neway同Red MR.都冇講優惠會去到幾時,要唱趁手!快d Tag你朋友仔約埋一齊去啦~

    唔通宵唔知身體好haha 😛

    檢視更多
  • 荔園暑假又黎喇!德國引入電動高卡車!

    荔園暑假又黎喇!德國引入電動高卡車!

    「荔園 Super Summer」今年又返黎喇!

    陪伴港人成長o既荔園將於今年7月15至8月7日假亞博舉行。荔園主席邱達根表示今年會與時並進,懷舊遊戲數目減少,反而會新增唔少新遊戲,如從德國引入本港首套電動Go Kart車XRace。

    雖然地點去到亞洲國際博覽館咁遠,不過今年主場館就選擇於室內場地舉行,等大家玩得冇咁熱。「荔園Super Summer 2016」將設有室內同室外娛樂設施,室內佔地11,000平方米,戶外佔地8,000平方米,總面積共19,000平方米。

    荔園暑假又黎喇!與時並進引入電動高卡車!2

    主要娛樂設施包括:

    1. 蘇飛放暑假!
    荔園與香港著名插畫師林皮攜手合作,以角色「女飛賊蘇飛」陪大家於荔園舊時光中尋找寶物。入場人士一進荔園就會睇到蘇飛o既大型裝置藝術

    2. 荔園x蘇飛的奇幻世界
    除左大型裝置藝術之外,蘇飛亦會帶領大家走進她o既奇幻世界,於迷宮中穿梭,尋找佢各位好友同趣事。

    3. 荔園 – 妖怪手錶 暑假不可思議之旅
    一比一場景打造,妖怪手錶櫻花鎮。透過與地縛喵、威斯帕、哥瑪先生、哥瑪次郎、肚餓爺爺等唔同妖怪手錶角色進行互動遊戲,考驗小朋友o既反應、配對同認知能力。另外,場地亦設有妖怪手錶Pop Up Store。

    4. 親子小花園
    以人類、大自然融合作特別場景設計,以「夏日大晒」為主題,進行手工製作、科學小玩意以及親子溝通工作坊。

    5. ChariTEE
    俾大家運用無限想像力同創意,設計出一件獨一無二o既「tee」。再結合創新科技,利用Snaptee掃描器,即時將作品模擬印刷到T-shirt上。每件賣出o既T-shirt扣除成本後,將全數收益捐給慈善機構小母牛香港,幫助飢餓及貧窮家庭。

    6. 充氣大暴走
    全港首個室內最長o既充氣競技遊戲,長達110米,為入場人士帶黎全新刺激體驗,o係炎炎夏日出一身汗。

    7. XRace
    全港首個電動高卡車車場,將設於亞洲國際博覽館旁邊,車場佔地約8,000平方米,賽道全長為650米(保護欄長度為1,400米),時速最快為每小時50公里,俾入場人士一嘗當車手o既刺激體驗。呢次從德國引入o既RiMO全新電動高卡車,係市面上最高端、最高性能同最高安全性o既電動高卡車,而賽道均由米高舒密加o既賽道設計師Michael Kolbinger所設計,以確保活動的安全。大會將為所有參加者紀錄圈速,於整個活動中最快o既一位將會獲得首屆國際汽聯電動方程式錦標賽第三賽季分站賽 – 香港電動大獎賽GrandStand 門票兩張。 不過呢個項目並唔包括於入場套票內,需要網上預約購票,費用為每位港幣$280。

    荔園暑假又黎喇!與時並進引入電動高卡車!3

    荔園 Super Summer 2016
    日期: 2016年7月15日–8月7日
    地點:大嶼山亞洲博覽館 (室內加戶外)
    門票開售日期:2016年6月1日
    開放時間:上午11am至8pm (周一至周四) / 上午10am至8pm (周五至周日)
    佔地範圍 :19,000平方米(室內11,000;戶外8,000)
    收費:$140(包10個代幣,額外購買代幣每個 HK$10)
    網址:http://laiyuen.hk/
    Facebook:https://www.facebook.com/LaiYuen1949

    荔園暑假又黎喇!與時並進引入電動高卡車!

    檢視更多
  • 低至$79試玩,Azzita 5000呎電動平衡車場!

    低至$79試玩,Azzita 5000呎電動平衡車場!

    繼上年年尾Crazy Cart飄移車之後,觀塘工廈最近又有一個新興潮流玩點(好去處)!
    搵野玩,黎TopFun!即刻跟我地一齊去睇睇!

    原來,Azzita平衡車體驗-維修中心最近o係觀塘開設左一個約5000呎o既電動平衡車試玩場,場地以水馬圍成軌道,並備有頭盔、護膝等,俾大家體驗試玩平衡車呢樣新興玩意!

    低至$69試玩,Azzita 5000呎電動平衡車場!

    對於大部份未接觸過未玩過平衡車o既玩家,可能有好多疑問,尤其係可能最關心o既:第一次玩究竟要幾耐先學識?會唔會好容易仆?

    就等TopFun同你實地試玩直擊!

    開始試玩之前,首先要戴好全款保護裝備,包括頭盔、護踭、護腕、護膝。跟住就可以揀平衡車試下玩。

    低至$69試玩,Azzita 5000呎電動平衡車場!8低至$69試玩,Azzita 5000呎電動平衡車場!7低至$69試玩,Azzita 5000呎電動平衡車場!5

    Azzita有多款唔同大細款式o既平衡車,負責人建議第一次玩的話試10寸呔果款,因為果款屬充氣呔,避震能力較強,亦都較易控制。

    低至$69試玩,Azzita 5000呎電動平衡車場!6低至$69試玩,Azzita 5000呎電動平衡車場!9

    試玩費用除左包括平衡車同保護裝備租用之外,仲包括數分鐘專人指導,等大家o係正式出軌道玩之前,先學識點樣上落同控制平衡車。

    學習區:

    低至$69試玩,Azzita 5000呎電動平衡車場!2

    相比起學踩單車、溜冰等等需要一段時間先平衡到,學平衡車只需要短短數分鐘。

    首先踩上一邊重心腳,等企穩之後再迅速踩上另一隻腳,然後透過兩腳同身體攞平衡點,當車大致可以停o係度,就攞到平衡點。

    低至$69試玩,Azzita 5000呎電動平衡車場!10

    開車時只要人微微向前傾,或者前腳掌用力,平衡車就會自動前駛。相反,如果腳踭用力,平衡車就會倒後行。

    雖然最初都會有少少擔心跌,或者撞牆撞水馬,但係玩落就會發覺其實都係唔容易跌o既。

    低至$69試玩,Azzita 5000呎電動平衡車場!11

    至於每兜一個圏要用幾耐時間,就好視乎你o既技術,最快可以20幾秒,慢o既亦都可以需要幾分鐘。

    負責人表示,水馬軌道會定期改變,以增加新鮮感;10人以上甚至可以包場開Party,特別安排不同水馬軌道或遊戲。

    低至$69試玩,Azzita 5000呎電動平衡車場!4低至$69試玩,Azzita 5000呎電動平衡車場!12

    總括黎講,平衡車試玩都不失為一個充滿新鮮感同有趣o既體驗!

    低至$69試玩,Azzita 5000呎電動平衡車場!13

     

    Q & A:
    Q1. 幾多歲先玩得?
    A1. 負責人建議11歲或以上。

    Q2. 需要/可以自備平衡車去玩嗎?
    A2. 試玩費用已包括租用平衡車及保護裝備,玩家無需自備平衡車。另外,為確保安全,Azzita禁止自備平衡車於場內行駛。

    Q3. 衣着規限?
    A3. 上身基本上無特別規限,建議穿着較舒適鬆身衣物。鞋方面,不能穿着拖鞋、高踭鞋或Boots(底太厚影響用力感應),學生皮鞋亦不甚適合;建議穿着運動鞋為佳。

    Q4. 可唔可以walk-in?
    A4. 可以walk-in,但由於軌道限每次最多同時12人一齊玩平衡車,以避免擠迫,所以最好都係先查詢預約,咁就唔會黎到先發現full左要等。

    Q5. 平衡車時速?
    A5. 一般平衡車最高時速可達10-15km/h,當車到達某個速度上限會有提示逐步減速,以確保安全。

    Q6. 會爆炸嗎?
    A6. 過往新聞報導上的平衡車爆炸事件,一般因為電池質量出現問題或欠缺保險絲,引致過熱危險。Azzita平衡車具備多項證書及合格安全認証,包括CE,FCC等國際認證;充電器用三腳帶保險絲插頭,電池則採用三星電池,相對安全。

    Q7. 香港有咩地方可以玩平衡車?
    A7. 電動飄移板 / 電動平衡車 (Hoverboard) 其實o係香港都出現左一段時間,不過由於法例上規限,基本上一般公眾地方都唔玩得,只有室內私人地方可玩。

     

    >>Azzita電動平衡車體驗-維修中心營業時間及價目表等資料:http://goo.gl/izTxUy

    **宜家用TopFun Coupon,仲有5月限定生日及包場優惠!即刻睇睇!**

    檢視更多
  • 減壓好去處-國際香港枕頭大戰日2016!

    減壓好去處-國際香港枕頭大戰日2016!

    香港人咁大壓力,久唔久都要搵d野活動下玩下,減下壓o既!

    黎緊下星期六(2/4)又有機會喇!一年一度枕頭大戰日一觸即發!!!

    減壓好去處-國際香港枕頭大戰日2016!

    HK’s 6th & biggest Pillow Fight Day 2016國際香港枕頭大戰日2016

    誠邀各位備閣下枕頭,2/4於中環遮打花園 (中環港鐵站 J2 出口),
    等待信號聲一響起,第六次香港枕頭大戰就一觸即發!

    減壓好去處-國際香港枕頭大戰日2016!2

    減壓好去處-國際香港枕頭大戰日2016!3

    注意:
    – 請自備枕頭並枕頭套(謝絕羽毛枕頭)請不要太大力
    – 不能對手無寸鐵或攜帶相機的人作出攻擊
    – 」 穿得越特別越好,至少穿上睡衣作戰!」
    – 抵達後,聽到信號先開始
    – 請攜帶一個垃圾袋, 做一個好公民, 互相廝殺後, 請清理任何留下的垃圾

    温馨提示
    屆時我們會將抑壓或積存在內心的憤怒/壓力, 在一片軟綿綿, 温柔, 柔软的棉花/羽毛海的大狂熱中釋放!

    免責聲明
    活動發起者我並不是組織者,所有參與者均一同有份
    活動發起者不會為任何人的安全負責
    多個傳媒將會出席採訪,請參與者有被拍攝的準備」
    ** 任何臨時更新/改動,請登入http://hongkongfp.com/

    減壓好去處-國際香港枕頭大戰日2016!4 減壓好去處-國際香港枕頭大戰日2016!5 減壓好去處-國際香港枕頭大戰日2016!6 減壓好去處-國際香港枕頭大戰日2016!7

    呢個活動其實o係香港好似都搞左幾年架喇,不過注意番,活動發起者表示佢並唔係組織者,所以基本上可以話呢個係一個純粹大家o既自發活動,大家玩還玩,要自己注意番安全。

    減壓好去處-國際香港枕頭大戰日2016!8減壓好去處-國際香港枕頭大戰日2016!9

    HK’s 6th & biggest Pillow Fight Day 2016國際香港枕頭大戰日2016
    日期:2/4/2016(六)
    時間:5pm-6pm
    地點:中環遮打花園 (中環港鐵站 J2 出口)
    費用:免費,需自備枕頭
    Facebook:https://www.facebook.com/events/1676243652650443/

    檢視更多
  • 假日休閒好去處,西九「自由約」!

    假日休閒好去處,西九「自由約」!

    「自由約」呢三個字,好似久唔久都聽到下,你又有冇去過?知唔知係乜?

    有關「自由約」
    於過去三年,西九文化區舉行多個戶外節目,包括「自由野」、「自由躍」、「自由擺」等,深受大眾歡迎。今年8月起,佢地於每月o既第二個星期日o係西九苗圃公園舉行免費戶外節目「自由約」,更於12月起每月舉辦兩次,於第二個及第四個星期日為觀眾帶來精彩、互動的藝術活動,包括現場音樂與不同的環節。

    假日休閒好去處,西九「自由約」!

    咁黎緊果個星期日(3月13日),「自由約」又有乜節目?

    初春週末,一齊發掘新故事、享受好音樂!
    包括本地音樂單位 RubberBand 、Empty、楊雅餘,以及 Another Kitchen 等將為你帶來精彩音樂。
    專業「講故佬」雄仔叔叔(阮志雄) 聯同作曲家鄺展維及香港創樂團樂手,一邊現場演奏原創音樂、一邊細訴觀眾自身故事,音樂故事二合為一,同大小朋友互動創作《唏,前面嗰位⋯⋯》。
    如果你係 16 歲或以上,又想嘗試另類劇場體驗,可以登記參與由英國藝術家安提.漢普頓創作的「自動劇場」《另一個人》。置身其中,你唔止係旁觀者,而係演員之一。 旅程中你會遇上種種挑戰,一面顛覆你對周遭事物o既框框,一面激發你對城市風貌o既想像。

    假日休閒好去處,西九「自由約」!2

    又可以逛下青草地攤、參與趣味工作坊、聽下《開放劇本》讀劇演出或者去到「草原圖書閣」享受閱讀之樂。

    假日休閒好去處,西九「自由約」!3

    聽落都幾吸引,不失為一個假日好去處,休閒好去處! 😀

    音樂 @ 南表演場地
    14:45 – 15:15WnB南表演場地
    15:45 – 16:15Another Kitchen南表演場地
    16:45 – 17:15楊雅餘南表演場地
    17:45 – 18:15三兔南表演場地
    音樂 @ 中央草坪
    14:15 – 14:45Sinking Smoke中央草坪
    15:15 – 15:45唏,前面嗰位……中央草坪
    16:15 – 16:45陸頭中央草坪
    17:15 – 17:45Empty中央草坪
    18:15 – 18:25RubberBand中央草坪
    自動劇場
    14:00 – 15:15另一個人(香港篇)西九項目辦公室
    16:00 – 17:15另一個人(香港篇)西九項目辦公室
    開放劇本
    14:00 – 14:45

    15:15 – 15:45

    16:15 – 16:45

    17:15 – 17:45

    開放劇本黃昏廣場
    工作坊
    16:15 – 17:15

    17:30 – 18:30

    拇指琴工作坊 

    中央草坪工作坊攤位

    14:15 – 16:15藍白系小乾花束工作坊中央草坪工作坊攤位
    16:30 – 18:30滿天星小珊瑚乾花圈工作坊中央草坪工作坊攤位
    其他活動
    14:00 – 19:00青草地攤南表演場地
    14:00 – 19:00草原圖書閣中央草坪
    14:00 – 15:00苗圃公園樹木導賞苗圃公園

     

    「自由約」
    日期:3 月 13 日(星期日)
    時間:下午二時至七時
    地點:西九文化區苗圃公園
    費用:免費入場,無須登記*
    (*部份工作坊須預先登記,詳情即將公布)
    網址:http://www.westkowloon.hk/tc/whats-on/current-forthcoming/freespace-happening-13-3-2016/event-type/free

    檢視更多